И да не е политика, ваков случај, особено затоа што жртва е дете, нормално дека ќе предизвика огромно внимание и ќе се поставуваат милион прашања.
Како се одвива целиот настан, бизарноста (ако воопшто е прикладен зборот), колку лудо се одвива злочинот, како овие идиоти криминалци прават грозоморни работи уште на стартот од акцијата, особено кога ќе го киднапираат девојчето и ги фаќа паника.
И официјалната верзија, друга воопшто не сум ни земал озбилно во предвид, е толу одвратна, неверојатна, не ти дава разумот да веруваш дека може на таков начин да заврши живот на едно дете.
Поради тоа е и потребата кај луѓето да му дадат поинаква позадина на целото убиство.
Не е само кај нас, гледам дека и Хрватите пишуваат за "мистерии", околу убиството.
Навистина има некои слаби места во официјалната верзија, за кои се надевам дека ќе добиеме одговор во наредниот период и нема да се влечат многу контроверзи.
Смилковско езеро е најлош пример, тој најгрозоморен настан што се случил во Македонија во мирнодопски услови, а уште не знаеме се околу него. Неколку пати политичарите се изживуваа врз масакарот и врз болката на најблиските. Страшно нешто што се случуваше и како се манипулираше, како да не беше доволно одвратен самиот настан, па мораше да се лешинари над него.
И на крај, и денес не знаме зошто ги убија. Уште некои медиуми и политичари повикуваат на "независна меѓународна истрага", односно се проблематизира и кои се убијците.
За жал, жртвите бргу се забароваат, како и болката на најблиските. Колку и да звучи одвратно, истото ќе се случи и со Вања.
