Јас верувам во multi-layered reality, ако може така да се каже.
Со нашето свесно (будно) постоење ние функционираме на одредено фрекфентно ниво и со тоа зрачиме одредена енергија. На ова поле најлесно како фиксна реалност ја перцепираме материјалноста и оттаму сме најмногу запознаени со неа. Токму ова доведува до константност и вистинитост на информации произлезени од науката, бидејќи самата наука се занимава со приучување на материјата. Но мора да знаеме дека тоа е само една парадигма на реалноста, која во овој период на колективната свест е, for the lack of a better term, најактуелна.
Во моменти на голема смиреност, медитација, јога, сон или полусон, фрекфенцијата врз која функционираме се менува, и со тоа може да искусиме т.н "натприродни" феномени. Но бидејќи овие состојби се кратки и нестабилни, често принципот на науката на повторување на одреден експеримент за да се добие истиот резултат за да се докаже валидност, паѓа во вода, токму поради нестабилноста на овие нивоа на реалност. Не дека сами-по-себе се нестабилни, туку нашата свест сеуште не е прецизно "наштимана" кон овие нивоа и не е навикната да се одржува на нив на подолг период.
Ваквото гледиште применето во конкретни случаи, на пример гледаше разни ентитети, телепатија и слично, одлично ги објаснува овие феномени. Сето тоа се случки кога ние сме свесно или несвесно "наштимани" на поинаква фрекфенција.
Исто така, мора да се напомене дека емоциите и чувствата играат ОГРОМНА улога во тоа што ќе перцепираме. Понекогаш екстремно силната емоција може да доведе до промена на перцепцијата на надворешниот свет, или пак само до надворешна манифестација на внатрешниот свет. Е тука е тенката линија која го дели човекот од видовит до луд. Затоа човек мора да е многу претпазлив кон оние работи што му се случуваат, а неможе да ги објасни, па ако има тенденција да верува во "натприродни работи", секогаш им става таква етикета. Понекогаш тоа се само манифестации на потсвеста при одредени, нетипични, состојби на умот.
Кога човековата свест на глобално ниво ќе се крене кон повисока фрекфенција, тогаш материјалноста ќе стане понестабилна, а онаа која сме мислеле дека е нешто "натприродно" ќе стане поконстантна, и со помош на поинаков вид на наука ќе може подетално да се истражува. Сега засега овие теми остануваат под голема доза на спекулација и субјективност... и понекогаш е дури навреда да пробаат да се толкуваат со дискурзивниот разум со помош на зборови (кои се логички конструкции), а самите нешта кои се обидуваме да ги опишеме стојат на многу повисоко ниво од самиот збор. Со самото изразување на овие случки преку зборови се создава т.н "губиток при преводот" и она што сакаме да го опишеме неможе да допре до другиот субјект, освен ако и другиот субјект нема искусено нешто слично, па со помош на асоцијација на зборовите да се поистовети со сопственото искуство, за да двата субјекта се разберат еден со друг.
Колку само посистематско образложување треба за подетално да се објаснат сите овие работи. Но мислам дека е доволно ова, како за вовед.
