G
Gjoksi
Гостин
Другарче, еве ти убаво објаснување околу изборот на начинот на управување со зграда:има ли во оваа квази држава искусен правник или адвокат стручен околу примената на Законот за Домување ???
Пишав порано, согласно Законот се обидов пред 5-6 години да поднесам писмено Барање во Основен суд Скопје 2 , судот да ни одреди управител, така пишува во Законот ... Архивата на Судот НЕ САКАШЕ воопшто да го прими Барањето, ме праќа УСНО кај општински инспектор за Домување, а тој кажува треба да се добие Согласност од 51% станари...
Па ако има согласност од 51% станари сам ќе дојде Управителот...
Член 10 ставови (1) и (2) од Законот за домување гласат: „(1) Управувањето со станбените згради претставува следење и спроведување на одлуките донесени од собирот на сопствениците на посебните делови во зградата, застапување во правниот промет и во постапките пред надлежните органи со цел за функционирање, одржување и зачувување на заедничките делови на станбената зграда. (2) Работите на управување од ставот (1) на овој член може да ги врши управител или заедница на сопственици за што сопствениците на посебните делови се должни да донесат одлука со која ќе одлучат овие работи да ги врши управител или заедница на сопственици.“.
Член 18 став (1) од истиот Закон гласи: „Ако во станбена зграда има повеќе од двајца сопственици на посебни делови и повеќе од осум посебни делови, сопствениците на посебните делови можат да определат со станбената зграда да управува управител. Одлуката за определување на управител е донесена кога за неа гласале повеќе од половина од сопствениците на посебните делови.“.
Член 54 став (1) од истиот Закон гласи: „Ако во станбена зграда има повеќе од двајца сопственици на посебни делови и повеќе од осум посебни делови, сопствениците на посебните делови можат да донесат одлука за формирање заедница на сопственици како правно лице за управување со станбената заграда. Одлуката е донесена кога за неа гласале повеќе од половина од сопствениците на посебните делови.“.
Член 18 став (3) од истиот Закон гласи: „Во станбените згради во кои не е определен управител ниту е регистрирана заедница на сопственици до определувањето на управител или регистрирање на заедница на сопственици, сопствениците на посебните делови се должни самите да обезбедат извршување на сите работи што според овој закон спаѓаат во делокругот на управувачките услуги.“.
Конечно, согласно одредени членови од истиот Закон, Судот е единствено надлежен:
- да го менува или дополнува планот за одржување на станбена зграда,
- да донеси одлука која го заменува договорот за заемни односи,
- да одлучува за работи што не се предмет на договорот за заемни односи,
- да донесе одлука за сосопственички удели,
- да донесе одлука за интервенција во стан,
- да донесе одлука за поправки и подобрувања во стан,
- и друго.
Судот нема надлежност да назначи Управител на станбената зграда.
Народски кажано, додека не назначите управител на зградата или не регистрирате заедница на сопственици, а за тоа е потребно да гласат повеќе од половина од сопствениците на становите и деловните простории во зградата или кажано во бројки 51%, сопствениците на становите и деловните простории во зградата, независно од тоа дали истите се издадени под закуп или не, сами ќе си ги вршат работите на управување на зградата, на пр. тековно одржување на зградата, разни преправки, поправки, инвестиции, интервенции и сл. Ако не можат да донесат одлука за одредени работи, тогаш Судот е надлежен да донесе долука наместо нив. Конечно, секоја интервенција или друга одлука во врска со станбената зграда си е посебно регулирана во Законот за домување, кој има околу 140 членови.
Се надевам дека ти помогнав, а се надевам дека ова објаснување ќе им помогне и на сите кои го имаат овој проблем во управувањето на станбените згради.
Поздрав.
Адвокат Ѓорѓи Павлов Кавадарци
Последно уредено: