Изгледа се дозволуваат само темите против албанците , а мојата тема за илјадниците бугари во Македонија кои земаат татковински државјанства се избриша :
Радикални биле муслиманите затоа што градат џамии и затоа што покриени девојки завршуваат факултети а после тоа си наоѓаат работа , јас сепак мислам дека радикалци се тие што им ги оспоруваат правата на муслиманите.
Еве ист таков обид :
Милијарда евра инвестирани во радикалниот ислам
За да се изгради џамија потребни се повеќе од милион евра. Само минарето чини од 50 до 60 илјади евра. Цената зависи и од материјалите што се користат во градбата. Има џамии за кои се потрошени и над два милиони евра
Повеќе од 300 џамии се изградени во Македонија во последните десет години. Само во главниот град и неговата околина има дваесетина нови џамии, најчесто без одобрение за градба и без комплетна документација, неопходна за објектот да биде легален. Експанзијата на градење џамии е најочигледна во западна Македонија, како и во северните делови од земјата, но последните години се гради и околу Штип и Валандово.
Кога се возите со автомобил од излезот на Скопје кон Тетово, Гостивар, Кичево, па сé до Охрид, секое наредно патување можете да забележите понекое ново минаре на место на кое претходно го немало.
Најголемите износи за финансирање изградба на џамии, покажа нашето истражување, влегуваат најчесто преку косовскиот аеродром, како и преку Бугарија и Турција.
Кој ги дава парите за џамијата не е небитен податок, зашто тој што донира за нејзината изградба подоцна има и влијание врз неа. Но тие податоци е тешко да се прецизираат.
СУНИТИ, ШИИТИ, СУФИСТИ
Исламот се практикува во неколку варијанти, од кои секоја има значајни теолошки и правни разлики, но во основа сите имаат едно исто основно верување. Главните гранки се сунизмот, шиитизмот и суфизмот, што се смета за мистична варијанта на исламот.
Сунитите се верници на исламот, на кои им припаѓаат поголемиот број муслимани. Зборот потекнува од „суне“, што значи „книга и зборови“, што се однесува на зборовите на пророкот Мухамед. Според тоа, сунитите се следбеници на книгата на законите и признаваат четири верски школи: Ханафи, Малики, Шафи и Ханбали. Денес околу 1,5 милијарда муслимани се сунити, што претставува 85 отсто од ова население. Доминантни се во сите муслимански земји, освен во Иран, Ирак, Либан, Бахреин и во Азербејџан.
Шиитите се вториот по големина разгранок на исламот. Според историските податоци, шиитите ги признаваат Мухамедовиот пророк Али и неговите потомци за единствени полноправни наследници на Мухамедовата световна и духовна власт (калифи и имами). Шиитите, за разлика од сунитите, немаат строга забрана за ликовно прикажување на божјиот посланик Мухамед, имаат мали разлики во миењето пред влезот во џамиите, како и во движењата при молитвите, но верниците од двете школи може да се молат во ист верски објект. Бројот на шиитите меѓу муслиманите се движи од 10 до 15 отсто, а статистичките податоци не се сметаат за доверливи поради политичката и верска дискриминација на шиитите. Најмногу ги има во Иран, Азербејџан и во Ирак.
Кај нас исламот со Отоманската Империја влезе во сунитска форма.
ДОНАЦИИ ЗА ЏАМИИ
Според грубите процени на градежите фирми што се занимаваат со изградба на џамии, за да се направи ваков објект се потребни повеќе од милион евра. Само минарето може да чини од 50 до 60 илјади евра. Разликата во цената зависи од материјалите што се користат за изработка на објектот, од бројот на минарињата и др. Во последно време муслиманските верници ги тераат да донираат повеќе пари за изградба на џамии, па за изградба на ваквите верски објекти се даваат и трошат понекогаш и над два милиони евра.
Голем дел материјали се донација од приватни фирми што се занимаваат со градежништво или со производство на дрво или на бетон.
Според верниците, мотив за градење на ваквите објекти е ширењето на исламот. Идејата е да се овозможи собирање повеќе верници во џамиите како места за мирно извршување верски обреди.
- Жителите на населбата се договараат кој колку пари може да донира за изградбата на верскиот објект. Имам фирма за изработка на градежен материјал. Кога се градеше џамијата во моето село, сите активно учествувавме. Одлучив да ги обезбедам железото и материјалот за конструкцијата, односно костурот на џамијата. Моите соседи дадоа пет илјади евра, а некои носеа песок, теписи... Тоа е приватна работа и не мора секогаш да се знае износот што некој го дал за изградба на џамијата - објаснува жител на селото Кондово, во околината на Скопје.
Познавачите велат дека новите џамии во Македонија се градени според арапски терк, за разлика од постарите верски објекти од времето на Отоманската Империја. Во почетокот минарињата служеле за повикување на верниците на молитва, а денес оџата им се обраќа на верниците од места во џамијата што се опремени со микрофон и со големо озвучување.
САУДИСКА АРАБИЈА - ГЛАВЕН ФИНАНСИЕР
Според неофицијални извори, најмногу пари за изградба на џамиите доаѓаат од арапските држави, како Саудиска Арабија, Кувајт, Катар и Египет. Официјално, пак, најмногу пари плаќа Владата на Саудиска Арабија. Овие пари првично се наменети за отворање училишта и за промовирање на религијата, како и за аџилак во Мека и Медина. Пред десет години од државата на аџилак заминувале верници со еден автобус, што значи до 50 луѓе од Македонија, а последните неколку години на пат заминуваат од 25 до 30 автобуси. Според официјални информации на Исламската верска заедница, превозот за овие верници го плаќа Владата на Саудиска Арабија, чие население 97 отсто (или 25 милиони луѓе) е муслиманско.
Како што дознаваме, во последните 10 години се влезени еден милион евра за ширење на исламот, од кои 600 милиони биле наменети само за изградба на џамии. Другите пари се наменети за аџилак, други простории, за хуманитарна помош за Ромите, за стипендии. Според познавачи на оваа проблематика, најголем извезувач на радикалниот ислам во државата е Саудиска Арабија.
И во Босна и Херцеговина, од каде што се смета дека доаѓа радикалниот ислам во Македонија, најголем финансиер за изградба на џамии е Владата на Саудиска Арабија. Со нејзина поддршка во Босна се изградени околу 140 џамии, како и мегаџамијата „Џамијата на кралот Фахд“ во Сараево.
На списокот на земји што се главни финансиери на џамии во Македонија, како што дознаваме, се и Катар, Кувајт, Малезија, Либија и Египет.
ТУРСКИ ИНВЕСТИЦИИ
Реџеп Таип Ердоган, како градоначалник на Истанбул во 1997 година, изјави: „Џамиите се нашите касарни, куполите се наши шлемови, минарињата се наши бајонети, а верниците се наши војници“. Поради оваа реченица, тој беше осуден за говор на омраза, а наместо девет месеци, одлежа четири. Турската агенција за соработка и развој (ТИКА) ја финансираше реконструкцијата на Мустафапашината џамија. Според неофицијални информации, сите фирми што ќе се пријават на јавен тендер за обнова или изградба на некој објект, подоцна стануваат донатори на пари што влегуваат во државава на ист начин како и во Босна и Херцеговина, јужна Бугарија, во Чеченија и Азербејџан, во Узбекистан, Киргистан и Казахстан.
Турската владина агенција е подготвена да помогне и во Штип. Една од можните соработки е и во сферата на образованието, бидејќи таму постоел интерес да се изучува турскиот јазик во училиштата, со тоа што „Тика“ би обезбедила финансии за кадарот и за наставата. „Тика“ е формирана во 1992 година и дејствува на три континенти - Африка, Азија и Европа и обезбедува асистенција во повеќе области.
Медресата во Штип, каде што се изучува исламот, се финансира со пари од телефонски јавувања, преку телефонски број за донации што е отворен во Измир, Турција. Преку тој телефонски број се даваат пари за обука на кадри за ширење на исламот во Источна Македонија.
ПАТОТ НА НЕЛЕГАЛНИТЕ ПАРИ
Според изворите на „Нова Македонија“, најголеми износи на пари со кои се финансира изградбата на џамиите влегуваат илегално, и тоа најчесто од косовскиот аеродром или преку Бугарија и Турција. Голем дел странски невладини организации што сакаат да се регистрираат и во земјата се главни промотори на исламот, а некои од нив се ангажирани да им држат предавања на верниците, односно да вршат проповедање на радикален ислам.
На сметките на хуманитарните организации не можат да се слеваат пари во големи износи, а и нивната намена за изградба на џамии и за печатење материјали со кои се проповеда исламот лесно може да се открие. Според информации на познавачи, најголема закана претставуваат фирми регистрирани од македонски Албанци што се занимаваат со печатење книги и цеде-материјали. На нивните сметки во банките се префрлаат пари чие потекло тешко се открива.
Исламските хуманитарни организации што дејствуваат во земјата и со кои контактиравме се правдаат дека нивната основна дејност е да одвојуваат пари првенствено за помагање на сиромашните луѓе, како и за финансирање на образованието. Нашата основна цел, велат тие, е хуманоста, а не финансирање за изградба на верски објекти или ширење на исламот, зашто тоа е спротивно на исламското верско учење, каде што е главно сите да бидат сити и облечени, а можат да се молат и пред верските објекти.
АРАПСКИТЕ ДРЖАВИ НЕ ДАВААТ ПАРИ
Џамиите во Македонија се градат исклучиво со одобрение на Исламската верска заедница и со доброволни прилози на самите верници, а никако со пари на радикални исламистички групи или, пак, со сомнителни донации на непотврдени организации. Оваа изјава редовно се провлекува по медиумите како официјален став на ИВЗ.
За изградбата на џамиите на целата територија на државата е надлежна ИВЗ, како регистрирана верска институција, како и верниците што имаат волја да донираат пари. Со години, велат во ИВЗ, во јавноста провејуваат шпекулации дека земјите од арапскиот свет им даваат пари на балканските земји за ширење на исламот и за градење џамии.
- Ниту една земја не и дава пари на Исламската верска заедница во Македонија за изградба на џамии. Имало случаи кога од Турција, преку нашето министерство за култура, се даваа пари за реставрација на „Мустафапашината џамија“ во Скопје. Тоа важи и за „Хатунџук-џамија“ во населбата Гази Баба. Светската исламска банка, која се наоѓа во Саудиска Арабија, преку нас вложувала за инвестирање во науката, за формирање факултети за изучување на исламот, за финансирање на студентите. Тие немаат фондови за изградба на верски објекти - истакна Африм Таири, генерален секретар на ИВЗ.
Исламската заедница во земјава ја поддржуваат верските заедници од дијаспората, вели Таири, како што се центрите од Канада, Америка, Австралија, кои се доброорганизирани и секогаш кога е потребно се подготвени веднаш да дадат пари за изградба на џамија или, пак, да помогнат одредено муслиманско сиромашно семејство. Регистрирани се 155 такви центри што се во рамките на Исламската верска заедница во Македонија, а од нив најголем број се во Швајцарија.
„САНДЕЈ ТАЈМС“
Голема прашина во Европа дигна престижниот лондонски весник „Сандеј тајмс“, кој објави дека Саудиска Арабија слева стотици милиони фунти во исламистички групи на Балканот за да шират безредија. Во текстот се наведува и дека фундаменталистички групации познати како вахаби и салафи се финансирале од разни саудиски хуманитарни организации, за кои од владини извори од Македонија за „Сандеј тајмс“ велат дека се определени да работат на ширење екстремизам. Според информациите на весникот, и Сулејман Реџепи, поглаварот на Исламската верска заедница во Македонија, имал изјавено дека четири џамии во Скопје не се веќе под нивна контрола, како и дека најголем дел џамии во балканските земји се изградени со пари од радикални групи. Откако ова беше објавено, Исламската верска заедница демантира дека кој било нејзин претставник или нејзиниот претседател дал изјава за британскиот весник, а пишувањето било невистина, клевета и шпекулација.
Според интернет-енциклопедијата „Википедија“, влијанието на Саудиска Арабија во исламот се зголемило кон 1960 година, кога Владата на оваа земја почнала да финансира изградба на повеќе џамии и исламски училишта низ целиот свет. Се претпоставува дека за таа цел биле одвоени околу 45 милијарди американски долари.
Во 2002 година саудиски дневен весник објави податок дека биле собрани пари за околу 1.500 џамии и околу 2.000 исламски објекти. Џамијата „Фахд“ во Калифорнија и исламскиот културен центар во Рим, Италија, се меѓу најголемите инвестиции од Саудиска Арабија, зашто нивната вредност се проценува на околу 60 милиони американски долари.
http://novamakedonija.com.mk/NewsDetal.asp?vest=7610955528&id=9&prilog=0&setIzdanie=22026
Колку пари се слеваат за поттикнување на радикалниот ислам?
