" На денешната прес-конференција по повод „Избор за песна на Евровизија 2012“, покрај нормалните прашања на новинарите од медиумите, не само Калиопи туку и поголемиот дел од присутните, беа изнервирани од страна на прашањето на една од новинарките кои работат на емисијата „Бекстејџ“, на Сител телевизија.
Имено, новинарката ѝ постави прашање, „Зошто Калиопи го промени мислењето, кое го имаше во 2004 година?“, односно дека била против тоа Тоше Проески да настапува со повеќе песни, како би се одбрала „вистинската“ песна за тогашниот фестивал, на што Калиопи одговори: „Мојот став тогаш беше дека покрај прекрасниот негов вокал, дека нема да се одбере вистинската песна за него, што и навистина се случи. Тоа му го кажав и лично нему, потоа во 2005 година рака за рака заедно настапувавме на фестивал во Дубровник. Тој мене ме разбра што сакав да му кажам, на професионален план.“
Покрај ова, новинарката од горенаведената емисија, потенцираше дека имаат материјал во архива, кој планираат и јавно да го покажат, за тоа како Калиопи не си стои на своето.
На крајот Калиопи дополни, „Занимавајте се со такви работи, јас навистина не можам, имам други професионални работи кои се поважни во моментов, вие многу повеќе изгубивте, додека мене ме направивте посилна. Ќе ве ставам мисловно на ‘ignore‘, бидејќи навистина имам многу поважни работи.“ На крајот од оваа изјава, Калиопи доби аплауз од останатите медиуми присутни на оваа прес-конференција."
Почна масовната тепачка