"Верувајте во науката" е новото "верувајте во системот", а народот ја губи довербата, избори по избори во системот, како кај нас, така и во Европа. Тоа го покажуваат сите излезни анкети каде довербата во било кој политичар, сем Претседателот на државата, е многу мала, речиси и никогаш не надминува 30%! Поразително.
Дали треба да се верува во систем во кој позитивните вакцинирани не одат во карантин? Дали треба да се верува во систем каде од 2 недели, карактинот, преку ноќ, се крати на 1 недела? Дали треба да верувам во систем во кој се зара задолжително носење на маска (или шал) , а притоа дел од тие маски се само една обична декорација на лицето? Дали треба да се верува во систем во кој без правен основ 60% од граѓаните се дискриминирани? Дали треба да верувам во систем во кој има активна мерка, малолетник да не треба да покаже сертификат за влез во одреден локал или угостителски објект? Дали тие не се преносители?
Компарацијата за пазарите, јавниот превоз, плоштадите, протестите и концертите на отворено, каде може да се собере поголема маса народ, без рестрикции, дебатата сме ја воделе. Така, да, не и верувам ниту на Комисијата за заразни болести која на почетокот даваше напори, а потоа забега. Тоа не е наука, туку тоа е политика. И да е наука, зошто мора неспорно да и се верува? Теза и антитеза? Некој?
СЗО промаши сѐ што можеше да промаши. Од мерка до препорака. Посебно со вакцините, со селективната важност во одредени држави, и вакцините кои не ставија крај на пандемијата. Постои општа разочараност, тоа веќе е јасно. И зошто само Фајзер, кога во одредени држави и Спутник може да се прими како трета доза (мислам првата доза, со оглед на тоа дека двете се различни)!? И тоа е политика, а не наука.
Во одредени држави, не е ни препорачливо народот да се тестира ако осети симптоми на Омикрон (настинка). Искрено се надевам дека до лето оваа ретардација ќе заврши.
Во Австралија владее тоталитаризам. Нека ми простат членовите кои живеат таму, но не е хумано некој да ве држи затворени како кучиња и со дронови да бара и апси тинејџери кои излегле да се дружат. Ако специјалист ми даде потврда нека не можам да примам вакцина поради некоја Х причина, а притоа власта бара или двојно вакциниран или потврда, зошто толкава фама? Науката му даде дозвола, а политиката не! Покрај што е голем спортист, го сакаат на секоја педа во светот, Новак е и голем хуманист, донираше пари во српските болници за време на пандемијата. Донираше пари и во Австралија за време на пожарите. Ги полнеше трибините и беше ѕвезда бр#1. Сѐ надевам дека ќе се одрази и на спонзорства и на интересот за пратење на Австралија опен.
#TeamNovak