- Член од
- 21 септември 2008
- Мислења
- 14.446
- Поени од реакции
- 13.873
21 Jun 2012, 20.45 CET
National Stadium Warsaw, Warsaw
Претходни натпревари на европските првенства:
11/06/2008 - Женева
Чешка 1 - 3 Португалија
23/06/1996 - Бирмингем
Чешка 1 - 0 Португалија
Репрезентацијата на Чешка првиот натпревар на ова Европско го одигра многу лошо и загуби со 4 - 1 од Русија. Единствениот гол за нив го постигна Пилар кој беше единствената светла точка на тој натпревар. Во следниот натпревар против Грција видовме преродена Чешка која уште во воведниот дел од натпреварот имаше водство од 2 гола. Головите ги постигнаа Јирачек и повторно Пилар. Во последниот натпревар од групната фаза Чешка издвојуваше минимална победа против домаќинот Полска, со гол на нивниот најдобар играч во досегашниот дел од првенството, Петр Јирачек. Групната фаза Чешка ја заврши на првата позиција што беше и мало изненадување, особено после катастрофалниот почеток на ова првенство..
Исто како и Чешка, и Португалија беше поразена од Германија во првото коло во групата Б, која воедно беше и групата на смртта. Бледото издание на Португалија го казни Марио Гомез, и во тие моменти започнаа критиките од својата земја упатени кон фудбалерите на Португалија, посебно кон Роналдо.. Во следниот натпревар против Данска, Португалија издвојуваше тешка победа, но сепак повторно не изостанаа критиките кон Роналдо кој на тој натпревар промаши две колосални шанси, но сепак херојот на тој натпревар, Варела со гол при крајот на натпреварот им ја донесе толку посакуваната победа на Португалија а со тоа и реални шанси за поминување на групата. Последниот натпревар против Холандија и не започна баш најдобро за нив затоа што само после 10 минути игра португалците имаа негатива, но Роналдо конечно на ова ЕП заигра како што и се очекува од него и докажа зошто е еден од најдобрите играчи во светот. Два гола на Роналдо за целосен пресврт против Холандија, и со тоа освојување на втората позиција во групата Б.
Во ова четврт-финале може да очекуваме отворен натпревар затоа што ни едните ни другите не негуваат дефанзивен фудбал. И двете репрезентации своите шанси најчесто ќе ги бараат преку крилата кои им се нивно најсилно оружје. Во Чешка тоа се Пилар и Јирачек а кај Португалија Роналдо и Нани. Она што би можело да биде пресудно а е на страната на Португалија е троецот во средниот ред, Велосо, Мутињо и Меирелеш, кои докажаа во натпреварот против Холандија дека доколку тие си ја завршат својата работа на ниво Португалија може да достигне високо ниво на игра. На другата страна да го споменеме и Милан Барош кој не игра на високо ниво на ова првенство, но има драгоцено искуство во играњето на големите натпревари и во завршниците од европските првенства..