Тие не можат да разберат како е можно Бог да пострада со таква срамна смрт на крст и затоа го сметаат за пророк.
Не е поради тоа, туку поради материјализацијата на Бог во човек. Не можат да го сварат концептот на Бог од крв и месо, кој јаде, пие вода, си легнува да спие и слично. Иронично, исламот како религија е многу посличен со јудаизмот отколку со христијанството. Повеќе работи имаат ископирано од Стариот Завет, крв за крв, каменување на оние кои практицираат вонбрачен секс и слично. Христијаните се молат на исток, додека Евреите према Ерусалим. И муслиманите прво биле насочени кон Ерусалим, се дур Мухамед не добива директива од Господ преку ангел Гаврил (на арапски Џибрил) дека треба да се насочат кон кабата во Мека, која по нивно верување е изградена од Аврам/Абрахам (на арапски Ибрахим), кои и тие го сметаат за прататко како и Евреите. Разликата е што оние се сметат за лоза на првородениот син на Аврам-Исмаил, кој Аврам го имал со слугинката а со одобрение на Господ, затоа што жена му Сара била неротка. Кога станале старци Господ се премислил и решил дека ќе им даде дете и кога им го најавал на двајцава Сара се изнасмеала мислејќи дека Господ ја трола дека ќе остане трудна на 90 години и искоментирала-Бог ми донесе смеа, на што Бог возрватил-Не, тој ќе ви донесе смеа, мислејќи на детето што ќе го имаат. Им се раѓа син што ќе го крстат Исак што на еврејски преведено би било Смешко, по повод дијалогот дека ќе бидат насмеани. Евреите сметаат дека се од лозата на Исак, а Арапите од лозата на Исмаил, затоа се и во сукоб мислејќи секој за себе дека е од Бога избраниот народ. А од таму и таа муслиманска и арапска омраза према нив.
Иначе Аврам е закопан во Хеброн, моментално под владение на Палестина, во оној дел наречен Западен Брег. Местото каде што е закопан е поделен на пола, пола е џамија а пола е синагога, единствено такво здание во светот, а во центарот е гробот на Аврам, и двете страни имаат пристап по пола од гробот фасцинантно изгледа вака на слики и видеа. Затоа на Евреите им е битен Хеброн и затоа моментално се таму фокусирани на носење Евреи доселеници.
Втор ваков камен на сопнување им е Ѕидот на Плачот во Ерусалим. Таму се наоѓа Ал Акша џамија, трета најсвета џамија во исламот по тие во Мека и Медина, што по муслиманско верување е местото од каде што Мухамед се дигнал во рајот откога претходно со летечко магаре прелетал од Мека во Ерусалим а после посетата на рајот и назад во Мека во една ноќ. До Ал Акша е Куполата на Каменот, каде што се смета дека е првиот камен од кој Господ решава да ја создаде земјата. А и двата објекти се изградени врз разурнатиот храм на Соломон од каде што е останат само Западниот Ѕид, на Балканот познат и како Ѕидот на Плачот. Ал Акша и куполата се под исламска контрола и забрането е за евреи, а ѕидот под еврејска. Во 67-ма за време на т.н. шестдневната војна евреите за кратко го закачуваат знамето на Израел на куполата и одма го тргаат од страв дека ќе предизвикаат многу лоши последици со таа провокација.
