GTFO
Pushing the button
- Член од
- 3 април 2009
- Мислења
- 5.654
- Поени од реакции
- 4.579
Почина Ѕвездата на Naked Gun
29.11.2010 | Филм и ТВ | Извор: Макфакс
Лесли Нилсен познат по своите улоги во комедиите “Naked Gun“ и “Airplane“ почина во 84. година од животот. Агентот на актерот соопшти дека Нилсен починал во болница во близина на неговиот дом во Форт Лодердејл, Флорида во 17:34 часот вчера, пренесува Daily Mail.
Неговиот агент, Џон С. Кели, рекол дека актерот починал поради компликации од воспалението на белите дробови.
Внукот на Нилсен, Даг, за канадската радио станица CJOB открил дека актерот бил во болница 12 дена поради болест и дека кога починал покрај него биле неговата сопруга и пријателите.
„Тој беше навистина добар човек. Многу грижлив, природно духовит и во секојдневието, а не само затоа што некој го напишал тоа во сценарио. Тој беше еден од моите најдобри пријатели и многу ќе ми недостасува“, рекол внукот.
Нилсен бил роден во Реџина, Канада во 1926. година, а во Холивуд дошол во текот на '50-те.
Својата актерска кариера ја започнал со сериозни филмови како Forbidden Planet во 1956 и акциониот филм Poseidon Adventure во 1972. година, за во 1980. да го воодушеви критичарите со својата улога во пародијата Airplane! .
Нилсен освои и номинација за Еmmy за својата улога на детективот Френк Дербин во хумористичната ТВ серија Police Squad, а ликот го репризираше во 1988. година во пародијата The Naked Gun.
Во поново време, Нилсен се појави и во Scary Movie 3 и Scary Movie 4, а и во комедиите Superhero Movie и Stan Helsing.
R.I.P ЛЕГЕНДО
