Матура

[Bojan Van Buuren]

Па подразбирам да си учел математика од прво одделение до средно, затоа што ако не знаеш да собираш дропки, нема да можеш да решиш равенка со дропки, неравенка со дропки, да не зборувам за тригонометријата итн...
Ама математиката за матура воопшто не е сложена. Колку што се сеќавам ништо од тоа што се учеше во 4та година воопшто го немаше. Значи интеграли изводи лимеси трогонометрија комбинаторика и веројатност нема. Што ти останува?
Немој да ми кажеш дека некој нема капацитет да научи како да пресмета волумен на топка или пирамида, или да пресмета растојание помеѓу две точки во простор? Колку што се сеќавам прелани на матурата овие две беа најтешките задачи

Не викам дека не се учи математика, и ја мислам дека секој ако посвети време „ќе го биде“ за математика, ама ипак мислам дека не треба да ја има на матура како задолжителна..

 

[Кирца]

Со сила ништо нема да постигнат.Ако некој наумил да се запише на некој факултет каде нема математика,математика матурата нема да го премисли да се запише на технички факултет.Тоа е факт!Тоа е исто како оние што сакаат да се запишат на технички да им стаат на матура да полагаат вовед во право или филозофија како задолжителен.Премногу го уништуваат образованието на овој начин.Јас иако го поминав ова(за голема среќа) сум многу против ова.Знам дека ќе го прават лесен али која е поентата во тоа?Подобро нека биде тежок ама да го полагаат тие што ќе идат на технички факултет.

 

[Jax Rebel]

Учете математика, it will make you better people. Не, сериозно, многу ви е глупава изреката 'што ќе ми е мене математика за на правен/економски/ФОН'.Некои луѓе така го поминуваат цело основно и средно. И после што, се запишуваат на економски и плачат од Драги Јанев, не можеле да положат математика. Се запишуваат на фармација и си го влечат математика испитот, зашто има интеграли, а нели нив не ги бива за математика. A, баш е проста математиката у средно и треба на секоја човекова единка да и е понижување да рече дека не ја бива за математика, мислам, самите се омаловажувате и си ги криете и потценувате способностите. Или што е полошо некој уште како мали, најчесто родителите кои не знаеле да ви објаснат, ве убедиле дека вас не ве бива за математика или за било што, оти тоа им било полесен чекор отколку да ве пратат на приватни часови или да најдат чаре да го научите тоа што тие не го знаат и вие тоа го сфаќате здраво за готово, толку, my life is ruined. Застанете еднаш цврсто на нозе, размислите кои сте вие и што можете доколку сакате!

 

[ngc123]

Како ќе пресметате просек на оценките од минатата година вклучувајќи ги притоа и оценките од екстерното полагање? Дали за предметите кои што сте ги полагале се пресметува просек или и тие два предмета кои што сте ги полагале на екстерното влегуваат како посебни оценки за два ,,други'' предмета?

 

[DRACARYS]

Државнава матура имат рок на траење, разбрав дека 3 години ми важит за да се запишам на факултет после тоа пак ќе требит да полагам матура ако сакам да се запишам?

 

[Nupser]

Некој да не има искуство со полагање екстерен физика на матура? Дали е премногу тешко ?

 

[Dani]

Некој да не има искуство со полагање екстерен физика на матура? Дали е премногу тешко ?

Екстерен физика... од кога ?
Јас интерен полагав физика

 

[Nupser]

епа оваа година имаме физика,биологија,хемија,филозофија,бизнис.. и др се јазици..

 

[Dani]

Тогаш нема кој да ти одговори на прашањето
Вие сте прва генерација што ќе полагате физика екстерно.

 

[Nupser]

а интерно тешко беше ? и од сите 4години се полага или има некоја која се исфрла?

 

[true blue]

Интерното тестирање е организирано од самото школо и ќе ве чуваат професори од вашето школо. Прашањата (барем во нашето школо) по сите предмети ни ги даваа однапред.

Така да, разликата меѓу есктерно и интерно тестирање е голема. Не дека на екстерно нема препишување и слично (секако, зависи од каков е тестаторот што ќе ве чува). Соодветно, и на интерно полагање може да ти се падне некој професор кој нема да ти даде да мрднеш што се вика (ја имав таков еден).

Е сега за материјал, што како, не знам искрено. Треба да има испитни програми за екстерните предмети, како што има за македонски пример.

 

[Dani]

Интерно има разлика од школо до школо, од професор до професор, зашто тие сами ги составуваат тестовите.

Полагавме за материјалот од првите 3 години. Четврта година ја исфрлија зашто физиката беше изборен предмет. Природно-математичко А и природно-математичко Б подрачје учат различна физика.

Прашањата беа на заокружување, надополнување и неколку задачи за решавање.
Имаше општи прашања, дефиниции, мерни единици, формули...

 

[Nupser]

ахам ако е на заокружување ке има барем за едно 2че

 

[true blue]

Па со заокружување и ќе бидат. Ако не се лажам математика сите беа со заокружување така? Или беа дел такви дел да ги решиш цели. Нема шанси да е само со решавање бидејќи ќе изгубат премногу време во прегледување.

 

[Dani]

И математика беше исто.
Прашања на заокружување, надополнување и решавање.

Тоа е стандард за матурава. По сите предмети е така