Бројката на запад ги надмина очекувањата на сите, вклучувајки ги и самите Комити, затоа што копот беше првично наместен за еден блок помалку од двете страни, долниот дел беше исполнет до максимум, луѓе стоеа и на скалите, и по 2-ца на столче. Целиот труд и мобилизација дефинитивно вредеше! Солидна исполнетост имаше и на јужна трибина, иако би сакал многу повеќе од тоа, ама фудбалот е ужасно паднат и тешко се активираат останатите „вардарци“ и фанови, кои не се дел од Комити. Секоја чест на дечките за целиот вложен труд и организацијата што ја спроведоа, имавме одлична прослава и одбележан јубилеј благодарение само на групата и никој друг!
Околу изданието од навивачки аспект, поголемиот дел веќе сте го опфатиле, само ќе се надоврзам на дел од пишаното. Бројката и пирото беа дефинитивно во преден план, чиста 10-ка, над очекувањата на сите. Навивањето беше солидно, иако можеше да биде далеку подобро, ама очигледно акцентот воопшто не беше таму. На почеток при самото влегување имаше преголема еуфорија и енергија, ама целиот фокус беше ставен да пропратните работи (кореографијата, пиротехниката, изведбите пред почеток, на полувреме и на крај) да поминат како што треба, па не се искористи таа еуфорија да се пренасочи кон добро навивање, ама на вакви натпревари, ретко е тоа целта, меѓудругото нема ни компетитивен карактер мечот за целиот акцент да биде ставен на навивањето. Од друга страна, апсолутно валидни се критиките дека предолго се водеа тие монолози и објаснувања, мора да е побрзо и поефективно, и на моменти се одолговлекуваше апсолутно без потреба, веројатно поради стравот знаејки што све се случувало на вакви прослави во минатото, ама овие моменти целосно ја убиваа атмосферата и непотребно ствараа нервоза, мора да се поработи на овој аспект. Инаку, навивањето во дел од првото полувреме беше лудница, се надевам опфатено е тоа во некое подолго видео.
Во второ полувреме, дополнително се умртви атмосферата со доаѓањето на играчите и Стефан Ристовски, супер гест беше да не бидам сфатен погрешно, ама секој по нешто да каже на микрофон, секој со друга песна, и се изгуби ритам и континуитет. Жално што ретко имаме вакви прилики, па се пробува што е можно повеќе да се опфати и организира, а времето од 90 минути е тесно за све тоа. На крај, непотребните глупости целосно ја убија атмосферата, и иако велиме очекувано за вакви натпревари, мора повеќе да се работи на овој дел, и како ваквите работи да се избегнат или полесно и побрзо да се решаваат, наместо да го одземаат фокусот на цела трибина ради неколку залутани индивидуалци.
Веројатно најголемо разочарување е кореографијата, идејата не е лоша ама веројатно сите очекуваа многу повеќе, а за тоа да бидам искрен сме виновни самите ние, со креативноста на ова поле што ја имавме изминативе години.
Не е проблем идејата со картоните, ама визуелно, барем мене, не ми делуваше најсјано, и сме имале подобри вакви кореографии, пред се онаа на дербито со битолчани пред неколку години. Во никој случај не беше лошо ова од вчера, ама веројатно очекувањата беа многу поголеми, па затоа и ваквите коментари.
Би сакал и да го издвојам моментот со дечињата од Златно славејче, и изведбата на „Од нозе мали“.
Останува да се затвори годината со дербито, надежта за зелено светло за гостување сеуште е присутна, би било супер спектакл и одличен крај на доста успешна мак-тифо година, конечно работите мрднаа од мртва точка. За жал, клубовите ни се таму каде што се, би било уште подобро кога Вадар, Пелистер, Беласица (редно време е спојување со Академија Пандев) би биле дел од врвот во прва лига.
П.С. Да ги поздравам и битолчани за одговорот со паролата, не стигнав да го искоментирам, многу подобар и покреативен одговор од сликањето со превртена парола и сабји и ножеви. Ама не можам да не го искоментирам моментот со форсирањето на тоа „Миравци“, кога клубот буквално ви се преименува во „Еурофарм Пелистер 2“, а вие почнавте да навивате за омразениот ривалски клуб од истиот град, со истите играчи и бои на дресови што претходно ги имаа, со единствено додавка на Пелистер во името