Предлог од мене за Септември, се нервирам што не живеам во Скопје.
ПРОГРАМА ЗА СЕПТЕМВРИ-ОКТОМВРИ 2012 Кинотека
27-28 септември (четврток-петок), 20 часот
ТОМИ
(Tommy)
игран филм, САД
1975, 111 мин., колор, 35 мм.
режија: Кен Расел (Ken Russell)
сценарио: Пит Таунзенд, Кен Расел (Pete Townshend, Ken Russell)
улоги: Роџер Далтри, Ен Маргрет, Оливер Рид, Елтон Џон (Roger Daltrey, Ann-Margret, Oliver Reed, Elton John)
Рок-мјузиклот ТОМИ ја раскажува приказната за едно немо, слепо и глуво момче, кое и покрај својата психолошка хендикепираност од доживеаната семејна траума ќе стане светски шампион во играње на флипер машина. Но славата ќе му донесе и проблеми - неговите фанатични обожаватели ќе го прогласат за „спасител“. Овој мјузикл е направен врз основа на истоимениот рок-албум на култната група „Ху“, чиј фронтмен Пит Таунзенд за својата музичка работа на овој филм добива и номинација за престижната филмска награда „Оскар“.
29-30 септември (сабота -недела), 20 часот
ПЛАНЕТА НА МАЈМУНИТЕ
(Planet of the Аpes)
игран филм, САД
1974, 112 мин., колор, 35 мм.
режија: Френклин Џ. Шефнер (Franklin J. Schaffner)
сценарио: Мајкл Вилсон, Род Серлинг (Michael Wilson, Rod Serling)
улоги: Чарлтон Хестон, Роди Мекдауел, Ким Хантер, Морис Еванс (Charlton Heston, Roddy McDowall, Kim Hunter, Maurice Evans)
Тим на истражувачи и астронаути од планетата Земја со својата ракета ќе се урнат на една непозната планета. На својата истражувачка мисија за нов живот, овој тим предводен од астронаутот Тејлор ќе открие дека новото општество на оваа планета го водат мајмуни кои еволуирале во суштества кои зборуваат и логички размислуваат. Но мајмуните живеат заедно со луѓето кои сè уште немаат развиено способност за говор. Кога доктор Зајус, лидерот на мајмуните, ќе открие дека заробеникот Тејлор ја има способноста за говор, ќе се обиде да го уништи и засекогаш да ја осигура доминацијата на мајмунската раса.
Првиот има извонредна музика и може да се види Џек Николсон покрај споменативе.
Додека вториот филм е култен и секој би требало да го погледне, картите порано беа навистина со симболична цена во Кинотека по 50 ден., не знам како е сега ситуацијата.