Освен елиминацијата на минатогодишниот шампион Монпеље уште во групна фаза останатите резултатите и пласмани на екипите се реални.
Монпеље со заминувањето на Фабрегас и повредата на Симоне ( кој речиси ја пропушти досегашната сезона ) не е истата екипа од лани, иако костурот на тимот е речиси идентичен, надополнет со враќањето на Гребиј.
Фактот што од можните 8 бода со реално за класа послаби екипи како Кристианстад и Мешков освоија само 3 бода е повеќе од доволен зошто не се пласираа во наредна фаза, посебно поразот дома со најслабата екипа во групата Кристианстад беше клучен.
Наредна сезона ќе се пробаат, во првенството добро стојат и би требало да се прегрупираат, Жерар заминува во ПСЖ, доаѓа Дуарте од Барса,
Нема да ме чуди доколку се реализира трансферот на Циндриќ во ПСЖ или Барса Киелце да успее да го собере Мелвин Ричардсон, ќе имаат салам кеш за трошење Пољаците.
Осминафиналните двојки.
Спортинг- Веспрем
Овде не би требало да има никакви проблеми за Веспрем,во двата дуели лесно ќе ги преслушаат Португалците.
Висла- ПИК СЕГЕД
Висла е луда екипа, како на холивудски филм направија кам бек, и од изгубена ситуација се ПОВАМПИРИЈА и се пласираа во 1/8 финале.
Кој луд двомеч беше со Силкеборг, тотално спротивни изданија на двете екипи. Висла на првиот меч се изгуби во второ, делуваа како телетабиси.
Во Данска обратен ефект, Силкеборг во 25 минута има + 4, заедно со четирите гола позитива од Полска тоа се 8 гола предност, настрана што Висла доби 2 црвени картони во мечот.
И шо се случува? Силкеброг дава само 5 ( пет ) гола во второ, прима 13
, како тотални аматери делуваа.Луди Данци, тотално луди.
Да се вратам на темата, реално Висла со овај тим на Сегед нема што да бара, можеби во Полска ќе дадат некој отпор, но во двомеч од 120 минути против Сегед немаат шанси.Очекувам лесно Сегед да се пласира во 1/4 финале, иако паднаа во форма и тие во последно време.
ППД Загреб- Вардар
Вардар е фаворит, нема збор тука, За Вардар се е кажано.
Заебан тим е Загреб сега, под водство на Тамше, играат далеку подобро на технички план за разлика од есента со Лино, иако и тогаш делуваа нетипично добро за око за една екипа која е предводена од ЧИКАТА.
Не знам од која причина толку лесно се откажаа од Ќерими, дечкото навистина одлично се снајде и доста им фали во играта, посебно со тие асистенции и продори.
Мраковчиќ е ок играч, ама не може сам да го понесе товарот, настрана што е различен тип на игра од Ќерими кој далеку побрзо се ослободува од топката, но тоа е.
Опасна екипа се Загреб, солидно скоцкан тим, многу јаки голмани, посебно Кастелиќ, а и Ристановиќ се покажа досега како многу солиден голман.
Сршен е добар десен, нема збор тука, топ крила, посебно Мандиќ е се подобар и подобар, солидни пикери, тука е Поточник на лев бек како замена за Бичаниќ, доколку им се остави простор знаат да бидат заебан шутерски тим, и во одбрана се незгодн, висока зона, знаат да умртват игра..
Многу работи ќе зависат од првиот меч. Реално Загреб во Скопје нема шанси за победа, и пораз на Вардар во Загреб од 2,3 гола би требало да е лесно достижен, но да видиме како ќе оди, во секој случај интересен двомеч.
Мешков- Флеснсбург
Овде се знае кој е фаворит, но Фленсбург од Бундеслига и Фленсбург од ЛШ како да не се истиот клуб.
Па можеби тука е шансата на Мешков за нешто повеќе, зошто да не, во Брест можат да се носат со речиси сите екипи од Европа, зошто да не е и со Швабите.
Фленсбург досега на гостувањата во екс комунистичкиот блок не помина добро, со Мотор изгубија, со Загреб едвај се провлекоа, заради грешките на Загреб најповеќе. со Цеље изгубија 3 разлика.
А и дома не блескаа, со Цеље едвај тепаа, со Нант едвај бод извдадија, со Загреб изгубија дома...
Ништо чудно тука ако успее да се надмине Мешков на домашен терен и да обезбеди некоја позитива за реваншот во Германија да е интересно во Фленс Арената.
Не е константен Фленсбург, ги зафати синдромот на РНЛ, повеќе гледаат на Бундеслигата, каде имаат перфектен скор отколку ЛШ, се е можно овде, посебно ако во тој период Фленсбург има некое дерби во лигата, тогаш ќе прават рокади во тимот.
Сепак остануваат фаворити за 1/4 финале, но оставам мал простор за изненадување, опасна екипа се Мешков.
Мотор- Киелце
Слична ситуација и овде, Мотор покажа дека е опасна екипа која на домашен терен може со секого, истото ќе биде и овде.
Киелце полека се комплетира, реално имаат за класа појјак тим, подолга клупа, би требало да се провлечат, но треба да има возбудувања, посебно на првиот меч во Запорожје.
НАНТ- РНЛ
Можеби шлагерот на оваа фаза, две јаки екипи.
Двете екипи со малку разочарувачки резултати во лигата, посебно РНЛ, а и Нант имаше некои киксеви во лигата, но сепак тука се, веднаш зад ПСЖ кој реално е прејјак за нив, барем засега.
Овде предност давам на Нант, како покомплетна екипа ми делуваат.