Најубавиот македонски збор

[PsychoalieN]

Прегратка - спокој, мир, среќа...

 

[STEALTH]

ФАЗЛА - Најмногу Прилепчани го користат.Според мене најоригиналниот Македонски збор .Инаку значи остаток

Ова е турски збор.
Читам на темава многу турски зборови ги пишувате во тема за најубав македонски збор?

 

[acetetovo]

Бакнеж - колку само емоции има во овие букви!

Инаку пред некоја година бев во странство и со друшто во продавница/бар за пури, онака опуштено муабет пура, коњак и сл. до нас седеа дваца дечки од Ирак и ни се умешаа у мубает. Не прашаа од каде сме и дека имаме прекрасен јазик! Велат ние се на рчење зборуваме.

 

[~DaRko]

Топлина- ме асоцира на нешто бело, на бела просторија (појма немам зошто), нешто меко како памук, на прегратки, на мајка, на дом......на нешто прекрасно.......

 

[The_Red1]

Туршија и расолница. Не знам зошто ама најмоќни ми се.

 

[puppete dolly]

Басамак- значи скалило. Можеш најчесто да го чуеш од некој кој потекнува од Демир Хисар. Џунџуле- многу разиграно и темпераментно звучи.
Грашок- онака, впечатлив збор ми е...
Ангел- нежно...убаво,бело...
Токмак- глупак..иако мислам дека има турско потекло...
Велигден- празник,пролет,потопло време,црвена боја,славење на Бог

 

[Limbo]

Да продолжам и ја со турцизми? Ај јок...

Некои што не им е мајчин македонскиот јазик ми рекле дека најубав збор им е сакам; љубов, радост, заблуда, жед, молк, среќа, волшебно, страст, смелост, копнеж, сон, поглед, светлина...

 

[leandra]

Бели Мугри самиот израз означува надеж за подобро утро. Кога на тоа ќе се додаде и целата збирка на Рацин бели мугри ја означуваат постојаната надеж и верба за подобро утре. Ех Рацине наш, да знаеше само во што ќе се претвори твојот народ ќе си ја изгореше збирката.

 

[ми се може]

бардак = земјен сад за вода

 

[КвикСилвер]

Кокиче

Од секогаш ми бил многу мил збор. Уште како мал му се радував кога ќе го видев на улица и ќе ја гушнев мајка ми од радост. Симболизира пролет, милост, нежност. Белата боја ми буди добрина, во иднина светли и весели денови. Предвесник и на мирот, хармонијата и на сета убавина на светот. Едноставно, инстант ми се променува расположението кога ќе го видам или слушнам зборот Кокиче.

 

[Michael Myers]

Чардак - претежно го употребуваат постарите луѓе за балкон направен од дрво. Незнам дали е чисто македонски збор, но мил ми е зборот.

 

[pearl]

Чинам дека имам и порано напишано на слична тема.

ѕуница = божилак

 

[Geordie Boy]

Вардар - реката, клубот, име синоним за Македонија, од извора дур до Солуна!

 

[bucio]

Сивојна- Упорност, нескршливост, издржливост и цврст карактер .


Па ме опишува мене шо .

Манукот-Дечкото, љубовникот, сродната душа, тоа е архаичен збор кој што во неговото изворно значење го објаснува македонскиот маж како нежен разбирлив полн со љубов....

 

[Hank Moody]

Воздишка

Воздишка од физичка или душевна болка, тага, среќа, љубов, бес, зборов ми е откритие на личноста како се чувствува во одреден момент.