Дебаклот на ПСЖ е најголемото изненадување во последните неколку сезони во ЛШ.
Не е срамота да се загуби од екипа како Виве Киелце, сепак се работи за сериозен тим, да ги немаа тие проблеми со повредите ќе беа уште подобри, но и вака се надминаа сезбеси.
ПСЖ треба да се замислат, да те прегазат со 10 разлика, а ги имаш тие имиња во ростер, а противникот има играчи како Кулеш, Каралек, Чупара, Мамиќ, играчи кои до ланската сезона сонуваа учество во ЛШ, играјќи за просечни клубови, но покажаа децата дека не случајно ги одбрал Талант, посебно ова се однесува на Каралек и Кулеш...
Доказ дека екипата на ПСЖ нема хемија во својата игра, неретко им се случува ова на мечевите со огромно значање, поразот од Киелце во полуфинале на Ф4 2016 година, поразот од Вардар во финале 2017 година, ланскиот дебакл со Нант во полуфинале, ете ги и сега.
Не знаат да се справат со огромниот притисок, кога имаат против себе екипи кои без страв влегуваат во дуел.
Во тој случај одат на индивидуална игра, без идеја, таква игра можеби поминува во Француска лига, но во ЛШ многу тешко.
Сагосен, која превара од играч, дечкото нема 2 ( два ) грама мозок во главата, тотално преценет играч според мене, доказ за тоа се и финалињата шо ги играше со Норвешка, тотално изгубен е кога го има притисок врз себе, со кратки жички, далеку од способностите на Карабатиќ за да биде лидер во екипата, се виде на дело вчера како го изреметија децата на Талант, уште малку и ќе се расплачаше од немоќ...
Кил им направи услуга шо им го зеде, а можеби и се опаметија и Катарците и видоа дека со таков играч не тераат далеку, по самата фаца му се гледа дека има недостиг на интелегенција.
За разлика од Циндриќ, дечкото е машина, ако се паметни ПСЖ не треба да штедат пари за да го земат, оние бекови како Хансен и Ремили без класа плеј џабе ти се.
Доказ колку се важни техничарите е Вардар, со Скубе и Карачиќ во екипа, се покрива секој недосток на висина и сила во бековската линија.
Да се вратам на ПСЖ, не би ги отпишал пред време, се е можно во Парис, но се зависи од Киелце, доколку задржат концентрација во почетните 20 ина минути нема да имаат проблем, доколку набилда брза предност ПСЖ на старт ќе има тензија, но сепак, 10 разлика е огромен залак, пред се од причина што Киелце го игра еден од најтехнички дотераните стилови на ракомет во Европа, како само ја движат топката, страшно нешто се тие акции, во моментот само Барса според мене има потечна игра од нив.
Вардар не е изненадување за мене, непотребно Сегед беше исфрлен како фаворит, не знам од која причина? Самата објава за повлекувањето на Самсоненко од Вардар не значеше дека играчите нема да играат, напротив, многу професионално си одработија играчите, како што треба, секој вистински професиналец би требало да игра така.
Пик Сегед беше во криза и пред мечот со Вардар, и со Висла се изнамачи, доколку ги гледаше некој тие мечеви веднаш ќе забележеше дека играта на Унгарците не е најсајна, барем не како што беше на почеток на сезоната.
И пред тоа се мачеа, со Скјерн, со Мотор дома едвај..
Доста се мачат во напад во последно време, Бомбач троши премногу топки, нема вистински лидер во екипата, нон стоп се бара Бахниди на линијата, Бодо игра топло-ладно, немаат стабилен десен бек, + многу мала минутажа добиваше Житников, еден од најкомплетните бекови што ги имаат, доста некостантно делуваа во последно време, од мечеви кога како од мајтап даваа по +30 гола со екипи како Фленсбург, Нант, ПСЖ дојдоа до ситуација со Висла да не можат 25 гола да дадат на домашен терен, само очајната игра на Висла во напад не беше доволна тоа да го искористи и да има направи беља.
За мене тие лесни победи против Веспрем во Унгарското првенство се во најмала доза СОМНИТЕЛНИ, како две различни екипа на Пик Сегед да играат.
Вардар очекувано, си ја играше својата игра, технички супериорна игра, со Карачич и Скубе, играчи кои се технички супериорни во однос на противниците, едноставно ги прегазија тие централни дефанзивци на Сегед, + без многу загубени топки имајќи го предвид фактот што останаа без леви бекови кои ќе трошат топки, единствено со Кристопанс како шутер од надвор, но и тоа беше доволно.
Да имаше уште некоја минута сигурно +10 ќе беше разликата, што немаше да е незаслужено...
Веспрем е изненадување за мене, многу лесно дојдоа до победа, очекував повеќе од Фленсбург.
Но сепак, играта на 2 фронта за Германците е преголем залак, истото беше и со РНЛ минатите сезони, немаат сили за да се насочат на ЛШ.
Претешко е германското првенство, крај на сезона е, истрошени се играчите, имаа тежок дуел со РНЛ пред неколку дена, и тоа имаше влијание.
Но можеа многу повеќе, многу потфрлија.
Сепак, наидоа на силен противник, мотивиран, одморен, кој знаеше што сака.
Сосема заслужено Веспрем ќе игра во Келн.
Барса прелесно со Нант, очекувано.
Не знам што мислеше Тиери Анти со Гурбиндо на среден и Лазаров на десен, за грев беа двајцата во дует, очај, со таква игра против Барселона успех е што и само 7 разлика изгубија.
Намали Барса со ритамот на крајот, инаку лесно ќе беше +10, како од шега.
Барса полека се комплетира, се врати Андерсен, единствено ќе им фали Каспер Мортенсен, доста важен играч беше, но не е лош и Арињо, ќе имаат што да кажат во Келн.