Мали трикови за поубав изглед!

[ThA-BiTcH]

Како до совршена кожа

Новите истражувања во областа на дерматологијата дошле до нови сознанија за нејзината нега. Искористете ги за да ја спречите појавата на акните, да ги ублажите брчките, да ја спречите нивната појава и вашиот тен да биде совршен.

Изгледот на кожата не зависи исклучиво од гените.

Верувале или не, состојбата на тенот во голема мера зависи од тоа колкаво внимание му посветувате. Дерматолозите неодамна дошле до заклучок дека животниот стил е многу важен фактор за кожата.

Нови начини за борба против акните.

Во дваесеттите акните најчесто се последица на осцилирањето на нивото на хормони кои се во директна поврзаност со менструалниот циклус и стресот. Дерматолозите објаснуваат дека кога сте под стрес надбубрежната жлезда произведува кортизол, хормон кој предизвикува зголемено лачење на масти, што може да резултира со појава на акни. Акните кај возрасните се слични на оние кои се јавуват кај тинејџерите, но на таа возраст потребен им е поинаков третман. Бидејќи кожата кај возрасните не е толку масна, повеќе е подложна на иритација и полесно се суши, треба да ги избегнувате агресивните производи кои се наменети за тинејџерите. Нема потреба да купувате цели колекции препарати против акни. Подобро користете квалитетно средство за чистење кое содржи материи што ги одзатнуваат порите и средство за хемиски пилинг што ги отстранува мртвите клетки. Дури и ако имате масна кожа, треба да користите хидратантни креми. Дерматолозите тврдат дека ако кожата е масна, тоа не значи дека е и доволно влажна.
Можете да ги отстраните знаците на стареењето.

Не е тајна дека на изгледот на кожата најмногу влејае изложувањето на сончевите зраци. Истражувањета спроведени на млади девојки кои многу се сончале покажале дека, иако на нивните лица немало видливи брчки, на микроскопските прегледи се виделе оштетувањата ка кожата, односно намалување на некои нејзини составни елементи како што се протеините, колагенот и еластинот. Значи употребувајте креми кои содржат заштитен фактор, дури и во зима, бидејќи тие ја штитат коажта од штетните УВ зраци и со тоа и овозможуваат повеќе енергија да троши на регенерација наместо на заштита од сонцето.

Исто така, користете креми кои содржат антиоксиданти. Тие го неутрализираат дејството на слободните радикали кои се форимраат како резултат од дејството на УВ зраците и други штетни материи од околината. Најновите истражувања покажуваат дека најефикасно средство за заштита и регенерација на кожата се производите кои содржат коктел од повеќе антиоксиданти. Според стручњаците слободните радикали кои се формираат под влијание на сонцето се разликуваат од оние кои се последица на пуењето или конзумирањето на алкохол.

Кожата се регенерира додека спиеме.

Во текот на денот кожата се брани од УВ зраците, загадениот воздух и последиците од стресот, така што во тој период не може адекватно да се опорави. Во текот на ноќта метаболизмот се забавува и телото не произведува толку слободни радикали како дење и нема опасност од ултравиолетовите зраци. Затоа ноќта е најсоодветна за нанесување производи со посилно дејство кои ќе и помогнат на кожата во процесот на регенерација. Според најновите сознанија способноста на кожата да ги впива хидратантните средства е поголема ноќе. Користете креми кои ја поттикнуваат кожата да произведув колаген- содржат пентапептиди, ретинол или алфа-хидроксилна киселина. За да продрат овие состојки што подлабоко, нанесувајте ги на влажна кожа.

Животниот стил влијае на состојбата на кожата.

Пушењето, недоволното спиење и нездравата исхрана се одразуваат на тенот. Сппред едно истражување кај луѓето кои земале витамински додатоци во исхраната, антиоксиданти, глукозамин и есенцијални амино киселини, во период од пет недели брчките се намалиле за 34 отсто.

 

[ThA-BiTcH]

Направете го капењето уживање

Ништо не може подобро да ве припреми за забава од едно релаксирачко капење во када. Доколку не ви е до забава тогаш капењето може да ве релаксира од напорниот и долг работен ден.

Велат 20 минути лежење во када е доволно време за да ви се навлажни кожата и да го почувствувате позитивниот ефект.

Еве како да припремите една романтична бања. Розите и лавандулата ќе ве смират, а рузмаринот ќе ве ревитализира.

Потребни ви се:

1 литар вода

½ чаша од суви лисја од рузмарин.

1 чаша суви ливчиња од рози, а може и свежи.

½ чаша сува лаванда.

Загрејте ја водата во сад со долга рачка и додадете го рузмаринот, ливчињата од розата и лаванда. Оставете ги да вријат 15 минути. Вака припремената течност истурете ја во претходно наполнетата када. Запалете неколку свеќи и опуштете се.

За да припремите смирувачка или ако повеќе сакате бања која ќе ве ослободи од стресот тогаш ви требаат

2 литри млеко

3 ќесички со чај од камилица

½ чаша епсемска или морска сол

¼ чашка сода бикарбона

Се припрема на тој начин што прво треба да ги извлечете ќесичките со чај од камилица, од жешкото млеко додека ја припремате бањата, потоа сипете го млекото во кадата заедно со солта и содата бикарбона.

 

[ThA-BiTcH]

„Gillette“ со нов брич

Мажите кои секојдневно ги бричат влакната од своето лице и се претплатиле на производите на „Gillette Co.“ треба да знаат дека компанијата исфрли нов производ. Стручњаците мислеле и смислиле дека е дојдено вистинското време да се пушти во промет бричот со пет жилети кој се води под името „Fusion“.

Ножевите на „Фјужн“ поставени се за 30% поблизу, што според компанијата ќе предизвикува послаба иритација.

Питер Хофман кој раководи со отсекот за ножеви и жилети при „Gillette“, очекува рекордна продажба на новиот производ.

 

[ThA-BiTcH]

Совети за подмладување

Доколку се згрозувате од скалпел и хемиски пилинг, ви предложуваме 8 едноставни трикови за ефикасно подмладување.

1. Избелете ги забите. Со годините тие пожолтуваат.

2. Редовно мијте го лицето со нежна крпа навечер и наутро или правете млечен пилинг. Мртвите клетки од кожата се непотребен товар на кожата.

3. Осветлете ја косата само за нијанса.

4. Користете крема или подлога што дава сјај. Сјајот ќе ги омекне малите бори.

5. Користете сјај. Со време усните можат да се истенчат, а сјајот ги пополнува.

6. Осветлете ги очите со бледа сенка. И капаците темнеат со време.

7. Избегнувајте крути форми на фризури. Одберете разиграни слоеви.

8. Јадете! „Испиените образи дури и на 35-годишна жена можат да и дадат лице на 45-годишна“, вели дерматологот Еми Левис.

 

[ThA-BiTcH]

Нега на вашето тело

Оставете ја на мира, во некое нормално природно опкружување, вашата кожата и самата ќе постигне идеален баланс на влажност и маснотии. Но дали некој живее во нормално опкружување без загадувања и други штетни влијанија?

Доколку кожата на можете да не ја изложувате на временските неприлики и загадување, некои работи сепак може да ги направите, за нејзино добро.

- Направете услуга на својата кожа, а и на планетата Земја не туширајќи се подолго од 5 минути, во спротивно ќе ги отстраните маснотиите од вашата кожа кои се биолошки заштитник.

- Митот дека целото тело треба добро да го насапуните единствено им користи на производителите на сапун. Новите линии на сапун навистина знаат да бидат солидно обработени и да не содржат висок процен на глицерин кој е погубен за кожата, но внимавајте со сапуните од домашно происводство.

Туширањето со топла вода сосем добро ќе го исчисти цело телото, освен рацете и нозете.

Доколку прескокнете со сапун да се измите под пазувите, ќе сфатите дека не сте склони толку кон потењето отколку претходно.

- Природната алтернатива на млеко за тело и масла, нанесете ги по капењето и бришењето со крпа, а направете ги сами дома.

Чувајте ги во темни стаклени садови, подалеку од сонце и топлина.

 

[ThA-BiTcH]

Mаски за лице и тело

Маските кои, што се вели, можете и да ги изедете, се релативно ефтини. Затоа можете да ги нанесете по цело тело.
Првата маска добра е за сите видови на кожа особено за осетлива.

Маската е од алое и рози, а се состои од о

1 и ½ лажица зелена глина
½ лажива каолин
20 ml гел „aloe vere“
10 ml дестилирана вода од рози
2 капки од етерично ружино масло

Помешајте ја зеланата глина со каолинот.
Во друг сад промешајте ги алоето и дестилираната вода од роза.
Мешавината со водата од роза полека додајте ја во глината. Мешајте додека не добиете мазна маса без грутки.
На крајот додадете го етеричното масло.

Добиената смеса ќе биде доволна за 2-3 дена, доклолку го третирате лицето, а во фрижидер можете да ја чувате 30 дена.

Маска од мед

Промешајте една лажица со јогурт (чуван на собна температура) и една лажица од природен течен мед.

Нанесете ја на лицето и на вратот и оставете ја да делува 20 минути. Отстранете ја со крпче натопено во врела вода.

Доколку сметате дека имате сува кожа користете две лажици мед.

За масна кожа се додаваатнеколку капки лимунов сок.

Хидратантната маска за сува кожа се состои од бадеми, мед, млеко и алое.

Состав:

1 лажица млеко во прав
1 лажива мелени бадеми
1 лажива мед
1 гел алое вере
2 капки етерично масло нероли (кое не се препорачува на трудниците поради своето спазматичко својство)

Мешајте ги млекото и бадемите, додадете го медот и алоето и потоа повторно се добро измешајте. На крајот додадете го етеричното масло.

Нанесената на лице маска се чува 10 до 15 минути.

Количеството користи за два до три третамни, а во фрижидер стои две недели.

 

[ThA-BiTcH]

Пилинг за чисто лице

Сакате чисто и свежо лице, изумрените слоеви од старата кожа отсранете ја без непотребното и длабоко триење.

Четири тајни за добар пилинг:

Набавете крема или пилинг изработени врз основа на масла

Во составот на пилингот меѓу првите треба да бидат состојките како што се кајсијата, бадемовото масло, млекото или медот. Откако ќе го остраните изумрениот слој од кожата, кремата која потоа ќе ја нанесете ќе има поголем ефект.

Омекнете го пилингот

Тубата со пилингот пред негова употреба ставете ја во врела вода. Топлината ќе ги растопи масните состојки кои вака растопени полесно ќе продрат во кожата.

Внимателно масирајте

Многу веруваат дека што појако го втривуваат пилингот тоа е подобро, но така може само добро да ја изритирате кожата. Ако користите зрнест пилинг, втрите го со јагодиците од прстите, правејќи мали кругови по целото лице но не подолго од две минути. Прејдете околу усните, но заобиколете ја нежната кожа околу очите. Доколку претерате ќе имате чувство како долго да сте шетале на ветер.

Хемиски пилинг

Доколку користите пилинг направен врз основа на гликолна или овошна киселина, не е потребна масажа, нанесете го на лицето и оставете да делува неколку минути.

 

[ThA-BiTcH]

Неколку совети за маска на кожата

Маските за кожа имаат делотворно дејство, а упатените советуваат, редовно да ги користиме. Еве неколку совети: која маска да се одбере, кога да се стави, колку често и зошто се воопшто добри

Маските се преполни со активни состојки кои продираат длабоко во епидермот, па така ја ревитализираат нашата кожа, дополнителnо ја хранат, а резултатот е поубава и посјајна кожа. Тие може да се нанесуваат секој ден, ако се работи за освежувачки и хранливи маски, но ако сакате кожата длабински да се исчисти, тогаш доволно е еднаш неделно, а сите други (на кои има упаство за употреба), може да се употребуваат и два пати неделно во зависност од типот на Вашата кожа.

Кога и колку долго?

Ако ја нанесете маската во текот на капењето, ќе биде поделотворна бидејќи топлината ги отвора порите, со што се овозможува, впивање на делотворните состојки од маската, но вистинско време за нејзино нанесување е навечер, кога циркулацијата во нашето тело е најактивна, а кожата спремна за хранливи состојки.

Козметичарите советуваат да не се става маска по 22.00 часот, бидејќи кожата е со помала активност, и не наутро кога метаболизмот е најбавен.

Маската по правило се остава да делува од 3-15 минути, но и ова зависи од производ до производ. Внимателно читајте ги упаствата и почитувајте ги. Во случај маската да делува прекратко, нема да го постигнете саканиот ефект, а во спротивен случај може да ја иритирате самата кожа, посебно ако нанесувате маска за чистење на лицето.

Што да направите пред нанесување на маската?

Секако, кожата добро исчистете ја, која станува рапава и го губи сјајот, под влијание на разни атмосферски влијанија. Најделотворно е да се направи пилинг на кожата како би се отстраниле сите мртви клетки како би добиле чиста и сјајна кожа, која подобро и подлабоко ќе ги впие активните состојки од маската.

Ако од било кои причини не сакате или не смеете да правите пилинг, пожелно би било да ја „испарите“ кожата. Во сад со зовриена вода ставите камилица, покријте ја главата со крпа и држете ја пет минути, потоа нанесете ја маската.

Зошто не се става маска во делот околу очите?

Маските имаат висока концентрација на активни состојки кои можат да предизвикаат иритација на овие делови кои се многу осетливи, за нив постојат посебни благи и хранливи маски кои содржат нежни состојки и истовремено ја намалуваат зголемената циркулација на крв која може да штети на овие делови. Истовремено ги намалуваат „перничињата“ под очите, ги отсрануваат подочниците и ублажува настанатите бори. Доколку имате изразени подочници или „перничиња“ (можеби од премногу учење), оваа маска може да се нанесува постојано десетина дена при што ќе се забележат резултати.

Што по маската?

Постојат повеќе начини на остранување на маската: да се отстрани со топла или млака вода, со помош на вата натопена во благ тоник или влажно сунгерче. Откако ќе ги исчистите и последните остатоци од маската, малку засушете ја со мека крпа (пешкир) и нанесете хидрантна крема, која одговара на вашиот тип на кожа.

 

[ThA-BiTcH]

Што го сузбива непријатниот мирис на стапалата

Сингапурските ученици од колеџот Темасек открија дека влошките во чевлите кои содржат зелен чај го намалуваат непријатниот мирис на испотените стапала.

"За училишниот проект користевме чај бидејќи слушнавме дека го спречува размножувањето на микроорганизмите", изјави 16-годишната Мишел Лоу, која предводела тим научници кои експериментирале со 10 видови чаеви пред да откријат дека зелениот чај дејствува.

Зелениот чај кој е многу популарен пијалак во Азија, на тој континент е познат по своите лековите својства. Чајот содржи природни хемикалии полифеноли која дејствува како антиоксиданси.

Научниците од Универзитетот во Канзас во САД уште во 1997 година откриле дека зелениот чај содржи двојно повеќе антиоксиданси кои го штитат организмот од рак, инфаркт и други болести, отколку црвеното вино и оти ефикасно ги штите ќелиите отколку витамините Ц и Е.

 

[ThA-BiTcH]

Се подготвувате да заминете на вечера, а заборавивте да ги издепилирате нозете кои ви се полни со ситни точкички. Се обидовте недостатокот да го прикриете со фини свилени хулахопки, но тие само повеќе го истакнуваат проблемот. Не очајувајте. Земете течна пудра со која вообичаено го премачкувате лицето и неа нанесете ја на нозете. Проблемот нема сосема да го решите, но видливо ќе го ублажите.

Косата ви е мрсна, а немате време да ја измиете. Посипете ја со обична детска пудра. Потоа добро исчеткајте ја со густа четка направена од природни влакна. На тој начин, косата ќе изгледа како да е тукушто измиена. Сепак, не го повторувајте ова премногу често, бидејќи ова е само маска.

 

[vmx]

Добро бе Биче, а кај се советите (триковите) за подобар изглед кај мажите?

Не е ова само женско катче ебаго, дајте нешто и за мажи.

Абе за мажи ќе земеш малце ќе се брикнеш, малце колонска вода, чешлето на коса, гелче или восок малце и тераш.... шо трик треба уште... пудра да ставаш?

 

[Zbratko]

„Gillette“ со нов брич

Мажите кои секојдневно ги бричат влакната од своето лице и се претплатиле на производите на „Gillette Co.“ треба да знаат дека компанијата исфрли нов производ. Стручњаците мислеле и смислиле дека е дојдено вистинското време да се пушти во промет бричот со пет жилети кој се води под името „Fusion“.

Ножевите на „Фјужн“ поставени се за 30% поблизу, што според компанијата ќе предизвикува послаба иритација.

Питер Хофман кој раководи со отсекот за ножеви и жилети при „Gillette“, очекува рекордна продажба на новиот производ.

Uste da mi kazese kaj go ima ... posto go baram veke mesec dena i nigde nemozam da go najdam.
A STO NEMA BOLJI OD GILLETTE NEMA svesum probal i sve sum frlil posle 2ro bricenje osven gillette-ot.

Koristam sve osven vosok.

 

[зунза]

I bidete srekni sto mozete da si pominete i so tolku vie maskite! Nam ni trebaat sto saati da se spremime za izlegvanje oti ni e strav da ne ne vidi nekoj so bleda faca,so suva usta,so podocnici i mrsna i nesredena kosa,pa ni trebaat poveke od pet min pred ogledalo!:cry:

 

[ThA-BiTcH]

Градници

Градник по мерка

Скоро 85% од жените веруваат дека носат погрешен број на градник, па некој се досетил да им даде совет како да го одберат вистинскиот.

Без разлика за која големина на гради се работи најважно е жената која носи градник да се чувствува удобно, градите да се убаво да лежат и да ги „поддржуваат“ градите. Доколку овие услови се исполнети жената остава убав впечаток и тогаш кога некој ја гледа нејзината надворешност.

Отсуството на мускулатура во истакнатиот дел од градите е појдовната точка за одбирање вистински градник. Доколку се одбере погрешен број лесно може да дојде до спуштање на градите.

Затоа треба да се внимава и да се одбере онаков градник кој ќе се припие на телото како втора кожа.

Задната лента треба исто така да прилега на грбот и да биде скроена така за да дојде веднаш под плешката.

Прерамките кои се префрлаат преку рамената треба да се токму, односно ниту да се лизгаат ниту да оставаат траги на „своето присуство“ на женските рамена.

Ако градите претекуваат од кошарите на градникот тоа значи дека тој е премал.

Проверката за точност се вршела на тој начин што жената требало да застане пред огледало свртена во профил. Брадавицата во убавиот градник требало да биде поставена на полпат помеѓу рамото и зглобот од лакотот.

Кога се купува градник жените треба да се движат со него, да ги подигнат рацете, доколку има некакви пречки т.е. непријатно чувство тогаш, не треба да се купи.

Уште еден совет што доаѓа од стручњакот Џенет Милер, една од директорките на „Pandora Bra Studios“.

Градниците треба да се перат исклучиво на рака. Така се продолжува векот на траење, фишбајнот нема да се заглави во машината, а и квалитетот на материјалот од кој е изработен градникот не се оштетува.

 

[ThA-BiTcH]

Кој како да се шминка

Постојат правила кои наметнуваат со која боја на коса каква шминка да се користи. Ако не сакате да изгледате сосема природно тогаш треба да знаете, што некој смислил за вие да го почитувате.

Девојките кои имаат црвена коса требало да избегнуваат темна варијанта на т.н. „smoky eyes“. Тоа значи дека доколку имате виткани црвени косели не ви се потребни драматични очи, подучува Паула Дорф, шминкерка на познати филмски ѕвезди.

Она што се препорачува за црвенокосите е розе бојата.

Не требало да се усогласи бојата на веѓите и косата, освен ако не се работи за природна комбинација.

Русокосите би требало да се премачкуваат со сенки со боја на праска советува истата шминкерка.

Доколку русокоса сака да стави црвен руж тој треба да биде некоја проѕирна варијанта.

Ако маскарата наместо црна биде костенлива ќе се добие помал контраст со косата.

Црнките не би требало да штедат на маскара која би требало да биде црна. На бринетите им прилега драматична шминка на очите.

Ако има голем контраст помеѓу бледото лице и црната боја на косата, тој може да се ублажи со светкав „бронзер“.