Не се правете невини. Сега ќе ви кажам пример кој често се случува.
Ме додава еден непознат лик, океј. Започнува разговор и си дискутираме без никаков проблем. Почнува да ми манијачи слики и да „лајка“. Океј. Почнува да ми дели комплименти и суптилно да флертува. Го прекинав разговорот со изговор дека треба да одам, за да не излезам арогантна. Зарем имаше потреба да потенцирам дека имам партнер? Имам слики со него кои мора да ги видел, но решил да ги игнорира. Следниот ден ликов напишал статус за некоја „арогантна крава“, која го избришала после муабет, но пред да го избрише му рекла дека има дечко на кој не му се допаѓа разговорот. Во очите на ликов девојката беше арогантна затоа што тој „не планирал да биде со неа, а оваа му потенцирала дека има дечко“, но сепак рекол нешто што не му се допаднало на дечкото. И сега девојката излезе крива и „арогантна крава“, затоа што директно му кажала. Го избришав мајмунот по брза постапка.
Признајте си самите на себе дека понекогаш знаете да бидете нападни во овој стил, дека девојките како и да изреагираат, ќе ги обвините затоа што егото ви е повредено. Така да следен пат кога ќе налетате на некоја „арогантна крава“, имајте на ум дека или не е заинтересирана за вас, или има дечко, или сте пренападни.
