Толку се очекуваше од овој тим, успех ќе беше да се пласираа во втората фаза, бидејќи тимот реално и не можеше повеќе. Сега треба да се седне и да се направи стратегија со младите за наредните 5-7 години, а до тогаш сигурно ќе мора да игра некаков комбиниран состав.
Прво, Пипан мора веднаш да си замине, дали самиот ќе си даде оставка или ќе му ја врачат, сеедно. Исто и да се испратат во репрезентативна пензија Антиќ, Гечевски, Чековски и Илиевски. За МекКејлеб, зависи од него, ако сака да игра, ако не, друг странец.
Второ, раководството во МКФ мора да се смени, за да дојдат други (Врбица Стефанов) што ќе наметнат поинаква стратегија.
Трето, мора да се ангажира одлично тренерско име, со авторитет без отстапки. Нема кафани, нема пиење, нема меѓусебно пцуење на натпревар и слични глупости. Ако си во репрезентација, почитувај го тоа како најсвето.
Четврто, во наредните 4 години, ќе имаме комбиниран тим, млади плус поискусни, од проста причина што немаме квалитетни младински школи, освен можеби таа на Вардар, што ќе направат јадро од 5-6 одлични млади играчи, како браќата Стојановски.
Затоа сега ќе имаме 2-3 млади, 4-5 од постоечкиот состав и 4-5 поискусни што не биле во репрезентација.
Петто, ќе мора новиот состав да се охрабрува, да игра како што треба и со максимум залагање, бидејќи досега се знаеше кој е главен и кој може да шутира.
Најдобро е да се состави тим од 18-20 кошаркари и да им се обезбедат пријателски натпревари и дома и со други репрезентации или тимови. Па потоа да се прочисти и намали списокот. Ова зошто сме доведени во ситуација да никој не знае реално како би изиграле со добар тренер и под полна кондициска спрема, со по 10-15 минути просек по утакмица.
Мора да имаме минимум 10 играчи во константна ротација на секој натпревар, а кој колку ќе игра зависи од натпреварот, тренерот итн.
Јас зборам за целиот нивен придонес,а не само за ова или минатото првенство.Инаку Гече на минатото ЕП се повреди и не играше многу па од таму и не знам колку може да се каже дека изиграл добро или лошо.