Раскинати врски, прекинати пријателства, изгубена доверба, неуспех на работното место.. Било што и да е, кога нешто што сте правеле односно ви се случувало порано, а прекинало поради некоја причина, и сега повторно сакате да го обновите, односно сакате повторно да почнете од почеток.
Колку се тешки овие почетоци?
Многу. Многу се тешки и тоа од едноставна причина што не се почетоци, туку продолжетоци. Тешко е врз основа на нешто кое порано те оделило од некој, да го градиш повторно она кое си го изгубил.
Колку можат да бидат исто успешни како порано?
Многу тешко и ова. Некои работи едноставно колку и да сакаме да ги поправиме, остануваат исти и во себе ја задржуваат суштината.
Кога нешто ќе се сруши, или ќе се скрши, можеби ќе можеме беспрекорно да го залепиме, но тоа само навидум ќе изгледа како составено.
Длабоко во себе ќе сме свесни дека тоа не е тоа што било на почетокот.
Колку е ваков случајот и со животните ситуации? На пример, сте прекинале врска со некоја личност, но поради некоја причина повторно се наоѓате во ситуација за нов почеток.
Колку во тој случај сте способни да простите ако има потреба, колку можете да заборавите ако нешто ве повредило претходниот пат?
Или пак, угледот на работното место, почитта, довербата од пријателите, а тоа е нешто што е лесно да се изгуби а многу тешко да се стекне.
Има една поговорка која вели: Потребен е цел живот за да се стекне она кое се има, но само 1 минута за тоа да се уништи.
Никогаш не би можел да заборавам нешто кое ме повредило и да поминам преку тоа како никогаш да не било. Колку и да го потиснувам тоа, секогаш ќе остане како невидлива бариера која потсвесно ќе ме бутка настрана.
Не верувам дека ако една врска заврши, потоа би имала здрава подлога за да продолжи. Врз нестабилни темели ништо не се гради.
Колку вие сте се нашле во ситуација да сакате повторно да почнете нешто од почеток?
Многу пати сум паднал во искушение некои работи да посакам да ги почнам од почеток но сфаќам дека нешто кое еднаш поминало, се враќа, но не со истиот интензитет и не со истата воља.
Јасно е дека секој нов почеток е тежок, но поентата ми е= колку можат нештата да бидат исти како порано?
Многу малку. Ништо не може да биде како порано. Џабе е живеење во илузија дека ако се заборави на се’ дека понатаму се’ ќе биде океј. Едноставно тоа е потребата да не бидеме сами, и да пробаме нешто од почеток за кое се сметаме самите себеси за виновни. Како што секоја втора шанса е можност за искупување на грешката, така и ова. Само што овде има една разлика. Овде не ја бараме грешката во она кое не разделило, туку ја бараме во нас и во оној со кој сме го прекинале тоа што сме го имале.
Можно ли е да ситуацијата биде идентична како во минатото, да другите ја вратат довербата во вас или вие во нив, без притоа да не постои ни најмало колебање?
Човековиот мозок е толку сложено конструиран, што колебањето секогаш ќе биде првата работа која тој ќе ја принесува при објективното размислување.
Може ли да ја обновите врската без страв дека можеби повторно ќе бидете повредени?
Никако. Инстинктот на човекот ќе биде секогаш тука да го предупреди да се чува од она од кое бил повреден минатиот пат.
Ќе има ли последици од направените грешки од минатото?
Карактерот на луѓето значително се менува при вакви продолжувања на нешто кое било прекинато од х причини. А со тоа би се сменила и целата структура на она кое планираат да се продолжи.
Колку старите работи можат безболно да се обноват без да причинат штети и без старите искуства да им бидат во сенката?
Колку лично вам би ви влијаело и дали би ви влијаело минатото во вакви случаи?
Знам дека би ми влијаело многу. Едноставно неколку искуства ме научија дека изгубената верба во луѓето не вреди да се обновува. Едноставно тоа што се случило, останува како голема препрека.
Лесно ли ќе ја вратите повторно довербата која сте ја имале во некои луѓе, а ја изневериле, или да ги прифатите поранешните партнери или пријатели со раширени раце и покрај минатото лошо искуство?
Многу тешко, скоро никако. Не би сакал себеси да си дозволам заблуда и нереалност во однос на она кое би требало да се врати.
Дали еднаш расипаните нешта можат да се поправат од корен или само навидум?
Само навидум. Како што природата се менува, но во глабала останува иста, така и овие расипани нешта или ќе се дорасипат или минимално ќе се променат. Но во глобала секогаш ќе бидат проблеми.
