Последен гледан филм со кратка рецензија

[Goodfella]

Umberto D.



Италија, Рим, пензионерите со мала пензија, незадоволни, протестираат. Умберто Доменико Ферари не е исклучок, поголемиот дел од пензијата ја дава за кирија, а му се заканува и исфрлување од местото кое веќе 20 години му е дом. Со тоа малку што му останува треба да се грижи не само за него, туку и за неговиот најдобар другар, Флајк, неговото куче.
9/10

 

[Сабазиј]

Го изгледав Interview with the vampire. Постар филм, кој го имам претходно гледано, пред некои 10-15 години. Ја прочитав (пот)просечната книга, па ајде, зошто пак да не го изгледам филмот, кој и не беше толку лош пред толку време.
Како Танго и Кеш, како Топ Ган, така и вампирскава сага e набиена со тешки дози хомоеротичност (всушност, повеќе и поочигледно од претходно спомнатите). И книгата си е таква. Некому му пречи, некој пак, е по таа чест. Мене ми беше сеедно. Филмот го вади најдоброто од книгата и ова е еден од оние ретки случаи кога снименото е подобро од напишаното. Доминираат машките ликови. Сите, кој од кој, тогашни ѕвезди: Том Круз, Бред Пит, Антонио Бандерас, па до некаде, и Кристијан Слејтер. Жените се шутнати настрана и се безначајни епизодисти, освен Кирстен Данст, која е дете (одлично глуми).
Ова не лош филм, просечен е, гледлив, ненапорен. Ја доловува успешно онаа атмосфера од 19 век на новиот и на стариот континент која сме навикнале да ја гледаме. Вампирите спаѓаат во онаа категорија крвопијци поради кои Дракула би заплакал од срам. Веројатно ова е еден од првите филмови во кои вампирите се замислени лепотани, и кои сега се вообичаена појава. Сепак, актерите си ја работат работата и не е чудо што бил хит пред две децении. И сега може да пројде.
6/10

 

[Tutor]

The Green Room

Не сакам да трошам време да качувам снимка од каверот, не сакам ни да трошам време да пишувам кратка рецензија,ајде само една реченица, едноставно не заслужува. Поглуп филм, односно поглупо одглумен, исцениран презентиран.. абе се комплет од А до Ш не сум гледал никогаш. една голема НУЛА . Немој некој да се излаже да го гледа ќе жали, многу.

 

[Daedalus]

Cannibal Holocaust

Одамна се канев да го гледам и мислев дека нема да ми се свиѓа, впрочем и не сум гледал многу експлоатациски филмови, али вчера си ги ставив мудата преку рамо и го пуштив. На мое изненадување, не само што ми се допадна, туку и потполно уживав во филмот (не на некој садистички начин). Според мене, крајната инстанца на секоја уметност е со содржината и формата на делото, уметникот преку одреден медиум, да ја промени свеста на тој што го искусува делото.
Лично мене, филмов успеа на емотивен план да ме усмрти со летална доза на нихилизам.

Канибал Холокауст, не само што го поткопува интелектуалното разбирање за животот и вредноста на луѓето, туку на емотивен план го дехуманизира човекот, го обезвреднува животот и го сведува на купишта органска материја со метаболични процеси. Во еден момент, гледаш човек со кој сочувствуваш, чиишто мислења ги вреднуваш и којшто има некаков удел во твојот живот. Следниот момент, тој човек е само парчиња месо и коски, ништо повеќе, а чувството кое се добива е заебано. Повеќето кои гледале барем едно клипче на кое е покажано вистинско убиство, почувствувале дека нешто не е во ред иако не можат да посочат што конкретно. Тоа не е чувство на гадење или страв, туку нешто друго што никогаш не сум можел да го опишам со зборови.
Филмот не е препорачлив за било кој, посебно не за луѓе со слаб желудник и кревка психа иако мислам дека е потребна доза на болка која треба секој да ја искуси.
Му давам 9/10.

 

[Lurtz]

Concussion 2015
преведено на нашки би било потрес на мозокот

Кога читав за филмот, она што ме привлече беше "вистинит настан" и "истражување на мозочните оштетувања". И мислам дека не згрешив. Добро сработено, настаните, истражувањата за оштетувањата (хронична трауматска енцефалопатија, траума, повреда на мозокот) кај спортистите (подоцна се открива и кај воените ветерани, боксерите..) се реални и објавени во водечките медицински списанија, а и екипата ептен им се погоди. Вил Смит во улога на патологот доктор Омалу кому во смена му носат починато лице Мајк Вебстер (Дејвид Морз), поранешен шампион во американски фудбал, открива нешто што, слично на тутунската индустрија во 70тите, ќе ја погоди Националната Фудбалска Лига (НФЛ). Два часа фим, но мислам дека вредеше секоја изгледана минута.

 

[zipperwow]

Љубител сум на опусот на Буковски. Фактотум ја имам читано два пати и дознав дека имало филм. Си реков ајде да го гледам. Од старт си ги спуштив очекувањата и го изгледав.

Мет Дилион во главна улога, го игра Хенк Чинаски, кој е алтер его на Буковски во неговите дела.

Хенк е алкохоличар и писател(веќе клише е ова денес), кој се префрла од една нископлатена работа на друга за да си ги финансира потребите за пијанчење и за жени. Пишувањето е единствената работа на која тој и придава значење. И покрај безбројните одбивања од страна на уредниците на кои тој им пишува, Чинаски не се откажува и ја чека сопствената шанса.

Актерите си ја вршат работата. Дилион мислам дека одлично го прикажува ликот на Чинаски според пишувањата на Буковски. Дијалогот на моменти е некако присилен, но поминува.

Се на се ми се допадна филмот, поготово крајот на филмот, во кој е еден од моите најомилени цитати.

 

[macko i]

Now you see me 2

Конечно го изгледав вториот дел и може да кажам дека е многу разочарувачки во однос на 1 е чиста 0. Во овој дел магијата и триковите се сведени на минимун и тоа што преовладува се планови за грабеж и дообјаснувања за приказната од 1 дел. Се на се 5 повеќе не ми се дава.

 

[Daedalus]

Hardcore Henry

​

Сите што сакаат да гледаат Deus Ex сценарио избустано со адреналин, константна акција и хард кор тучи, пукање и палење, обавезно Hardcore Henry.
Предобар филм иако направен со мал буџет, комотно може да се гледа како fps со екстремно добра графика.
Гај Ричи со Кренк, може гомна да јаде.
8/10

 

[Miss.Independent]

Central Intelligence

Не паметам кога последен пат сум седнала да гледам комедија а и не претпочитам да глеам ама еве оваа ми се погоди се преродив од смеење мајке ми која хистерија ме фати добра е ко за у пмс онака се релаксираш па и грешките до крај има ги гледав леле шамарчињата

Двејн Џонсон и Кевин Харт абе коа ги видов едниот огромен карпа бел без коса другиов низок црн само бели заби светат

Приказната е за ЦИА агентот (Џонсон) кој доаѓа дома на прослава за 20 години од матура.Се обединува со пријателов по фб кој е сметководител и го заебува на фин начин за да му помогне во врска со меѓународна шпионажа.Ама работите тргнуваат на погрешна страна...

Инаку во филмот може да се видат и Ејми Рајан, Арон Пол, Брет Азар и Меган Парк.

п.с филмов си носи многу добра порака

 

[Scirea]

It's A Mad Mad Mad Mad World (1963)

​

Една од најдобрите комедии некогаш направени... Замислете денес да ги соберете Џејмс Франко, Џона Хил, Вил Фарел, Крис Рок, Еди Марфи, Џим Кери, Бен Стилер, Стив Карел итн, и да ги вметнете во еден филм. Невозможно нели? Епа овој филм од 1963 го направил токму тоа, ги собрал сите дотогаш познати комедијанти и го направиле ова дело што трае преку 3 часа.
Филмов можеби и сте го гледале, се даваше на времето на Сител (кога беше за ниво понормална телевизија) во вечерните или пак раните утрински часови. А и да не сте го гледале, тогаш сигурно сте го гледале Трка на стаорци од 2001 година... е овој филм успеа ДОНЕКАДЕ да го долови оргиналов од '63 година.
Приказната почнува кога во пустинските делови во Америка, еден возач паѓа во провалија со својата кола... попат се собираат неколку луѓе кои се симнуваат во дупката да му помогнат на човекот, кој нажалост е пред умирање. Али пред да испушти душа, тој им кажува дека на тоа и тоа место под буквата W има скриено богаство од 300.000 долари (денес тоа би дошло околу 4 до 5 милиони долари) . И тука веќе почнува целата фрка, овие луѓево што се симнаа да му помогнат на веќе починатиот човек стануваат алчни за тие пари, али никако не можат да се договорат како заедно да ги поделат парите, па така почнува трката и секој гледа за себе како да стигне до тие пари. Како што пишав, ако сте го гледале Трка на Стаорци, тогаш МОРАТЕ и овој да го ѕирните.
До каде оди човековото лудило кога ќе му се спомнат многу, многу пари? Филмов тоа ќе ви го открие. Башка да напоменам дека во делово има многу камео актери кои безвезе се појавуваат на 2-3 секунди колку ете да ви го одвлече вниманието од филмот

10/10 оценка, огромна препорака од мене... нека не ве залажуваат застарените ефекти во филмот, сепак делово е правено пред 53 години, а е вистинска класика

The Frisco Kid (1979)

​

The greatest cowboy who ever rode into the wild west... From Poland
Вестерн комедија со Џин Вајлдер и Харисон Форд. Рабин од Полска е пратен на мисија во дивиот запад да стигне во Сан Франциско се со цел да одржи Синагога со тамошните евреи, а патем му е ветена и ќерката на еден од луѓето таму. Рабинот Аврам (Џин Вајлдер) е наивен побожен човек, и не ги сваќа опасностите што се дешаваат во Америка за време на 19-иот век. Попат ќе се здружи со еден каубој (Харисон Форд) кој ќе му помогне да го најде патот до Сан Франциско, али човеков е типичен бандит, преживува со ограбување на банки и возови

Типична комедија, не е од типот како предходниот филм што го пишав, али за тепање време таман ќе ви дојде.

Оценката на ИМДБ е правилна, 6,4 и од мене

 

[Boom Shaka Lakka]

"The Passae" (2007)

Кој сака филмови кои немаат среќен крај нека го гледа овој. Прилично краток филм е, па затоа ќе го изгуби значењето доколку почнам да го објаснувам.

 

[santino]

The infiltrator
http://www.imdb.com/title/tt1355631/

После долго размислување се решив да го гледам филмов и тоа во кино, но за жал синхронизирано, иако бев свесен за тоа. Синхронизацијата е работа, којашто не можам да ја сварам и сфатам.

Што се однесува до филмот, базиран е на вистинска случка, при што станува збор за еден од картелите на колумбискиот бос со хероин Пабло Ескобар. Филм за инфилтрирањето на детектив во мрежата со цел да ја разбие истата. Филм за доушниците на полицијата и на мафијата. Филм за црвените линии од каде што нема назад. Филм за ризикувањето на животот, каде што една мала грешка може да те чини скапо. Филм за колку ништо не значи пријателството, роднинските врски и т.н. кога станува збор за бизнисот и парите.
Не би сакал многу да должам и да откривам многу работи од сижето. Филмот не изобилува со многу акција, а може да се каже дека во преден план е психолошката игра.
Филмот има оценка 7.4, а јас би му дал 9,2 (професионална деформација).
Го препорачувам.

 

[macko i]

Keanu

Филмот го симнав зарди сликава и солиден е за тепање време. Кларенс и Рел се најдобри другари едниот со криза во бракот , а другиот несреќен во љубовта. Еден ден пред вратата на Рел ќе се појави мало маче кој тој ќе реши да го чува. Заплетот започнува кога по грешка ќе ја обијат куќата на Рел , а единствено што недостасува е мачето Кеану. Потрагата и враќањето на мачето е целиот филм се на се 7/10.

 

[Miss.Independent]

Act of Valor(2012)

Станува збор за Navy SEALS и нивната борба против анти-тероризмот.Базиран врз вистински настани и луѓе кои секојдневно се справуваат со тоа.Не сакам ништо друго да ви откривам мене премногу ми се допаѓа ви го препорачувам да го гледате не е воопшто акционен филм кој личи на научна фантастика кај шо луѓето се бесмртни и семоќни.

Еве трејлер сигурна сум ќе ве заинтересира

 

[Хоуп]

Mildred Pierce (1945)

Mildred e samohrana majka i ambiciozna zena koja raboti naporno za da gi prehrani svoite dve kjerki. No kolku povekje raboti i zarabotuva, tolku povekje se zgolemuvaat apetitite na nejzinata postara sebicna i razgalena kjerka Veda. Baranjata vekje gi preminuvaat granicite na normalata, no zelbite mora da se ispolnat po sekoja cena.
Vo filmov e se za cista 10ka, od gluma pa se do nebitni sporedni likovi, se skockano kako sto treba. Za Joan Crawford 11/10. Sovrseno.
10/10!