Голем оптимист би бил за Хрватска во евентуален дуел Хрватска - Шпанија. На Шпанците ептен не им лежи Хрватска, можеби единствена репрезентација со која секогаш имаат огромни проблеми.
Хмм 3-4 пати по ред да се добие оваа незгодна Шпанија? Не би се кладел толку на тоа. Германија е должник од минатиот пат и последните 2 пријателски што ги тепаа со по 1 разлика. Ќе видиме, ќе биде кланица со кого и да се сретнат.
Инаку малку повеќе околу Хрватска.
Backstory за тоа како се составуваат екипите прво. Во Хрватска ракометот си има еден свој Мамиќ, а тоа е Гобац директорот на ППД Загреб. Тој ја користи репрезентацијата како алатка да донесе играчи во тимот. Логиката е ако дојдеш да играш за Загреб барем еднаш-два пати ќе бидеш и репрезентативец на големи натпреварувања. Тоа значи дека Загреб може да понуди помал договор ( и понередовни исплаќања на истиот) и разликата да биде компензирана со настап за репрезентација. Тој настап со себе повлекува хонорари од ракометниот сојуз за месец дена поминати со репрезентацијата и покасно пензија како заслужен спортист. После пензионирање исто така значи и мање-више сигурно работно место во Загреб или во сојузот. Ако го одбиеш Гобац и Загреб вратата од тимот ти е целосно затворена освен ако не станеш баш некоја светска класа што не може да се игнорира.
Од 16 играчи што се на списокот секогаш барем 2-4 играчи се таму поради Загреб, а на пошиорикиот многу повеќе. Обично тоа функционира солидно, имаш 11-12 играчи од голем калибар што ќе играат и носиш 3-4 загребаши да пополнат кадар. Проблем има како на ова и претходното првенство кога Загреб е полн со стварно неквалитетни играчи и кога имаш доста повреди. Најдобар пример е невикањето ниту на списокот од 28 играчи на Шиме Ивиќ. Ивиќ е моментално играч на Ерланген во Бундеслигата и има солидна сезона позади себе. Претходно има играно во Плок и Мешков доста успешно во ЛШ. Шиме своедобно го одбива Загреб и него како и на Слишковиќ и Јагањац лани им е затворена вратата од репрезентацијата. Лани беше повикан Бичаниќ,а годинава Шебетиќ кој што се повреди. Поради повреда на Мартиновиќ тимот е оставен само на 1 десен бек.
Тоа ме води до следната точка,а тоа е огромните дупки на позициите десен бек, лево крило и голман. Голманот немаше да е проблем да беа повикани или Пешиќ или Шуњиќ (брани одлично во Франција мислам дека е голман со најголем процент на одбрани во лигата?) туку повикан е вториот голман на Загреб - Ашанин. Ај да се работи за некој светски талент, но станува збор за 26-27 годишен втор голман на најлошата екипа во ЛШ.
Има само 1 десен бек - Степанчиќ кој што во нападот е целосно еднодимензионален и ќе треба да игра по 60 минути цело првенство и напад и одбрана.
На лево крило пак исфрлен е единствениот играч од светска класа кој што не е среден бек поради несогласување со тренерот. На негово место игра 25 годишниот Равниќ кој што за Загреб во ЛШ има постигнато цели 6 гола!
Тренерот е следната слаба точка. Лино покрај сите негови заслуги го има поминато времето. Инат магарешки кој што не сака воопшто да се смени и кој што кога планот А не оди како треба целосно се погубува. Лино во последните 2 години има повеќе натпревари изгубено со неговите ротации од колку што ги има добиено. Ќе биде жално за гледање како ќе реагира кога ќе налета на појак противник.
Хрватска сеуште е доста силна репрезентација. Веројатно сеуште топ 6 екипа. Далеку најјака репрезентација на среден бек, Дувњак е правилно дозиран. Шего е солиден голман, Хорват е стар, но е квалитетно крило. Мандиќ не е Штрлек во нападот, но неговата игра во одбрана го прави тактички многу корисен играч. Ротацијата Мариќ-Муса-Шипиќ на пивот е топ 5. Сепак, покрај сите тие работи има огромни дупки оваа екипа и мислам дека полифиналето е реална опција чисто поради лесниот пат до таму. Уште поинтересно е што Србија е веќе испадната, па може Лино и да ги одмори уште повеќе носителите.