Во куќите на двајцата браќа диви копачи полицијата пронашла 70 вредни предмети од хеленистичко-римскиот период кои датираат од 3 век пред новата ера до 3 век од новата ера.
Археолошките предмети потекнуваат од локалитетот Исар Марвинци, каде живееле и браќата диви копачи. Меѓу предметите се наоѓаат и копче со мотив на лав, фрагменти од килибар и 11 монети кои на странските црни пазари и аукции достигнуваат цена до 5.000 евра.
Запленетите предмети се на стручно вештачење во Управата за заштита на културното наследство, а против двајцата осомничени ќе бидат покренати кривични пријави. Тие веќе имале четири кривични за истото дело, а едниот брат бил и во затвор.
Во последните три месеци тие не ископувале, туку барале купувачи за нелегално пронајдените предмети.
„
Сите граѓани кои имаат било какви сознанија за диво ископување или продавање на културно-историското наследство, да дојдат и да пријават во полиција. Да ги преземеме сите мерки и активности во функција на заштита на културно-историското наследство“, изјави Гордана јанкуловска, министер за внатрешни работи.
МВР и Управата за културно наследство имаат сознанија дека огромен дел од
диво ископаните археолошки предмети се продава на грчки државјани и на странски аукции
„Да се запре одлевањето на материјални докази за историјата на Македонија и да се заштитат и презентираат овие археолошки локалитети, пред европската и светската јавност, како туристички дестинации“, вели Елизабета Канческа Милевска, министер за култура.
Министерството за култура годинава финансира ископувања на рекорден број од 16 локалитети во земјава.
http://www.a1.com.mk/vesti/kategorija.aspx?KatID=2
