Еве у македонски спорт што пишува:
Нови бранувања за Горан Славковски, чудото од дете кое игра во првиот тим на Интер, а истите повторно доаѓаат од Хрватска. Во вчерашното издание на весникот "24 часа" стои дека Славен Билиќ, новиот селектор на "коцкастите", го посакува Славковски. Во целата таа сторија стои и изјава на Јозо Палац, менаџерот на фубалерот, кој вели дека Славковски е ставен на располагање. Тоа беше причина за наша експресна реакција и нова војна со сите оние кои сакаат да го украдат нашиот голем талент."Ништо не е точно тоа што го најавува таблоидот од Загреб. Јас им давам едни, а тие пишуваат други изјави. Тоа не ми е јасно. Нема врска дека сум дал изјава од типот дека Славковски сака да игра за Хрватска", се зборовите на Палац за "Македонски спорт". "Најавите дека Славковски ќе игра за Хрватска се глупости. И самите тие што пишуваат во тој весник знаат дека тоа не е изводливо. Се уште е акуелно тоа што беше договорено во Скопје", додава Палац, кој се уште тврди дека за многу брзо време Славковски би можел да го облече дресот на Македонија. Тој со зборовите: "Горан сега игра за сениорите на Интер и тоа значи дека е подготвен и за репрезентација", менаџерот како да сака да каже: ЗОШТО НЕ ГО ВИКНЕТЕ!? И кога сме кај ова прашање следи одгворот: КОЈ ДА ГО ВИКНЕ!? ФФМ, селекторот или новиот премиер, а можеби и претседател на државата. Барем досега од стручниот штаб на Катанец никој не појавил интерес за феноменот за кој други држави би влегле во "војна". Можеби Славковски не е толку добар да игра за Македонија!?
Само да потсетиме дека тој веќе има настап за првиот тим на Интер со кој е на подготовки, даде два гола на три тест средби и утре е во стартниот тим на тест дуелот со Тотенхем во Лондон. "Најважно е тоа што Славковски оди добро. Во денешно време лесно може да се проверат вестите од Интер и да се види што прави овој 17-годишен напаѓач", потврдува Палац, кој се надева дека во новата сезона Славковски за Интер ќе одигра околу 15 натпревари. И по едни вакви најави дека "детето" се уште е наше да се потсетиме што најавуваа вчера од Хрватска. Во сторијата пишува за желбата на Славен Билиќ, а повторните бранувања доаѓаат откако член на ХНС го следел дуелот Интер-Монако на кој Славковски одиграл одличен натпревар. По ова почнува новиот обид за "кражба" на Славковски, кој пред неколку месеци ни изјави дека ќе му биде чест да го облече дресот на Македонија и да игра заедно во тандем со Горан Пандев.
ФИФА е на наша страна!!!
Славковски НЕ МОЖЕ да игра за Хрватска. Така велат прописите и правилата на ФИФА. Во моментов фудбалерот може да бира само меѓу Македонија и Шведска, но од декември во игра ќе влета и светскиот првак Италија. За еден "странец" да биде натурализиран и да има право да игра за друга држава треба да се исполни главното правило на ФИФА, кое гласи:
*Фудбалерот има право за настап за друга држава само доколку веќе имал двегодишен престој во земјата која бара дозвола за негов настап.
Ова правило е на сила од пред две години кога ФИФА донесе нов закон по барањето на Катар за нивната селекција да игра Аилтон, но и други ѕвезди кои немаат настап за матичните репрезентации.
Славковски можеби не ни стапнал во Хрватска, но од Загреб се упорни и велат дека ќе бараат друг начин, а таков не постои.
По сето ова следи заклучокот:
1. Може да игра за Македонија затоа што неговата фамилија потекнува од тука, а тоа го најави и неговиот татко (мора согласност од родител затоа што станува збор за малолетен фудбалер).
2. Може да игра за Шведска затоа што таму е роден и има пасош од оваа земја.
3. Може да игра и за Италија откако во декемви ќе има двегодишен престој во оваа земја.