Гледам неколку пати се спомна квизов Арена (таканаречен квиз) и дечкото што стана познат таму.
Прво, не знаев за квизов дур не чув за дечкото, би рекол на една рака се борјат луѓето кои воопшто нешто чуле за ова претходно откако ги прашав. Значи квизов си пати од помала гледаност. Како да се реши тој проблем? На ист начин што ќе се најде кандидат/ка која ќе биде како учесник во Големиот Брат.
Само ја згрешиле формулата малце, наместо некој Шпага лик, нашле човек со благо-изразен аутизам или некоја ретардација (се гледа од авион дека има ограничувачки проблем човекот) и го ставиле пред светов да биде исмеван. Кај вакви квизови обично има процес на елиминација уште пред да се најават учесниците во некоја емисија. Тука или го немало воопшто, или одлучиле баш тој ден да нема филтри и да пуштат некој таков пред камера. Како и да е, одлуката е свесна, не е како да не знаеле со каква личност ќе водат емисија.
Ефектот е постигнат, сите што не знаеја, вклучително и јас, дознавме што е Арена, благодарение на виралните исечени видеа каде се прикажува господинот како одговара на прашањата. Но по која цена? Имаме таков случај кај нас во фамилија. Дали исто ќе се ругавте, плукавте и потсмевавте дечкото да беше некој ваш роднина? Некој така да го искористи за повеќе прегледи на интернет, за еден вид реклама?
Од една страна плачете како таквите лица не добиваат толку колку што требаат од државата од друга страна ги ругате како најновата турска серија кога моментот за тоа ви се погодил. Со вакво однесување, си ги заслужувате сите гомнарии што ви се случуваат. Патетика од народ!