Изгоре планинарскиот дом „Копанки“ на Пелистер

[ФиљанЧоек]

Ноќеска 30 минути по полноќ во планинарскиот дом „Копанки“ на планината Пелистер, од непознати причини настанал пожар, од кој целосно изгорел планинарскиот дом, соопшти МВР.
За укажување лекарска помош се пријавило едно лице поради вдишување на чад.
Увид на местото на настанот ќе се изврши во текот на денешниот ден.

Пожарот на Копанки изби во 12 на полноќ по што борбата со огнената стихија траеше до раните утрински часови. Густи облаци од чад во моментов се извиваат над остатоците на објектот.

За среќа човечки жртви нема. Во Копанки ноќта имало околу 15 планинари и скијачи, а тие кои останале будни на време виделе дека планинарскиот дом гори и алармирале. Планинарите се евакуирани во хотелот Молика. Од МВР соопштија дека за укажување лекарска помош се пријавило едно лице поради вдишување на чад.

Веднаш по пријавата дошла екипата на битолската противпожарна единица и со големи напори спречила пожарот да ја зафати шумата со молика.

Во известувањето за пожарот од МВР велат дека тој избувнал од непознати причини а увид на местото на настанот ќе се изврши во текот на денешниот ден.

Инаку вчера на Копанки се одржа голема сноу борд забава на која присуствуваа над 100 луѓе од цела Македонија.

ИЗВОР / ИЗВОР

 

[JeepMkd]

Видов во некој од електронските медиуми... Страшно
Кај не се прави ништо ново по ова прашање, па и тоа што го има(в)ме го губиме...

 

[Out Of Reality]

Многу убаво место, штета..

 

[leandra]

Се почна да се самозапалува, навистина чудно.

 

[Darklady]

Луѓето од ништо, ќе направат нешто,
А кај нас и тоа што го имаме да го немаме.
Навистина жалосно, преубаво место.

 

[Spell Caster]

Што е со пожариве? ГТЦ, Македонска Пошта, Копанки...

Туку, цел месец се договаравме да отидеме во Копанки, ама поради испитната сесија решивме наредниот викенд да одиме. Tell me 'bout a bad luck.

 

[Supervisor]

Што е чудно не ми е јасно кога во овие објекти-бараки не е уложен нити денар во последниве 60 години. Како нема да се запалат.

 

[Cannabinoid]

Очекувам слично на Поштата, 2-3 дена после гасењето на пожарот, домот да објават оглас за јавна набавка за осигурување на објектот...

 

[Flegmaticen]

Поздрав до тој шо го запали домот, сеа кај него дома ќе пиеме чај и во дворо ќе му скијаме

 

[khz777]

Се почна да се самозапалува, навистина чудно.

Пироманството станува професија .

 

[Apokalipto]

Што фино место беше... а минатиот викенд бевме со друштво, се надевам дека барем жичарата е функционална сега, оти ептем да се остане без стаза за скиење во близина е навистина заебано.

 

[Ivica^]

Ви чуе, битно на Водно ќе се праи ски патека по светски стандарди, шоима веза ако се запалило ова на Пелистер.

 

[macgowan]

Како чоек кој е пораснат таму а и децата стигна да си ги `расти` на Копанки и чии предци имат учествувано во градењето на домот очекувам владата на РМ и локалната самоуправа да се покажи и да биди великодушна како што знае да биде понекогаш и за одредени моменти и да се поможи во изградбата на нов, поубав од претходниот планинарски дом.
Се да се пеплоса, спомените ќе останат.
Очекувам акција за помош и донации и стоп за глупи коментари.

 

[Мајло]

Сури кај е?

 

[gata salvaje]

Steta golema i zalosno sto izgore domot...ne znam vo kakva sostojba bese skoro , ali pred nekolku godini bese vo ocajna...bevme so drustvo i super si pominavme , bez razlika na uslovite .... bas si imam ubavi spomeni od tamu.