Идејата за натпреварите е одлична, морам да го пофалам Sky. Ќе се обидам со моите скромни фотографски вештини и јас да ве дружам во натпреварите. Само како идеја - од секогаш ме привлекувале фотографии на морничави места: напуштени и разурнати куќи, паркови обраснати со трње, со многу прав и пајажини, осамени бунари на скриени полјанки, облачни неба... Мора еднаш да поставите и таква тема за фотографирање.
Исто така, ме привлекува и естетиката на грдото, па зошто да немаме и теми поврзани со сиромаштија, со тезгите на Бит пазар, калливите улици и испуканите тротоари, распаднатите куќи, питачите и бездомниците... Не мора само пеперутки, славејчиња, снег и природа да сликаме. Има купишта идеи од кои би можеле да се направат прекрасни фотографии.
За крај, само едно нешто ќе ве молам: при поставување на темите бидете поспецифични. На пример, според мене темата „Природа“ е преопшта и отвара простор за фотографирање на се и сешто. Затоа - зошто да не бидат темите поконкретни? Пример: „Реки“, „Мостови“, „Дрвја“, „Полиња“, „Чуда на природата“ итн. И среќно, на сите!