Последен гледан филм со кратка рецензија

[zmej gorjanin]

The Fighter
Го изгледав Фајтер конечно, се на се добро филмче, базирано на биографска приказна. Приказната си е таква каква што си е, но сепак мислам дека најдобриот дел од цел филм е глумата и односите кои се развиваат помеѓу ликовите. Кристијан Бејл беше неверојатен, не очекував вакво нешто од него т.е не знав дека може да игра и вакви улоги, сосема залужен Глобус, да се надеваме и Оскар. Хаха имам само мала замерка, Марк Волбер некако многу аматерски ми боксуваше во рингот, ко да немаше сила да удри човекот, како и да е 8 од 10

The Town
За филмов и нема што да се каже многу, гледав филм кој што све си мислам сум го гледал порано, освен пукачката сцена остатокот беше просечен и ништо ново. 6 од 10

About Shmidt
Филмов како почна си викам во којзнае што ќе се претвори ама згрешив, ја подепресивен и попензионерски филм неам гледано, хахаха дури и смешно ми е Џек Николсон да го гледам ко ваков лик, сепак маестрално си ја заврши работата и заради тоа ми е уште почуден филмов. 6 од 10

 

[RocknRolaa]

Stone

Од кај да почнам да го правам филмов пуздер!! Волку глуп, недоречен, каша попара филм немам гледано, одамна. Во принцип не слушам туѓи критики за филмови додека не излгедам филм, а за овој имаше побаајѓи лоши критики. Сега знам и зошто. Ова е веројатно најлошиот направен филм со една од најдобрите филмски екипи (зборувам за актерскиот состав). Сте гледале ли филм кој почнува како класичен трилер, за да заврши како драма? Јас не сум гледала, дури не сум помислила дека такво нешто е возможно да се направи. А гледам во право сум била. Го гледате трејлерот и ја читате кратката содржина и си мислите, при ваква најава па уште филм со Нортон и Де Ниро, ова ќе биде трилер и пол. Ма каков трилер. За ова треба да се најде нов збор во речник.

Филмов се врти околу затвореник чиј прекар е Стоун (Едвард Нортон), кој е во затвор и пробува да го манипулира Џек (Де Ниро) кој е службеник кој врши проценка на затворениците и дава свое мислење за тоа кој од нив може да биде пуштен на условна слобода. Стоун за да се осигура дека ќе излезе на условно му ја пушта својата жена на Џек, Лусита ( Мила Јовович) за да го заведе. И ако ова ви делува како доволно добра причина да го гледате филмов, верувајте дека се лажете. Женава го заведува човеков и после цела приказна оди по ѓаволите. Одеднаш Стоун доживува некакво си духовно просветлување во затворот, и почнува да му дели лекции на Џек. Она што почнува како план за манипулација, се поврзува со некаква си духовна филозофија која очигледно неталентираниот сценарист ја масакрирал, а режисерот направи филм од 1 и 45 минути во кои не постигнал ништо од во суштина добрата замисла.

Значи трилер не е, а ги има сите предиспозиции за такво нешто. Филмот почнува со добра сцена, продолжува во затвор и ви делува како да има добра позадина за да се склопат коцките. Мхм. Како не. Филмов уствари треба да поттикне филозофска мисла, ама толку лошо го направиле, и толку е недоречен што завршува и си викате: Абе ај. Што ми требаше ова. Она што е најсмешно, е што Нортон е апсолутно на задачата во филмот, тој е уствари толку добар што никогаш не може да одглуми лошо. Де Ниро си е класика, а богами и Мила. Но јас се обложувам дека било кои други актери да ги ставеа од барем едно ниво подолу, филмов ќе беше смешка и никој немало да го забележи. И со право.

Можам и да претпоставам зошто Нортон се нафатил да го снима филмов. Неговиот лик е од оние малу налудничави, мрачни и комплексни луѓе кои тој сака да ги глуми. Но, поентата на филмот е комплетно утната. Одеднаш почнува да ви се меша религија, враќање на стари долгови ...едноставно тешка глупост. Она што почнува со манипулација се завршува со крај без логика. Имате непотребни сцени еден куп. Додека го гледате може и да ви забега мисла за тоа што треба да купите утре од продавница. Е до толку е тупаџиски на моменти. Една работа па ич не ми стана јасна, Мила Јовович глуми учителка во градинка, а нејзиниот лик е толку забеган и перверзен што не знам што сакале да постигнат. Дали е таа манипулатор или манипулирана? Изгледа заборавиле да кажат..

Значи заклучокот е дека филмов е различен од сите ваши очекувања од него и тоа не на добар начин. Можете и без него, слободно прескокнете го.

П.С: И време е Де Ниро да не се бламира со лоши проекти. Нека го земе испробаниот рецепт на Мајкл Кејн,и да почне да глуми споредни забележителни улоги во добри филмови. Се гледа дека е уморен и дека почнал несериозно да си ја сфаќа улогата на култен глумец.

 

[Srcee]

Barton Fink

Between Heaven and Hell There's Always Hollywood!

Чуден филм. Не знам како подруго да го опишам. Оваа придавка ја употребив и за Mr. Nobody. Ок, значи го имаме Џон Гудман, кој после The big Lebowski не можам да не го сакам.
Бартон Финк е сценарист кој доаѓа во Холивуд и престојува во еден крш хотел. Е сега, не разбрав

Спојлер

што беше финтата со тапетите, што беше финтата со комарците, што беше финтата со сликата и со жената на крај и што беше финтата со тоа кога Бартон Финк почна да пишува дури имаше writer's block, и кога ја извади од фиока книгата (мислам дека беше Библија), зошто го имаше истиот текст и во неа.

Чуден филм во секој случај, не би сакала да го оценувам.


Pathology

Тед работи на патологија и се спријателува со неговите колеги и им се придружува во нивната игра: едниот од нив убива човек и другиве погодуваат на кој начин е извршено убиството.
Одамна немам гледано филм во кој главниот лик ми оди на живци. Значи толку рамнодушно човече нигде немам сретнато. Човекот има се во животот, убава девојка, платена работа, се тоа, и он си го бара со боринче, во секој можен аспект. Значи филмот е океј, али токму тоа ме нервираше до тој степен што не можев да уживам во филмот. Интересен крај. И интересен е фактот дека патолозите можат што сакаат да прават со мртовците и никој да не дознае за тоа. 6/10


The tournament

Не знам зошто, филмов ми личи на претходниот. Али овој е бољи. Е сеа не сакам акции али се трпи. На секои 7 години во еден град се одржува турнир со 30те најдобри светски убијци. Победникот добива титули, награди, бла бла. Само победникот смее да остане жив на крај. Проблеми ќе настанат кога во играта по грешка ќе се вклучи еден свештеник, и не по грешка ќе се вклучи минатиот победник.
Филмов ми се допадна, го препорачувам, посебно на оние што уживаат во акции. Освен еден, другите се непознати глумци, барем за мене. 7/10


The wicker man (2006)

После The office space, повторно големо несогласување со имдб. A очигледно и со малините.
Филмов е римејк. Јас оригиналот го немам гледано и не се сомневам дека е подобар.
Се работи за полицаец кој бившата жена го вика на еден остров кој има чудни жители, затоа што ќерка и исчезнала. И будалава оди.
Мене приказната баш ми се допадна, атмосферата цело време е исполнета со мистерија. Се чудев кога гледав колку лоши критики има добиено. Мене ми се допадна. 8/10

 

[Сатори]

Ретко анализирам филмови затоа што имаат субјективитет во доживувањето, but then again, не сум била толку импресионирана од Brazil.Арнофски и Портман се прекрасна комбинација, текот на филмот е бавен и ритмичен и добива на брзина и интензитет кон крајот.
Крајно експлицитен и мрачен, психолошка драма која што совршено ја покажува трансформацијата од нежна млада девојка во доминантна и арогантна жена притоа користејќи одлични метафори кои што се преклопуваат со приказната на филмот.
Просто совршено + балерини.

 

[JUVE_Ultras]

The Next Three Days

Стварно добар филм крими/драма/трилер.Добра актерска екипа Расел Кроу(Џон Бренан),Елизебет Бенкс(Лара Бренан),Лиам Нисон.Лара е уапсена за убиство на својот шеф,видена е како го напушта местото на злосторот,а нејзините отпечатоци се на оружјето со кое тој е убиен.Џон неколку години се обидува да ја извади од затвор,но сите докази се против неа.Па Џон е принуден да го направи тоа на малку поинаков начин...
Сите најпознати филмови на Расел Кроу се историски како Гладијатор,Робин Худ,па интересно е да се види во ваков модерен трилер.Се на се одличен филм,до самиот крај не се знае како ќе заврши и буквално го изгледав во еден здив.Доста потсеќа на серијата Prison Break,па им го препорачувам на сите што сакаат ваков тип на филмови.Моја оцена 10/10

 

[Zaphod Beeblebrox]

What Did You Do in the War, Daddy?

Класика филм. Снимен во 1966 година, во главните улоги James Coburn, Dick Shawn и Sergio Fantoni.

Времето на дејствието е Втората Светска Војна. Локација - село во јужна Италија. Американски одред доаѓа да го освои селото, кое е на стратешка позиција. Малата Италијанска војска во селото, се предава но има барање до Американците. Да организираат забава селото!
Следното утро се будат и се изгледа освен дека тоа се две непријателски војски. Под притисок од дознавање од нив поголеми членови на војските, решаваат сеуште пијани од минатата вечер - да глумат дека се борат.

Одлична комедија за тоа време. Прикажан стереотипно италијанскиот карактер на војниците и селаните а исто така и фраерскиот однос на американците во војската. Типична глума и режија за тоа време. Интересен филм кој секако опушта.

На imdb има 6.5 но јас му давам секако поголема оценка.

 

[Intex]

127 Hours (2010)

Ова е третиот комплетен филм снимен во 2010-та кој го гледам, после Social Network и Black Swan (Фајтерот и тој на Коенови не ми се гледани, па .... не можам да коментирам за нив).
Џејмс Франко=цар! Одлично ја доловува секоја емоција, успеваме да се поврземе со ликот, да сочуствуваме и смееме заедно со него.
Одлично експериментирање со камерата. Дени Бојл искрено не го сакам како режисер, но ова беше „предобро за да биде вистинито“ експериментирање.

Не би ја должел повеќе, ова е филм кој вреди да се погледне, и е далеку подобар од Buried, кој е од исти тип, филм со еден актер.

Оценка:10/10

 

[zee German]

12 angry men
од 97ма
Еден од ретките ако не и единствениот римејк кој ја доловил до некој степен атмосферата и тензијата од оригиналот .Сепак оригиналот е врвно остварување.

Целото дејство освен почетокот се случува во собата за поротници каде 12мината одлучуваат за субдината на 18 годишно момче кое е осомничено за обиството на својот татко.
Многу добро се прикажани односите на поротниците во собата,нивните спротиставени ставови,како и нивните предрасуди и стереотипи.

8.5/10 (Џек Лемон на старост ја толкува истата улога која ја имаше Хенри Фонда во оригиналот,и тоа на ниво )

Blow

Биографски филм за Џорџ Јанг,манот кој во 70тите години направил многу убава работа за својот народ "го естаблирал пазарот на кокаинот во својата родна земја ".
Според мое гледиште ,настаните имаа некој чуден тек ,не доволно доловени некои работи како дејството на кокаинчето, семејните односи без емоции ми беа,и Џони Деп некако многу лежерно ја одигра улогата.(како да го болеше пенисот цело време ,па единствено на крајот да има една многу добра реплика ).И сосема погрешна актерка за џорџовата жена(Пенелопе Круз).

7

 

[Вондерфул]

Frozen

Две машки и едно женско заглавуваат на жичара, односно никој не знае дека се таму а жичарата отвора по 5 дена. Очајно се обидуваат да направат се што можат за да се спасат (оти му смета да носат мобилни при скијање), а ликојте се кој од кој попаметен. Патетичен обид да се внеси некоја подлабока димензија во филмот со излитени дијалози шо го прави повеќе досаден од insightful и не доволно тензичен, две-три одвратни сцени и моментни соживувања со нивните страдањата. На пат да те направи да се двоумиш дали во блиска иднина да одиш на планина, но не доволно реален за да го изведи тоа.

4/10

 

[.:MadMan:.]

Unstoppable

Филмот е направен според вистинска приказна за карго воз кој по грешка на еден вработен тргнува со полн погон. Возот носи цистерни со високо токсични хемикалии и оди кон населени подрачја...Веќе видено, ништо ново, но сепак е од оние филмови кои ќе ти го задржат вниманието. Мене ми беше напнат, возбудлив, ни во еден момент досаден во глобала завршиле добра работа.

7/10 и на ИМДб е иста реална оцена


V for Vendetta

Јас искрено не знам што сум мислел, и зошто се убедував дека е Си-Фи и зошто сум бил толку забеган и глуп и не сум го гледал филмот :nesvest:

Со да пишувам рецензии, се осеќам ко 13-то прасе со филмов, сите го гледале мислам ретко да има некој како мене .
Ај што го гледав филмот го гледав, ама толку се напнав и ми се допадна што ја читав скриптата и е навистина ремек дело и го симнав и стрипот до 3 книга стигнав од 10 и малце се разликува стрипот од филмот, има некој што го читал? Не знам што да кажам за филмот едноставно AMAZING!!! Толку 1110/10...И голема благодарност за препораката :smir:

 

[Вори]

Во филмов се работи за една цура која решава да прави свадба со љубениот.Свадбава се прави,а дента цурава се запознава со друга девојка(цвеќарка)и усвари потајно се заљубуе во нејзе....
Филмов не да е глуп туку филмов е најглуп.Особено кога ќе го гледате со девојка.Ти паметњакович решаваш да изнајмиш филм од видеотеката на Макс ТВ,глеаш дека има љубовна содржина и на крај испаѓа дека филмов е лезбејски...

На сите би ви препорачал срањево да не го гледате,зошто џабе ќе потрошите време,а и нерви!

Оценка:2/10

Двојче и тоа само заради симпатичните лезбејки...

 

[musketarr]

Pan's Labyrinth (2006) Filmov e vistinsko remek delo...ne ni pomisluvajte da ne go gledate ....imaginacijata i realnosta nemaat granica....

 

[zlxlclvlbln]

A Little Princess (1995)

И така јас си вртам по форумов, одам во темата „Погоди го филмот“ и оп, гледам едно сликче од филм со неколку девојчиња собрани. Прва асоцијација, A Little Princess (1995) иако сликчето не беше од тој филм. Насловот на филмот и неколку кадри ми беа познати, затоа и асоцијацијата. Гледам на имдб нешто фантазија, и си велам приказната е веројатно нешто од типот „Алиса во Земјата на чудата“ или „Нарнија...“. Сум предвидел лошо...

Ова не е филм за фантазија, ова е филм за луѓето, општествена драма искажана преку еден магичен реализам - реален свет со додадена мала доза на фантазија. Сценариото на филмот е базирано врз истоимениот роман од 1905, а колку што гледам на Википедија, има претрпено неко измени, пример дејствието во филмот се случува за време на Првата Светска Војна. Почнува во Индија каде Сара живее со нејзиниот татко капетан Кроу. Тој е повикан од Британската војска, па ја носи ќерка му на сигурно во Америка во едно приватно женско училиште. И така продолжува авантурата…односно драмата.

Сценариото има оригинални моменти, но има и веќе познати и предвидливи, кои сепак многу успешно се врзуваат со целата приказна и не треба да има се забележи ако имаме во предвид дека романот е издаден во далечната 1905. Друга забелешка што ја имам е за неколкуте CGI сцени кои изгледаат не толку добро, но се прекратки за да имаат некое негативно влијание.

Освен тие забелешки, друго немам. Аудио-визуелно одлично сработен па од таму номинациите за Оскар за фотографија и уметничко режирање, а немало да штети да му даделе и за музика.

Се на се имаме еден магичен филм кој не е само за око и уво туку успева да пренеси и посериозна порака, филм од кој можеби ќе заплачете, филм кој јас го оценувам со чиста 9ка.

 

[stick figure]

Piranha 3D

Ех, овој филм е стварно глуп. Знаете за што се работи, пирани јадат народ. Е сеа, они нека си јадат, ама, зар мора на човек да му откинат пенисот и како паѓа у вода две пирани доаѓаат и се тепаат за кој да го јаде? (јбг гладни биле)
И шо и беше финтата на крајот? Они цел филм еден човек за 10 секунди го смелат, овој фрла пола труп у вода, и они го јадат цели 10 минути, а и не беше голем трупот, и типацот си плива под вода, оди кај женската заробена, си се бакнуваат ова она муабетче и на крај излегуваат недопрени? У филмот има и цицки и газови но е исто така гаден. Да гледаш на жена како и откинуваат дел од цицка не е баш нај нај... Не е толку страшно колку што е гадно.
4/10

 

[one1two2]

Despicable Me

Криминален гениј планира да ја украде Месечината.Откако неговиот противник го има она што му треба,во пресрет му излегуваат 3 девојчиња сирачиња кои всушност ќе му

Спојлер

(ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,ќе му,..........)

Одлично анимирано филмче според мене за релаксација,од мене 8.5/10

A и песнава,се заразив: