karan
бивш поет, плукач, вљубеник во слободата
- Член од
- 31 мај 2006
- Мислења
- 3.595
- Поени од реакции
- 2.719
Откриени две мумии во Липково, пристапот забранет
- Креатор на темата ВМРО
- Време на започнување
- Член од
- 25 декември 2008
- Мислења
- 1.879
- Поени од реакции
- 1.092
Мумијата од Липково прво на конзервација, па во музеј
Мумијата од Липково треба да биде една од атракциите во новиот Археолошки музеј на Македонија, но неизвесно е дали ќе биде конзервирана до отворањето на институцијата, закажано за крајот на годинава. Во тек се преговорите со лабораторијата на Археолошкиот музеј во Минхен, чии експерти би можеле да го заштитат телото од 5 и 4 век пред новата ера, природно мумифицирано во глинената земја во липковскиот крај. Мумијата е откриена во 1957 година, а неколку децении е во стаклен ковчег во Институтот за судска медицина и криминалистика во Скопје.
Според Перо Јосифовски, директор на Музејот на Македонија, во тек се договорите со стручњаци од Минхен, но многу е тешко с` да се организира.
- Сериозно е зашто таа е во многу лоша состојба. Скапо е и речиси е неизводливо зашто треба да дојде конзерватор од Минхен и тука да престојува и да работи два месеца - вели Јосифовски.
Објективни пречки
Транспортот на мумијата во Минхен е сложен. Треба да се влезе на листа на чекање, оти малку луѓе се занимаваат со конзервација на мумии во Европа. Според Јосифовски, има ред на чекање, а нам ни се брза. Лабораторијата во Минхен има пополнета програма за наредните пет години, а ние сме врзани со рок за да се заврши работата.
Во тек се договори со Управата за заштита на културното наследство и со Министерството за култура. Најреална опција е да организираме повеќекратно патување на германските експерти, кои би работеле со наши конзерватори, а трошоците да ги платиме ние.
- Тие би требало да дојдат 7-8 пати. Треба да пресече Министерството. Ако даде зелено светло, може да се организира. Со лабораторијата на минхенскиот музеј имаме добра соработка. Но, реално, ниедна институција, колку и да сме во добри односи, не би дозволила стручњак што го плаќа скапо да оди да работи во друга земја два месеца. Kолку и да сакаш да помогнеш некому. Треба да размислуваме ако е изводливо да ги покриеме трошоците. Да доаѓаат конзерваторите на неколку дена, да проверат до каде е работата, да дадат инструкции, а нашите да продолжат. Ако не стигнеме да ја конзервираме, ќе биде од објективни причини - вели Јосифовски.
Габична инфекција
Во последната деценија имаше неколку иницијативи за конзервација и презентација на мумијата, за жал, неуспешни. Требаше да биде изложена во посебна амбиентална просторија во Музејот на град Скопје. Сепак, првенствено мораше да се конзервира.
За Археолошкиот музеј веќе е направена 3Д-анимација како ќе биде поставена. Според Паско Kузман, идејата беше да биде изложена во простор во форма на буквата „Т“. Преку ходник како тунел, малку осветлен, треба да се стигне до посебната комора каде што ќе се наоѓа мумијата. Сепак и Kузман вели дека е неизвесно дали ќе успеат да ја конзервираат до отворањето на Музејот.
Мумијата е тело на постар маж, кое природно се сочувало во глинената земја, богата со минерали. Пред 56 години во липковскиот крај биле откриени неколку тела. Едно останало во земјата, а другите биле дадени на експертиза во Србија. Оттогаш никој не ги видел. Археологот Иван Микулчиќ ги датирал мумиите во 5 и 4 век пред новата ера.
Екипа на „Дневник“ пред неколку години го посети Институтот за судска медицина и криминалистика и ја фотографира мумијата. Положена е на обична подлога, под стакло, покрај влезот во една од предавалните на Институтот. Вработените уште тогаш коментираа дека кај нив нема место за мумијата и немаат услови да ја чуваат.
Kако поминува времето, нејзината состојба се влошува. Долната вилица е сосема откачена од черепот. На исушената кожа има портокалови дамки. Според експертите од Институтот, тоа е габична инфекција. Тие сметаат дека бил постар човек зашто забите на долната вилица се истрошени. Според нив, колку повеќе време поминало од моментот на смртта толку потешко се одредува кога живеел човекот
http://www.dnevnik.com.mk/?ItemID=B780FEFE399BF94D8A9F206A8027281F
Мумијата од Липково треба да биде една од атракциите во новиот Археолошки музеј на Македонија, но неизвесно е дали ќе биде конзервирана до отворањето на институцијата, закажано за крајот на годинава. Во тек се преговорите со лабораторијата на Археолошкиот музеј во Минхен, чии експерти би можеле да го заштитат телото од 5 и 4 век пред новата ера, природно мумифицирано во глинената земја во липковскиот крај. Мумијата е откриена во 1957 година, а неколку децении е во стаклен ковчег во Институтот за судска медицина и криминалистика во Скопје.
Според Перо Јосифовски, директор на Музејот на Македонија, во тек се договорите со стручњаци од Минхен, но многу е тешко с` да се организира.
- Сериозно е зашто таа е во многу лоша состојба. Скапо е и речиси е неизводливо зашто треба да дојде конзерватор од Минхен и тука да престојува и да работи два месеца - вели Јосифовски.
Објективни пречки
Транспортот на мумијата во Минхен е сложен. Треба да се влезе на листа на чекање, оти малку луѓе се занимаваат со конзервација на мумии во Европа. Според Јосифовски, има ред на чекање, а нам ни се брза. Лабораторијата во Минхен има пополнета програма за наредните пет години, а ние сме врзани со рок за да се заврши работата.
Во тек се договори со Управата за заштита на културното наследство и со Министерството за култура. Најреална опција е да организираме повеќекратно патување на германските експерти, кои би работеле со наши конзерватори, а трошоците да ги платиме ние.
- Тие би требало да дојдат 7-8 пати. Треба да пресече Министерството. Ако даде зелено светло, може да се организира. Со лабораторијата на минхенскиот музеј имаме добра соработка. Но, реално, ниедна институција, колку и да сме во добри односи, не би дозволила стручњак што го плаќа скапо да оди да работи во друга земја два месеца. Kолку и да сакаш да помогнеш некому. Треба да размислуваме ако е изводливо да ги покриеме трошоците. Да доаѓаат конзерваторите на неколку дена, да проверат до каде е работата, да дадат инструкции, а нашите да продолжат. Ако не стигнеме да ја конзервираме, ќе биде од објективни причини - вели Јосифовски.
Габична инфекција
Во последната деценија имаше неколку иницијативи за конзервација и презентација на мумијата, за жал, неуспешни. Требаше да биде изложена во посебна амбиентална просторија во Музејот на град Скопје. Сепак, првенствено мораше да се конзервира.
За Археолошкиот музеј веќе е направена 3Д-анимација како ќе биде поставена. Според Паско Kузман, идејата беше да биде изложена во простор во форма на буквата „Т“. Преку ходник како тунел, малку осветлен, треба да се стигне до посебната комора каде што ќе се наоѓа мумијата. Сепак и Kузман вели дека е неизвесно дали ќе успеат да ја конзервираат до отворањето на Музејот.
Мумијата е тело на постар маж, кое природно се сочувало во глинената земја, богата со минерали. Пред 56 години во липковскиот крај биле откриени неколку тела. Едно останало во земјата, а другите биле дадени на експертиза во Србија. Оттогаш никој не ги видел. Археологот Иван Микулчиќ ги датирал мумиите во 5 и 4 век пред новата ера.
Екипа на „Дневник“ пред неколку години го посети Институтот за судска медицина и криминалистика и ја фотографира мумијата. Положена е на обична подлога, под стакло, покрај влезот во една од предавалните на Институтот. Вработените уште тогаш коментираа дека кај нив нема место за мумијата и немаат услови да ја чуваат.
Kако поминува времето, нејзината состојба се влошува. Долната вилица е сосема откачена од черепот. На исушената кожа има портокалови дамки. Според експертите од Институтот, тоа е габична инфекција. Тие сметаат дека бил постар човек зашто забите на долната вилица се истрошени. Според нив, колку повеќе време поминало од моментот на смртта толку потешко се одредува кога живеел човекот
http://www.dnevnik.com.mk/?ItemID=B780FEFE399BF94D8A9F206A8027281F
- Член од
- 25 декември 2008
- Мислења
- 1.879
- Поени од реакции
- 1.092
Јас колку што сум запознаен со случајов, мумијата не е чепната ништо одкога е пронајдена. Никој не се нафатил до сега од причина што не е стручен за тоа и од страв повеќе да не и наштети евентуална погрешна конзервација. Сега ова со германциве се најнови обиди, но што ке биде ке видиме.
- Член од
- 1 ноември 2010
- Мислења
- 595
- Поени од реакции
- 241
moze da se sporedi i so Lipkovcite
ama, koj ima pameten vo mkd za toa?
ama, koj ima pameten vo mkd za toa?
- Член од
- 25 декември 2008
- Мислења
- 1.879
- Поени од реакции
- 1.092
KОМПЛИЦИРАНА ЗАШТИТА
НА МУМИЈАТА ОД ЛИПКОВО И Е РАНО ЗА ВО АРХЕОЛОШКИОТ МУЗЕЈ
Мумијата од Липково нема да биде изложена во Археолошкиот музеј на Македонија, кој ќе биде отворен во почетокот на идната година. Весела Честоева, директорка на Музејот, вели дека нема да се откажат од неа, но сега не можат да ја изложат. Атрактивниот експонат веќе неколку децении лежи во застаклен ковчег во Институтот за судска медицина и криминалистика во Скопје. Ги открил археологот Иван Микулчиќ во 1963 година, во Липковско. Телото од 5 и 4 век пред новата ера се зачувало во специфичната глинената земја во липковскиот крај.
- Во првичниот концепт нема да биде дел од поставката, иако размислувавме и сите имавме став дека треба да биде. Тоа не значи дека ќе се откажеме, излагањето на мумијата од Липково го оставаме како опција за понатаму - вели Честоева.
Нема пристап до другите мумии
Долгогодишните обиди да се конзервира мошне оштетеното тело на нашиот предок и фактот што нашите археолози пред осум години евидентираа уште најмалку две природно мумифицирани тела на приватен имот во Липковско го отвора прашањето дали е поедноставно и многу поевтино да се спроведат археолошки ископувања на локацијата и атрактивните експонати да се изложат во музејот?
- Размислуваме и за таа опција. Планираме да поднесеме таков проект до Министерството за култура. Ако успееме да ги убедиме дека ни треба таков експонат и можеме да го обезбедиме, зошто да не - вели Честоева.
Kонзервацијата на постојната мумија до пред половина година ја организира Музејот на Македонија, каде што тогаш функционираше и археолошкиот оддел. Тие преговараа со лабораторијата на Археолошкиот музеј во Минхен, чии експерти би можеле да ја заштитат мумијата, но беше тешко с` да се организира за кратко време. Тогашниот директор на Музејот на Македонија, Перо Јосифовски, објасни дека во Европа малкумина се занимаваат со конзервација на мумии, а лабораторијата во Минхен има пополнета програма за наредните пет години. Тој нагласи дека ако стигнат да организираат конзервација до отворањето на Археолошкиот музеј на Македонија, тоа ќе биде од објективни причини.
Во 2005 година тројца археолози од тогашниот Републички завод за заштита на спомениците на културата (денешен Национален конзерваторски центар) и од Управата за заштита на културното наследство се обидоа да направат увид во состојбата на другите мумии, случајно откриени за време на градежни зафати. Тие само успеале да ѕирнат што има во земјата, но сопствениците не дозволиле фотографирање. Не успеаја ни ургенциите кај тогашниот градоначалник на Липково. По неколку дена ископот бил затрупан.
Еден од тројцата археолози беше и Звонимир Николовски, денес професор на штипскиот универзитет.
Зачувани во земјата
- Пред некој ден ги разгледував белешките од тогашниот увид. Навистина е штета што не ни дозволија да направиме фотографии. Тогаш ни јавија дека копале темели, ја стопирале изградбата зашто излегло нешто во земјата. Во околината има и други градби, има мелница.
Стапивме во контакт со тогашниот градоначалник на Липково, па со полициска асистенција отидовме да видиме за што се работи. Тогаш имав ретка, можеби единствена можност да видам во пресекот на земјата. Имаше и што да се види - раскажува Николовски.
Вели дека с` било идентично како што опишал професор Микулчиќ во списанието „Археолошки преглед 5“. Телата биле положени во издлабени дабови стебла, едниот рамен со профилот на земјата, другиот малку стрчел. Обувките биле сосема исти, панталоните од грубо платно.
ДУМА: МОЖЕМЕ ДА ГИ ЗАШТИТИМЕ НОВИТЕ
Според професорот Алексеј Дума, директор на Институтот за судска медицина и криминалистика, ако надлежните (Археолошкиот музеј или Министерството за култура) обезбедат буџет, тие имаат и технички и експертски капацитет веднаш да ги заштитат новооткриените мумии.
- Порано во фабриката „Јака Радовиш“ се подготвуваше посебен раствор „екалин“ - концентриран раствор на фунгицид. На тој начин експонатот што е кај нас е лакиран и подготвен за дневна светлина. Kога би се ваделе новите мумии, тоа мора да се стори ноќе, без дневна светлина. Kога ќе се откопаат веднаш да се заштитат со јак фунгицид, може и со силикон, би било уште подобро. Не располагаме со буџет за ваква акција, но во Институтот тоа може да се направи и тоа не би чинело стотици илјади евра. Имаме добри стручњаци, а сум соработувал и со нашите археолози, навистина имаме шампионска екипа. Лично сметам дека вакви експонати треба да бидат изложени во музејот - вели Дума.
http://www.dnevnik.mk/?ItemID=7D2499E2A2B8FE48A45C08B7BEFD1BAA
.
НА МУМИЈАТА ОД ЛИПКОВО И Е РАНО ЗА ВО АРХЕОЛОШКИОТ МУЗЕЈ
Мумијата од Липково нема да биде изложена во Археолошкиот музеј на Македонија, кој ќе биде отворен во почетокот на идната година. Весела Честоева, директорка на Музејот, вели дека нема да се откажат од неа, но сега не можат да ја изложат. Атрактивниот експонат веќе неколку децении лежи во застаклен ковчег во Институтот за судска медицина и криминалистика во Скопје. Ги открил археологот Иван Микулчиќ во 1963 година, во Липковско. Телото од 5 и 4 век пред новата ера се зачувало во специфичната глинената земја во липковскиот крај.
- Во првичниот концепт нема да биде дел од поставката, иако размислувавме и сите имавме став дека треба да биде. Тоа не значи дека ќе се откажеме, излагањето на мумијата од Липково го оставаме како опција за понатаму - вели Честоева.
Нема пристап до другите мумии
Долгогодишните обиди да се конзервира мошне оштетеното тело на нашиот предок и фактот што нашите археолози пред осум години евидентираа уште најмалку две природно мумифицирани тела на приватен имот во Липковско го отвора прашањето дали е поедноставно и многу поевтино да се спроведат археолошки ископувања на локацијата и атрактивните експонати да се изложат во музејот?
- Размислуваме и за таа опција. Планираме да поднесеме таков проект до Министерството за култура. Ако успееме да ги убедиме дека ни треба таков експонат и можеме да го обезбедиме, зошто да не - вели Честоева.
Kонзервацијата на постојната мумија до пред половина година ја организира Музејот на Македонија, каде што тогаш функционираше и археолошкиот оддел. Тие преговараа со лабораторијата на Археолошкиот музеј во Минхен, чии експерти би можеле да ја заштитат мумијата, но беше тешко с` да се организира за кратко време. Тогашниот директор на Музејот на Македонија, Перо Јосифовски, објасни дека во Европа малкумина се занимаваат со конзервација на мумии, а лабораторијата во Минхен има пополнета програма за наредните пет години. Тој нагласи дека ако стигнат да организираат конзервација до отворањето на Археолошкиот музеј на Македонија, тоа ќе биде од објективни причини.
Во 2005 година тројца археолози од тогашниот Републички завод за заштита на спомениците на културата (денешен Национален конзерваторски центар) и од Управата за заштита на културното наследство се обидоа да направат увид во состојбата на другите мумии, случајно откриени за време на градежни зафати. Тие само успеале да ѕирнат што има во земјата, но сопствениците не дозволиле фотографирање. Не успеаја ни ургенциите кај тогашниот градоначалник на Липково. По неколку дена ископот бил затрупан.
Еден од тројцата археолози беше и Звонимир Николовски, денес професор на штипскиот универзитет.
Зачувани во земјата
- Пред некој ден ги разгледував белешките од тогашниот увид. Навистина е штета што не ни дозволија да направиме фотографии. Тогаш ни јавија дека копале темели, ја стопирале изградбата зашто излегло нешто во земјата. Во околината има и други градби, има мелница.
Стапивме во контакт со тогашниот градоначалник на Липково, па со полициска асистенција отидовме да видиме за што се работи. Тогаш имав ретка, можеби единствена можност да видам во пресекот на земјата. Имаше и што да се види - раскажува Николовски.
Вели дека с` било идентично како што опишал професор Микулчиќ во списанието „Археолошки преглед 5“. Телата биле положени во издлабени дабови стебла, едниот рамен со профилот на земјата, другиот малку стрчел. Обувките биле сосема исти, панталоните од грубо платно.
ДУМА: МОЖЕМЕ ДА ГИ ЗАШТИТИМЕ НОВИТЕ
Според професорот Алексеј Дума, директор на Институтот за судска медицина и криминалистика, ако надлежните (Археолошкиот музеј или Министерството за култура) обезбедат буџет, тие имаат и технички и експертски капацитет веднаш да ги заштитат новооткриените мумии.
- Порано во фабриката „Јака Радовиш“ се подготвуваше посебен раствор „екалин“ - концентриран раствор на фунгицид. На тој начин експонатот што е кај нас е лакиран и подготвен за дневна светлина. Kога би се ваделе новите мумии, тоа мора да се стори ноќе, без дневна светлина. Kога ќе се откопаат веднаш да се заштитат со јак фунгицид, може и со силикон, би било уште подобро. Не располагаме со буџет за ваква акција, но во Институтот тоа може да се направи и тоа не би чинело стотици илјади евра. Имаме добри стручњаци, а сум соработувал и со нашите археолози, навистина имаме шампионска екипа. Лично сметам дека вакви експонати треба да бидат изложени во музејот - вели Дума.
http://www.dnevnik.mk/?ItemID=7D2499E2A2B8FE48A45C08B7BEFD1BAA
.