Интересна статија од Он.нет, преведена од Guardian:
Оскарите: Кој е главен?
Вуди Ален нема право на глас, но затоа Дакота Фенинг гласа рамо до рамо со најголемите филмски имиња. Како изгледа внатрешниот свет на Академијата за филмски уметности и науки и како сето тоа функционира.
Последната фаза од изработката на Оскар стаутите, 15 октомври 2010.
Жирито е составено од 6.404 членови, од кои најголемиот дел живеат во Лос Анџелес, а останатите се во северна Калифорнија, Њујок и Лондон. Со мала предност, мнозинстовото се мажи, а просечната возраст им е 57 години. Еден од нив е Руперт Мердок, друг е Алмодовар, трет е Саша Барон Коен. Џорџ Лукас, Вуди Ален и Двејн "Рок" Џонсон, не се на списокот.
Членството во Академијата е исклучително со покана, но задолжителна е поддршка од најмалку двајца постојни членови. Кога еднаш ќе станеш член на Академијата таа фукција ти трае до крајот на животот. Токму ова е и една од најголемите забелешки на критичарите на Академијата кои организациајта ја прикажуваат како збир на старци и пензионери кои врзани за нивните боци со кислород ги избираат победниците за Оскар.
Се уште никој од критичарите не заборава кога Хенри Фонда и Џејмс Гарнер на своите сопруги им дадоа членство во Академијата, а потоа ги пополнуваа гласачките ливчиња во нивно име.
Тука е и случајот со Долорес Харт,
актерката која во 1957-ма сними филм со Елвис Присли, за по некое време комплетно да се повлече од шоу-бизнисот и да се замонаши во манастир во Конектикат. Сега на 72 години, Долорес се уште е членка на Академијата со право на глас и секоја година добива копии од најновите номинации за Оскар, со што е единствена калуѓерка на светот која може да решава по делата на Квентин Тарантино.
Академијата е составена од 15 ограноци, од кои најголем и најмоќен блок се актерите, кои имаат 1.205 членови или 22% од вкупниот број. Токму тие минатата година му ја осигураа победата на The Hurt Locker, откако сините луѓе од Аватар не можеа да ги убедат со нивниот настап. По нив следуваат продуцентите (452), директорите (437) и публицистите (368), кои имаат поголема склоност кон меинстрим филмовите.
На крај тука се членовите на најразлични еснафи - звук, ефекти, сценографија, костими и слично - кај кои преовладува машкото мнозинство и кои најчесто ги привлекуваат масовните спектакли како Braveheart, Saving Private Ryan, The Town, True Grit. Оваа група беше одговорна за тоа што Brokeback Mountain го изгуби Оскарот за најдобар филм на сметка на акционата драма Crash.
Статуетката Оскар на изложбата "Meet the Oscars" во Тајм Ворнер Центарот во Њујорк
Аналитичарите забележуваат дека победниците за најдобар филм во последните неколку години, од нихилистичката драма на браќата Коен, No Country for Old Men, преку крвавиот трилер на Скорсезе, The Departed, па до воената драма The Hurt Locker, се гаранција дека Академијата ги проветурва своите редови.
Освен изненадувачките победници, промените се забележуваат и во новата процедура за примање на млади актери, која дозволи членови на Академијата да станат Дакота Фенинг, Тајлер Пери, Џејмс Франко, Мајкл Цера, Емили Блант и Сет Роген.
За други подмладувањето на Академијата и нескојдневниот избор на победници (The Hurt Locker наместо Avatar) е само последица на ослабената финансиска моќ на Холивид. Уште во 1997-ма, Спилберг забележа: "доаѓаме до точка кога се прават само два вида на филмови. Исто е како во Индија, има висока класа и сиромашна класа и нема средна класа. Сега, ние се обидуваме да ја истиснеме средната класа од Холивуд дозволувајќи им успех само на филмови кои чинат над 70 милиони долари или филмови под 70 милиони долари." Токму средната класа е околината во која Холивуд ги развиваше своите највредни дела - како Driving Miss Daisies и Dances with Wolves.
И без разлика дали на 27-ми февруари ќе ја поздравите смелоста на одлуките на Академијата или ќе ги пцуете старците, треба да се има во предвид дека просечниот член на академијата не е дрт старец или претплатник на
Cahiers du Cinéma. Со најголема веројатност, тој е фан на Годар, фан на Годар со деца, заклучува Гардијан.
