Boni Bonka Boni
20 ч. ·
Вечерва околу 20 часот се случи немил и страшно вознемирувачки настан во Капиштец. Полицијата пуштена на најјако...демонстрираше сила и бруталност до максимум врз едно семејство кое на терасата од својот дом, на улица Народен фронт бр. 19, имаше некоја прослава со музика. Наводно, на некој мргуд му пречела музиката и расположението на семејството па пријавил во полиција. Дојде полициско комбе на интервенција, ги повика луѓето да се симнат долу, се симнаа мајката, таткото и синот и од тој момент започна хаосот. Не знам од кој причини, земаа да ги приведуваат таткото и синот, наводно синот не сакал да им даде лична карта (ова е претпоставка), мајката почна да вика да и го пуштат детето и настана тегнење, влечење, бутање од страна на полициските службеници, насрнаа и на жената, и неа ја влечеа да ја приведат, а од сите страни почнаа да се редат полициски возила, искачаат полицајци, трчаат да им помогнат на колегите во невоља (чиниш се апсат тешки вооружени криминалци). Се слушаат пискотници од жената и две помлади жени/девојки, членови на семејството, од зградите искачаат луѓе, викаат по полицијата која ги влече, тегне членовите на семејството и ги пика во комбе како да се вреќа компири, притоа една од жените паѓа на улицата пред комбето и останува да лежи, наводно и се слошило?!(имала кардиоваскуларни проблеми)...се повика амбулантно возило, а во меѓувреме доаѓаат уште полициски возила и искачаат полицајци, мислам дека пола полициска станица беше на улица...се насобра народ (време за кучошет), стоиме скаменети и не ни се верува што гледаме и што се случува, негодуваме, Капиштец ечи од сите страни, од улица од згради, пискаат жените, плачат, а еден многу јак припадник на полицијата доѓа до нас и со најдрзок и најбезобразен тон ни се обраќа “да не сме стоеле и гледале сеир зошто и нас и кучињата ќе не соберат топтан”, нормално не ги послушавме, очигледно не сакаа да има сведоци на безумната ситуација што ја направија. Конечно дојде амбулантното возило, хаосот сеуште трае, продолжува изживувањето и демонстрирањето на сила од страна на припадниците на полицијата. Дојдоа уште двајца полицајци со возило, искочија и прашуваат што се случува, имале повик од колегите за напад на службено лице (ова не се случи, ова е најверојатно бек ап сценарио) и мислеле дека се работи за вооружен напад, кога сфатија за што се работи, се свртеа, влегоа во возилото и си отидоа. Во меѓувреме повозрасната жена која тежи едвај 45 кг ја приведуваат четворица полицајци до едно возило, а останатите ги следат растрчани околу нив и повторно прават тензија, младата жена збори со некого на телефон, бара помош, еден од полицајците ја влече за рака и и збранува да збори, се трга, плаче и продолжува да бара помош...повозрасната жена буквално ја бутаат во возилото, ја затвараат вратат но успева да ја отвори и искача од возилото...”најхрабриот и најјакиот” полицаец со панцир ја фака и буквално ја фрла во возилото...побрутална сцена не сум доживеала. Стоиме, сите видно потресени и не ни се верува што се случи и на што бевме сведоци. Ми беа потребни 6 часа да се приберам малку за да можам ова да го напишам и не знам дали воопшто успеав да објаснам што и зошто се случи. Не знам што се случи со жената што ја однесе амбулантното возило, се молам и се надевам дека е во ред, не знам што се случува ни со другата девојка, која очајно бараше помош на телефон, не знам ни со останатите приведени членови на семејството што се случува...постојано ги мислам и се молам за нив. Едно време полицијата служеше за помош и барање спас од невољи, сега, за жал служи само за сеење страв а според овој настан претставува генератор на невољи. Од една обична ситуација успееа да направат хаос, со демонстрација на непримерна сила, да уништат една семејна прослава на најбрутален начин и да вонемират стотици граѓани.
prepis od kazi sto sakas portalot