Народот често пати не прави дистинкција и површно размислува кога се работи за Европа како континент, Европската унија, и Северноатланскиот (воен) сојуз - НАТО.
Имаме примери како врвни европски демократии од типот на Норвешка и Шведска, кои не членуваат во двете организации истовремено.
Неколку примери сакам да наведам.
1) Норвешка не е член на Европската унија, но членува во НАТО.
2) Шведска од друга страна е членка на Европската унија, но не и во НАТО.
Тоа укажува дека големите демократии (посебно Скандинавските) размислуваат и се дел од светската геостратешка "игра", каде што одлуките ги носат базирани строго на сопствените (државни) интереси.
3) Брегзитот од трета страна е исто така голем показател дека се случуваат промени од голема магнитуда за кои ние обичните државички не сме ни свесни.
4) Турција како членка на НАТО договара и реализира антивоздушен систем за одбрана од директниот противник на алијансата - Русија, и во исто време учествува во креирањето на америчките Ф-35 стелт авиони од 5тата генерација.
Заклучок по ваквите примери можеме да носиме сите индивидуално, но мислам дека тука голема улога имаат нивните агенции за државна и интернационална безбедност, па политичарите се прилично добро известени пред да ги носат нивните одлуки.
За жал, ние сме далеку од тие стандарди, но можеме барем да се запрашаме зошто е тоа така и зошто големи држави прават потези кои се повеќе и повеќе наликуваат на "затишје пред бура"...
Ова е мое лично мислење, и можеби грешам но... чувстувам дека се случуваат големи геостратешки игри од светски размери, а Р.С. Македонија е некаде тука во центарот на првите линии од фронтот (исток-запад) историски познат како Студената војна која никогаш не завршила, ниту ќе заврши.
