Хехе, не сум ни стапнал на американско тло во животот, но активно следам што се случува во САД на економски и политички план, имам роднини и пријатели таму, а некои од нив доаѓаат на лето во Македонија и ми кажуваат каков е животот таму.
За вадење на американско државјанство знам дека потребно е да престојуваш во САД барем 3 години, па ако си вработен или имаш трајно живеалиште таму, можеш да поднесеш барање за полагање на тест за државјанство, но доколку не си вработен и доколку немаш трајно живеалиште таму, тогаш потребно е да имаш престојувано 5 години, со зелена карта или со барање дозвола за траен престој.
Тестот не е нешто тежок, бара да имаш некои најосновни познавања од американска историја и од општественото уредување во САД, кој ги предлага законите, кој ги изгласува, кој ги потпишува, на колку години се избираат претседател и заменик претседател на САД, гувернери, сенатори, конгресмени, градоначалници, кои и какви се нивните права и овластувања и слично.
Јас полагав пробен тест со 70 или 100 прашања на еден веб сајт, не ми текнува точно кој веб сајт беше, и над 70% од одговорите ми беа точни, така што ако полагав вистински тест, ќе ми издадеа американско државјанство, а книга не отворив.
Кога сме кај сумата која се плаќа за откажување од американско државјанство, таа е висока за наши - македонски стандарди, додека за американски стандарди, на мене лично не ми делува како да е превисока. Поентата ми беше дека, американската влада, наместо да решава проблеми, им ја отежнува постапката на американците за да избегаат од истите тие проблеми доколку сакаат, во тоа ми беше поентата.
А инаку, кога сме кај информацијата за зголемувањето на тарифата за откажување од американско државјанство, истата ја најдов на официјалниот веб сајт на Форбс пред точно недела дена.
http://www.forbes.com/sites/robertwood/2014/08/28/u-s-hikes-fee-to-renounce-citizenship-by-422/
Инаку, чисто информативно, во САД не ти треба американско државјанство за да гласаш на претседателски избори.
Верувал или не, во САД, кога се бира претседател, не се вршат никакви проверки ниту во избирачки список, ниту се проверува прст со ултравиолетова лампа или слично, ни ништо.
Претседателските избори во САД се најнерегулираните избори во САД, па од тука сосема разбирливо е како и зошто секакви идиоти завршуваат избрани за домување во Белата Куќа.
А за сите останати избори има и избирачки список и проверки и се и сешто, само за претседателските избори нема ниту избирачки список, ниту било какви проверки.
