Охрид е божествено место. Интересно е што убавината на Охрид најчесто се врзува за Охриѓани, па се креира впечаток дека вредноста на сите историски и природни атрибути на градот заради кои, всушност, е окарактеризиран како убав, е дискутабилна кога ќе се стават во иста слика со Охриѓани.
Ќе се повторам:
Во основа, охриѓани не се лоши луѓе и не ја расипуваат убавината на Охрид. Тие, веројатно, се само малку постудени за разлика од луѓето од останатите краеви на Македонија. Но, на крајот на краиштата, како и во секој град, и во Охрид има лоши и добри охриѓани (туристите тврдат дека почесто налетуваат на првите). Но, еден е македонскиот менталитет и, сакале ние да признаеме или не, тој е карактеристичен за сите македонски градови и граѓани.