<a HREF="
http://ad.httpool.com/click.ng/site=mkmkdmk&targetsite=mkmkdmk&AdSize=728x90&PagePos=1&subcat=entry" target="_blank"><img SRC="
http://ad.httpool.com/image.ng/site=mkmkdmk&targetsite=mkmkdmk&AdSize=728x90&PagePos=1&subcat=entry" border="0"></a>
Пет факти дека мечот со Луксембург не е наместен и пет причини зошто мора да има промени во ФФМ
01мар 201222:19
Поразот од Луксембург веднаш ги подгреаја сомневањата дека мечот бил наместен „два во еден“, дека огромни пари се уплатени на коефициент 35, а на социјалните мрежи кружи тикет уплатен во Куманово на кој се гледа уплата од 50 и добивка од 1.750 денари, како и коментари дека којзнае колку такви ливчиња се уплатени… Но, да се намести меч на национална репрезентација, уште и сениорска, со играчи кои вредат милиони евра е невозможно!
Момент од срамниот меч во Луксембург
Еве ви пет факти зошто е тоа така:
1. Се нема родено маж што ќе излезе пред фудбалер од рангот на Пандев (дневната заработка му е 16 илјади евра) и ќе му рече „мечот е наместен, мора да заврши два во еден“.
2. Не постои обложувачница во светот која лесно ќе прифати „милионска“ уплата на пресврт на дуелот Луксембург- Македонија, а притоа да не ја информира УЕФА дека мечот е сомнителен. Последен пример – кипарскиот-куп дуел Арис – Етникос беше одложен поради тоа што некој уплатил 200.000 евра на победана гостите на коефициент три. УЕФА била алармирана, а мечот одложен.
3. Ако мечот е наместен, никој нема да чека пресвртот да дојде во 92. минута за да прими или да даде гол, тоа ќе биде направено многу порано и многу понеспретно (сетете се на мечот Победа-Пјуник како прилепчани бегаа од топката за да примат гол).
4. Никогаш не може тајната да остане тајна, зашто има 19 фудбалери и пет тренери во цела експедиција, а секогаш ќе се најде некој што ќе се „излае“
5. За мечот да заврши со пресврт, мора да биде запознаен и противничкиот тим, што значи дека и Луксембург би бил замешан во евентуална местенка „два во еден“.
Сепак, поради овој срамен резултат, но и поради долгите години лошо менаџирање на репрезентацијата и на домашноот првенство, во ФФМ мора да дојде до промени. Но, не само да заминат еден или двајца, туку целокупната структура која во овие 10 години е воспоставена. Од претседателите на оштинските сојузи, до делегатите во Собранието, Управниот одбор, генералниот секретар и на крајот претседателот. Народот и природно се засити од едните те исти ликови кои го водат фудбалот, нема свежи луѓе, нема познати спортски фаци. На крајот на краиштата, синоќа на дуелот Хрватска-Шведска имаше само пет илјади публика, поради бојкотот спрема раководството на хрватската федерација. А Хрватите се речиси редовни учесници на сите големи натпреварувања, но ете, ниту тоа не е доволно за раководството да биде мирно.
Пет причини зошто мора да има промени во ФФМ:
1. Актуелната власт смени шест селектори, од кои тројца странци (Слободан Сантрач, Среќко Катанец, Џон Тошак), а националниот тим не мрдна ни место погоре. Напротив, тонеме како Конкордија.
2. ФФМ стана гнездо на непотизам, каде што се напикани сите што се некому роднини, кумови, браќа, сестри… без разлика дали се добри и образовани кадри или родени под среќна ѕвезда (читај: да имаат близок да ги пикне во ФФМ).
3. Домашната лига одамна е за потсмев, иако во последните неколку години нема големи скандали. Нередовни плати, неплаќање на судии и лиценци, немање синдикат на фудбалери.. на сето ова ФФМ упорно мижи, само за мир во куќа.
4. Зависноста на челниците на Федерацијата од албанските гласови на делегатите, што најмногу се гледа во домашното првенство каде што клубовите како Ренова и Шкендија се најзаштитени и покрај тоа што редовно на нивните стадиони нема основни услови за фудбал. Последната одлука за пролонгирање е токму нивната желба за подолги подготовки, зашто во Тетово имало снег и „не се тренирало“.
5. Актуелната фудбалска власт одамна им е здосадена на народот и никој веќе не им верува ниту на малкуте добри проекти. Дури и доаѓањето на Шпанија на пријателска средба не беше спектакл, туку излезе скандал поради билетите (прво се продаваа ненумерирани, а потоа се менуваа за нумерирани, по што имаше огромни турканици пред билетарата).
Златко Крстевски
--- надополнето: 20 април 2012 во 01:47 ---
Виси пријателската со Португалија поради срамот со Луксембург
01мар 201210:51
Закажаната пријателска средба со Португалија за на 26 мај во Лисабон е доведена во прашање поради срамот на македонската фудбалска репрезентација на дуелот со Луксембург. Иако ФФМ минатиот четврток објави дека Македонија ќе одигра тест-дуел со Португалија, меч што ќе биде генерална проба на Кристијано Роналдо и другарите пред ЕП во Полска и Украина, сепак, работата може да се изјалови, зашто договорот се уште не е потпишан, а сега постои сомнеж од другата страна за „исплатливоста“ на таа контролка.
Колку голови може Роналдо да ни даде за 45 минути?
Иако од ФФМ најавуваат дека работата е сигурна иако не е ставен потпис на договорот, дознаваме дека сега, Португалците имале сериозни негодувања за одигрување на натпреварот, токму поради поразот на Македонија синоќа. Реакциите биле во насока дека на селекцијата на Португалија не и треба тест со репрезентација која губи од Луксембург, кој патем, е во иста група со нив за квалификациите за пласман на СП во Бразил.
Исто така, поразот од Луксембург им направи мечкина услуга на сите македонски репрезентативци кои се надеваат дека со нивниот репрезентативен статус полесно ќе направат трансфер летово. Веројатно, и дестинациите како Казахстан, Азербејџан, Кина и Кипар веќе нема да бидат толку сигурни како што беа досега. А за лигите како англиската Премиер, италијанската Серија А и германската Бундес, воопшто и да не споменуваме…
http://www.mkd.mk/16763/sport/prijatelskata-so-portugalija-visi-poradi-sramot-so-luksemburg/
