- Член од
- 5 јануари 2008
- Мислења
- 532
- Поени од реакции
- 614
Од 1000ци фамилии во Содом секако дека имало многу повеќе деца, отколку во 3 фамилии споменати во Светото Писмо. Но веројатноста содомските деца да се упатиле во куќата на Лот со цел да силуваат е 0. А веројатноста децата во чии куќи влегол Павле да бидет крстени е далеку далеку поголема.Израел била со висока стапка на наталитет и во времето на Содом, па сепак ти не толкуваш дека и бебињата отишле да ги силуваат гостите на Лот.
Кога сите жители на Содом, и стари и млади до последниот жител дошле да ги силуваат гостите на Лот, мора БАРЕМ во една од тие фамилии да се најдело ако не бебенце тогаш едно мало детенце нели? Каде е поголема веројатноста да се нашло бебе, во 3 фамилии или во целиот град Содом?
Да, години не се спомнати, а она што е спомнато (меѓу другото) е следново:
Етиопјанецот рече: „Еве вода! Што ме спречува да се крстам?”
А Филип му рече: „Ако веруваш од сè срце - можеш."
(Дела 8:36-37, Библијата)
Да, Исус ги прекорил учениците затоа што ги спречувале децата да доаѓаат при Него, но откако ги пуштиле Исус не ги крстил, туку само ги положил рацете на нив и си отишол.
Тогаш доведоа дечиња при Него, за да ги положи рацете над нив и да се помоли; но учениците ги укорија. А Исус рече: „Оставете ги децата и не им пречете да дојдат при Мене, зашто на таквите им припаѓа небесното царство.” ги положи рацете на нив, и си отиде оттаму. (ев. Матеј 19:13-15, Библијата)
Ако Исус со горната изјава мислел на крштевањето тогаш зошто не ги крстил децата? Туку стихот вели "ги положи рацете на нив, и си отиде оттаму".
Потенцирано е, цитирам:
"Уште не беа легнале, да одморат, кога жителите на градот, Содомците, млади и стари, целиот народ до последниот човек, ја опкружија куќата."
(Битие 19:4)
Значи стари и млади, целиот народ до последниот човек. Ти велиш бебето нема нагони, ниту пак знае што значи силување. Добро велиш. Но Светото Писмо вели и дека детето не го познава Христос, не знае што е тоа крштевање, не знае ни од колку букви се состои името Исус за да се крсти во Негово Име.
Ах не ми се верува до која лудост може да го доведе човека служењето на догмата. Бебињата верувале со сето срце во Исус
Што се однесува за Јован Крстителот, прочитај го внимателно следниов цитат:
„Јован сведочеше уште: „Го видов Духот да слегува од небото како гулаб, и застана над Него. Јас не Го познавав, но Оној Кој ме испрати да крштавам во вода ми рече: „Врз Кого ќе видиш да слегува Духот и да останува над Него, Тој е Оној, Кој ќе крштава во Светиот Дух.” И јас видов и сведочам дека Тој е Божји Син.”“ (ев. Јован 1:32-24, Библијата)
Значи слегувањето на Светиот Дух во облик на гулаб врз Исус Христос било знакот по кој Јован го препознал и поверувал во Христос. Патем Јован Крстителот бил директно пратен од Бог со соодветна објава, за специфична и уникатна служба - да биде предвесник на Исус и да го подготви Неговиот пат. Затоа и вели „Оној Кој ме испрати да крштавам во вода ми рече“. Дали ти се сеќаваш некогаш Бог да ти рекол нешто такво?
Мрднувањето (заигрувањето) на неродениот Јован во утробата на Марија било Божји знак упатен до Елисавета, знак која таа веднаш го препознала. Бог е Тој Кој што направил Јован да клоцне (се изразувам со денешен речник) во утробата на Елисавета. Далеку од тоа дека неродениот Јован знел Кој и Што бил Исус пред да се роди. Ако било така, тогаш тој погоре немаше да рече „Јас не го познавав“ и немало да чека на Божјиот знак туку веднаш ќе го препознаел и тоа без гледање - нели како што тоа наводно "било" и во утробата на Елисавета.
Во тие фамилии со висок наталитет кои живееле во Содом имало и деца. Но децата и бебињата НЕ можат да силуваат. Тоа го кажав и во претходниот пост. Затоа пак деца во времето на апостолите кои живееле во Назарет, Капернаум и во други градови немало зошто да не бидат крстени. Ајде малку една хипотетичка ситуација да направиме: доаѓа еден од апостолите во некое јудејско селце или град и ги крштева само возрасните. Во тој случај кој го извршил крштевањето на детето кое по неколку години станало полнолетно ако се земе во предид дека во тоа време сите апостоли биле отидени на сите страни од светот да ја пренесуваат и на другите народи убавата вест? Тогаш ќе се дојде до заклучок дека апостолите поставиле некој да ја извршува таа должност. Што алудира на појава на свештенството а тоа не им оди во прилог на протестантите.
Цитатот со Етиопјанецот не ми е познат. А вака како што го читам „откорнат“ од целината и од контекстот не ми кажува ниту пак докажува нешто.
Уште не гледам цитат во кое е јасно и недвосмислено кажано дека детето не може воопшто да го познае Бог. Штом Јован Крстител нероден без да го види Исус Христос потскокнал тоа значи дека бебето ( а со тоа и детето) МОЖЕ да го познае. Не дека мора туку може да го познае. Може да го познае не е исто со не може да го познае.
Исус Христос полагал раце и на возрасни и на деца, исто така ниту крштевал возрасни ниту пак крштевал деца. Пак непотребна споредба.
{Ми се чини дека намерно некои буквално „бомбардираат“ со цитати и прават некои вратоломни споредби со цел да се збуни другиот. Но, еве, можеби и грешам.}
Никаков божји знак не бил упатен до Елисавета. Божји знак бил упатен до Јован за да физички го препознае изгледот на Месијата. Тоа значи дека тој го почувствувал уште како бебе со срцето. Сигурно дека тоа не бил некој негов вроден рефлекс што потскокнал. Јован Крстител кога бил возрасен, знаел за Христос, но не го познавал по надворешен изглед затоа е пратен голубот т.е. Светиот Дух. (воедно Господ Отецот го претставил Господ-Синот на насобраниот народ).Зарем тој би крштевал во нечиие име што не знаел што значи?
Тој познанието го добил уште како неродено бебе.
Неговата мајка пак, ВЕДНАШ и поверувала на Исусовата мајка дека таа ќе биде родилка на Месијата, а ПОТОА Јован потскокнал. На Елисавета всушност не и бил потребен никаков знак. Таа без знак и поверувала на Богородица.
Кон болдираното- и тебе да ти се заблагодарам за комплиментот ни малку ни многу туку дека сум луда. Кога некој мисли и/или верува во различно нешто од друга христијанска доминација тогаш тој е луд и е подлегнат на црковни догми. А тој што го упатува комплиментот е во апсолутно право и е ексклузивен припадник на изворната Христовата наука.
Браво! Баш христијански. И тоа најизворно христијански.
Ако толку сакате да си ги читате само вашите ставови и мислења, што не отворите (ако немате) ваш форум и таму фалете се и климајте со главите да-сите да или не- сите не. Ама изгледа требаат нови души за лов. Неинформирани.
