Раскрстувањето се врши на политички начин, како што е признавањето на Косови, или дозвола за летови на НАТО низ државава кога се напаѓаше Србија. И мене тоа не ми пречи се додека е во интерес на Македонија.
И навистина, какво би било тоа поинакво "раскрстување".
Мене ми е многу смешно и несфатливо некој политичар денес да ми нареди од утре да не комуницирам со личните пријатели од Србија (или некоја друга држава). Зошто без разлика на политиката на Србија кон Македонија или обратно, ние обичните смртници (не политичари) сме пиеле заедно, сме разговарале заедно, сме се однесувале како луѓе.
Гледам на форумов се повеќе се шири некоја меѓунационална омраза, што почнува и навистина да ми пречи.
Толку сме преокупирани со политика, толку ни се уништува духот и гордоста што стануваме параноични. Ги мразиме сите и сакаме да не мразат сите за да си ги оправдаме нашите македонски мазохистички навики. А за тоа се криви нашите безрбетни политичари кои не доведоа до ова дереџе.
Криви се и политичарите на нашите соседи за нивната негирачка и понижувачка политика кон нас. Точно е дека поради таквата нивна политика и пропаганда и голем дел од народот во Србија, Грција, Бугарија и Албанија зазема негативен став кон нас Македонците. Но ништо не можат да ни направат ако сме сплотени и единствени.
Но сепак не се сите нивни граѓани такви. Јас гарантирам дека таму некаде има мнозина кои размислуваат слично како мене. Кои се свесни дека политиката е таа која расипува и негира, додека обичните луѓе сакаат само да се зближат, да разменат идеи, искуства, без разлика на националност.
Секоја земја ослабнува и економски и духовно ако се самоизолира. Не треба да си го правиме тоа. Треба да сме што поотворени спрема сите за да се дознаат нашите идеи, нашите размислувања, очекувања.
Расчистувањето треба да е во нас самите. Да станеме свесни дека сме Македонци, да работиме за нашите интереси, и дека никој друг нема да ни помогне во тоа.