Дали високите парични казни ја постигнаа целта ?

[bucio]

А како се поработува на свеста на луѓето? На школо, вечерно, курсеви?

Како со примерот на парковите, фонтаните и игралиштата кај нас. Никој ниту ги крши ниту ги демолира туку напротив ги чуваат луѓето како нивна приватна сопственорт да е. И не го прават тоа поради страв од казни (психологија дрн мрн глупости), туку го прават тоа зашто што го чувствуваат за нивно, и затоа што тие нешта се направени за општо добро, а не за нечиј личен криминален просперитет .

 

[Lurtz]

Ако се т.н. "маалски", да, ги чуваат, се грижат, постојано има некој таму (пример е кај мене во Бутел со маалско паркче-никој не го растура, ниту клупи ниту зеленило). Но ако се во поголемите општини, населби...често знаат да бидат демолирани, испрскани со спреј, изгорени. Контејнерите често ги палеа, ѓубрето (кутии од цигари, кеси...) фрлаат зад себе, ако "никој" не ги види. Свеста мислам дека е пак со казни. Преминувањето пред градска болница го немаше кога стоеја и казнуваа полицајци. Битпазар клучката идат во спротивна насока, а ако казнуваа полека ќе се навикнеа. Истото е сторено и со појасите и светлата во кола. Има примери на домаќинско однесување, но повеќето се под присила, така да следните генерации по дифолт им влегува во глава стравот од казна и примерното однесување.

 

[Mac))]

Како со примерот на парковите, фонтаните и игралиштата кај нас. Никој ниту ги крши ниту ги демолира туку напротив ги чуваат луѓето како нивна приватна сопственорт да е. И не го прават тоа поради страв од казни (психологија дрн мрн глупости), туку го прават тоа зашто што го чувствуваат за нивно, и затоа што тие нешта се направени за општо добро, а не за нечиј личен криминален просперитет .

Пак ќе ти кажам.

Лесно ти е тебе од дома да кажеш нешто како наводно и наскопскацрнагора требало да биде.
Ај сега размисли и тоа како би се извело тоа и во пракса, односно во реалноста.

Казните не се за да се даваат, туку за да ги плашат луѓето да не прават прекршоци.
Затоа не треба да се приспособуваат според џебот, туку според тоа што луѓето го немаат.
А тоа се високи примања. Па да помислиш 6 пати пред да плукнеш или фрлиш нешто на улица.

 

[bucio]

Ајде место цитат на двајцата засебно мислење.
Казната како двигател никогаш не носи добро, и не е ефективна. Што мислите дали криминалец кој што има поминато долги години во затвор ќе се ресоцијализитра, или ќе стани поантисоцијален? Втората варијанта е повеќе веројатно не затоа што тоа јас сум го прочитал во шарена енциклопедија или сум го видел на интернет туку затоа што лично сум сведок на такво нешто. Но денешново опшество во немоќ нешто да преземи го одделува со физички препреки криминалецот од останатите за да не прави бељи.
Добро јас се согласувам како цивилизација и како опшество сме на ниво на кое што сме, и еве се применува казнување и тоа е факт. Но цел концепт е испревртен до немајкаде наместо да се почни од почеток (Најголемите криминалци) се почнува од крај (обичен човек кој што несвесно плукнал на улица) за да се стигни до почеток. Е тоа е тоа што ги иритира луѓето наместо да се почни со криминалците во Армани костуми кои што треба да одговараат за злосторство против овај народ, и оваа држава, затоа што поради нив и нивното ограбување на нашето стопанство сме на ова дереџе, се почнува со пензионерот кој што едвај сврзува крај со крај за да го преживее месецот.
Денес го гледав Циле на А2 зборува криминална приватизација, порамнување на Стопанска банка итн. Значи го гледам така и си велам чекај бе Циле брат не беше на власт? Ами зошто тогаш не преземе ништо? Него сега најде лања да јадиш одкога дупчето невино ти е во опасност да го распупи некој манијак под тушевите во Идризово.
Цел концепт е погрешен првин големите риби, потоа малите риби. Ама малите риби се мнооооооооооогу помалку занемарливо понештетни од големите.

 

[Dzish]

Мојот пост е за казни во сообраќај, за друго појма неам...

Значи прашањето е дали ја постигнаа целта? А која е целта? Ако е целта да ги заборавам светлата на автомобилот запалени на паркинг и да си пешачам до дома дефинитивно ја постигнаа. Ако е целта да се казнуваат возачи за безвезни работи како мала шара на гума, броење на парамани во кутијата за прва помош и други безвезни работи едно е сигурно дефинитивно успеја во намерата.

Со погоре напишаното само сакав да дадам до знаење за некои безвезни работи кои важат во нашава држава. Зошто мора да се возат запалени светла на автомобилите низ град? Свесен е тој што го предложил/изгласал законот за денско возење со светла дека автомобилот при старт троши 30-40% од батеријата па му треба едно 10-15 минутно возење за таа батерија да се наполни 100%? А освен во Скопје, друг град не верувам дека има каде да се вози 15 минути. Згора на тоа со запалени светла. Па батериите едвај оделе 2 години...

единствено позитивно што можам да видам од казните е тоа што почнаа сите да ги користат појасите, и почнаа да се возат моторцикли со кацига. Бидејки ова е клучно за животот во сообраќајна незгода на анкетата гласам со да. Со пари можеш се да купиш/поправиш освен живот кој е најбитен.

 

[Lurtz]

Добро јас се согласувам како цивилизација и како опшество сме на ниво на кое што сме, и еве се применува казнување и тоа е факт.

Ок, кои биле решенијата на горните држави во однос на овие прашања за демолирање, фрлање ѓубре...со еден збор оштетување на државен имот?
Второ прашање ми е, дали сметаш дека жителите на горните земји се поцивилизирани, покултурни од нас? Читав вчера за односот на вработените во Мишелин во Франција кон газдите. Мислам дека е до друго-парите, тие го вртат светот. Ако тие луѓе имаат стандард како нашиот (во просек), ако со 200-400 евра во просек треба да јадат, одат на одмор, заглават со недвижнини и притоа да мораат да плаќаат и за невработените млади генерации, децата како и за возрасни роднини-социјални случаи (а без некоја социјална заштита), мислам дека и таму културата многу брзо ќе падне во заборав.

Или со други зборови, парите го прават човек џез-љубител, театарски фан или продавач на картонска кутија кој ѓубрето го фрла зад себе. Во една тема спомнав, моралот, етиката, духот се базираат на материјалното добро пред се, а потоа на казни, ако се потребни. Не се сеќавам кој го има кажано тоа, но држи -Прво е материјалната база, а после тоа филозофирањето и уметноста.
Премногу сме сиромашно општество за да мислиме за напредок на култура, уредување на парк и слично. Можда е чудно, но воглавно секогаш тргнувам од материјалното добро на граѓаните. А материјално е и казнувањето

Со погоре напишаното само сакав да дадам до знаење за некои безвезни работи кои важат во нашава држава. Зошто мора да се возат запалени светла на автомобилите низ град?

Вакви регулативи се навистина невидена глупост, посебно за држави како нашата, од сонце не можеш семафор да видиш, не па светла на кола-а сијалиците коштаат бааги-и тоа го земам предвид при критикувањето.

 

[bucio]

Ок, кои биле решенијата на горните држави во однос на овие прашања за демолирање, фрлање ѓубре...со еден збор оштетување на државен имот?
Второ прашање ми е, дали сметаш дека жителите на горните земји се поцивилизирани, покултурни од нас?

За тоа што го цитираше моето мислење е општо за сите држави на планетава земја. Затоа што сите употребуваат казни како воспитна мерка, почнувајќи со каменување, сечење на делови од телото па се до смрттни казни.

 

[Lurtz]

За тоа што го цитираше моето мислење е општо за сите држави на планетава земја. Затоа што сите употребуваат казни како воспитна мерка, почнувајќи со каменување, сечење на делови од телото па се до смрттни казни.

Ок, јас сфатив за овие еу држави. Инаку за цела планета, хм. Пак би рекол средината и материјалните услови диктираат пад на духот и вредностите, па со тоа и овие прекршочни дејства.
како пример многу се последно време споменувани сиромашните предградија на големите азиски и американски градови. На пример, фавелите во Рио, скамот (така чинам се викаше) во Индија. Но ги викаме сиромашни предградија, за 5 долари посегаат по живот, за прекршоците (еколошки и други) не станува збор. Едноставно околината е формирана според материјалните добра кои ги имаат (у ствари ги немаат). Има и кај нас делови од Скопје каде животот е на граница на секојдневно преживување.

 

[Dzish]

Или со други зборови, парите го прават човек џез-љубител, театарски фан или продавач на картонска кутија кој ѓубрето го фрла зад себе. Во една тема спомнав, моралот, етиката, духот се базираат на материјалното добро пред се, а потоа на казни, ако се потребни. Не се сеќавам кој го има кажано тоа, но држи -Прво е материјалната база, а после тоа филозофирањето и уметноста.
Премногу сме сиромашно општество за да мислиме за напредок на култура, уредување на парк и слично. Можда е чудно, но воглавно секогаш тргнувам од материјалното добро на граѓаните. А материјално е и казнувањето

Дефинитивно не си во право... сакаш да кажеш дека ако татко ти зема 9.000 денари, а мајка ти е невработена (извини што те земам за конкретен пример), ти треба секое излегување да се пијанчиш во парк и да демолираш се што ке ти налета пред очи? Нема врска едно со друго, се е до домашното воспитување и мислата ако ја превртам кантана џандарот е тука некаде ке ме репни 50 евра или 10 дена работа во Јавно Претпријатие за градска хигиена.

 

[Lurtz]

Дефинитивно не си во право... сакаш да кажеш дека ако татко ти зема 9.000 денари, а мајка ти е невработена (извини што те земам за конкретен пример)

Нема проблем, муабет е.
Повеќе фактори се, но дали родителот ќе му е важно дали детето фрлило ѓубре, хартија на улица? Уште ако на тие 9.000 му удрат казна, тешко него. Тој попрво ќе се нервира и размислува како да јаде со тие пари и како да се извлече газдата да не го отпушти, како да добие регуларно платени давачки за работата, попрво отколку за тоа дали децата се собрале, јадат сладолед и фрлаат хартија.

Воглавно ако забележиме, каде се овие вредности всадени во глава на граѓаните? Во просек во побогатите средини, побогатите држави и општества. Во сиромашните (во просек) е поинаку.

Како уште еден (не далечен географски) пример ќе ја земам Словенија (во СФРЈ). Иако во иста држава, дефинитивно отскокнуваа и во казни за вакви прекршоци и во примања како и сега. Но, имаа казни дефинитивно, имаа други занимации освен преживувањето. Татко ми работеше за нивна фирма (Крка) па отприлика малку знам како функционираа како општество.

Нема врска едно со друго, се е до домашното воспитување и мислата ако ја превртам кантана џандарот е тука некаде ке ме репни 50 евра или 10 дена работа во Јавно Претпријатие за градска хигиена.

Да, значи сепак е до казните, парични или физички (со работа), а тие директно и индиректно делуваат на домашниот буџет и живеачката. А домашното воспитување не е пресудно, друштвото има многу поголемо влијание од родителот, посебно од 13-14 години натаму. Но и за домашно воспитување за јас да пренесам на дете што е добро, прво ќе сум загрижен за тоа-загрижен ако дома ми е се стокмено, или ќе ме казнат, дури потоа ќе делувам на детето.

 

[Калипсо]

Ајде место цитат на двајцата засебно мислење.
Казната како двигател никогаш не носи добро, и не е ефективна. Што мислите дали криминалец кој што има поминато долги години во затвор ќе се ресоцијализитра, или ќе стани поантисоцијален? Втората варијанта е повеќе веројатно не затоа што тоа јас сум го прочитал во шарена енциклопедија или сум го видел на интернет туку затоа што лично сум сведок на такво нешто. Но денешново опшество во немоќ нешто да преземи го одделува со физички препреки криминалецот од останатите за да не прави бељи.
Добро јас се согласувам како цивилизација и како опшество сме на ниво на кое што сме, и еве се применува казнување и тоа е факт. Но цел концепт е испревртен до немајкаде наместо да се почни од почеток (Најголемите криминалци) се почнува од крај (обичен човек кој што несвесно плукнал на улица) за да се стигни до почеток. Е тоа е тоа што ги иритира луѓето наместо да се почни со криминалците во Армани костуми кои што треба да одговараат за злосторство против овај народ, и оваа држава, затоа што поради нив и нивното ограбување на нашето стопанство сме на ова дереџе, се почнува со пензионерот кој што едвај сврзува крај со крај за да го преживее месецот.
Денес го гледав Циле на А2 зборува криминална приватизација, порамнување на Стопанска банка итн. Значи го гледам така и си велам чекај бе Циле брат не беше на власт? Ами зошто тогаш не преземе ништо? Него сега најде лања да јадиш одкога дупчето невино ти е во опасност да го распупи некој манијак под тушевите во Идризово.
Цел концепт е погрешен првин големите риби, потоа малите риби. Ама малите риби се мнооооооооооогу помалку занемарливо понештетни од големите.

А да не ги измеша ти малку бабите и жабите ? Како можеш да поистоветуваш криминалци и нивната ресоцијализација во казнено поправните установи со паричните казни за сторен прекршок како што е брзо возење, минување на црвено или плукање итн. Па целта на паричните казни за сторен ПРЕКРШОК, а не КРИВИЧНО ДЕЛО не е никаква ресоцијализација на сторителот...Од едноставна причина што тука не станува збор за асоцијално однесување, туку за едноставен прекршок (сообраќаен и сл.) направен од невнимание или некоја слична причина. Не може да се спореди плукање на улица со дилање дрога, ниту погрешно паркирање со силување, ниту пак нарушување на јавен ред со гласна музика да се споредува со убиство. Од тука и не може да се правдаме дека првин треба да ги исчистиме убијците и дилерите од улица, кои патем ќе ги сместиме во затвори со екстра услови за ресоцијализација, па откако се ќе средиме ќе почнеме да се пресметуваме со горе наведените прекршители. Не држи вода.
Прашањето е конкретно: дали зголемените цени на казните за прекршоците делуваа воспитно на граѓаните и со тоа придонесоа да се намали бројот на загинати и повредени во сообраќајни незгоди, дали се подобри хигиената во градовите и дали помирно спиеме ? И зошто ДА или НЕ ? Што треба да се смени, ако воопшто треба ?

 

[Lurtz]

Прашањето е конкретно: дали зголемените цени на казните за прекршоците делуваа воспитно на граѓаните и со тоа придонесоа да се намали бројот на загинати и повредени во сообраќајни незгоди, дали се подобри хигиената во градовите и дали помирно спиеме ?

Не затоа што или се применуваат селективно или воопшто не се применуваат тие казни. Бројката на сообраќајки не ја знам, исто и трендот, но сметам дека и тука не е сторено нешто повеќе во однос на казните-селективни се.

 

[Калипсо]

Не затоа што или се применуваат селективно или воопшто не се применуваат тие казни. Бројката на сообраќајки не ја знам, исто и трендот, но сметам дека и тука не е сторено нешто повеќе во однос на казните-селективни се.

...И кај нас секое чудо за три дена е...
Мене искрено ми пречи кога треба да ме казни полицаец кој вози службена кола без светла, не се врзува со појас, поминува на црвено, пуши и фрла пикавец од службената кола...Со еден збор оној кој треба да даде пример со своето однесување те убедува да не го гледаш што прави, туку да го слушаш што збори...Тоа на прво место...А за селективната примена и да не збориме.

 

[bucio]

А да не ги измеша ти малку бабите и жабите ? Како можеш да поистоветуваш криминалци и нивната ресоцијализација во казнено поправните установи со паричните казни за сторен прекршок како што е брзо возење, минување на црвено или плукање итн. Па целта на паричните казни за сторен ПРЕКРШОК, а не КРИВИЧНО ДЕЛО не е никаква ресоцијализација на сторителот...
Прашањето е конкретно: дали зголемените цени на казните за прекршоците делуваа воспитно на граѓаните и со тоа придонесоа да се намали бројот на загинати и повредени во сообраќајни незгоди, дали се подобри хигиената во градовите и дали помирно спиеме?

Кругот е малечок а во него сме сите...
Во Норвешка како земја која искрено не сум бил, хигиената и свестта за хигиената е многу поголем, а знаеш зошто? Тие имаат заеднички фонд кој што е на сите кој што се полни од продажбата на нивната нафта и нивниот гас. Тие имаат чувство на заедништво, заедница, а пак ние имаме чувство на индивидуализираност (одделување од заедница). Затоа што кај нас тоа што се сметало до пред некое време за заедничко им е дадено на поклон на неколку луѓе.Па ќе слушниш изјави од типот што ме мене боли куро и за име и за држава, што направи оваа држава за мене? Ништо не направи за мене само ме избрка на улица. Додека на онај му даде поклон фабрика, куќи, мерцедеси се што ќе му душа посака.
Татко ми сеуште ја повторува некоја фамозна изјава на Бранко Црвенковски во врска со приватизацијата а тоа е дека: Подобро е едно пиво еден човек да го испие, отколку тоа пиво сто души да го пијат.

Така да ништо не е измешано се е поврзано, пеперутка овде кај нас да мафни со крилјата ќе предизвика ураган во Мексиканскиот залив.

 

[Lurtz]

Така да ништо не е измешано се е поврзано, пеперутка овде кај нас да мафни со крилјата ќе предизвика ураган во Мексиканскиот залив.

Батерфлај ефект? Ова општество не учи и не усмерува на меѓусебен презир, љубомора и јадачка, а најмалку на трпеливост, грижа за околината (а со тоа индиректно и за себе) и љубов-човечка. Општо кажано дивиде ет импера.