Не верувам дека Германија и компанија ќе си ги прежалат парите туку така и им одговарат држењето на комшииве во финансиско заложништво.Нивната економија нормално дека е поврзана со нашата (ни се свиѓало нас или не) ,ама грешките се напраени пред десетина години и константно оттогаш.Ние продававме капитални државни објекти со бенефиции ,а секоја здрава економија не би продавала над 49% од такви објекти.
Еве и нив пристаништето во Солун им е на продажба ,ама 51% акции се задржани за нивната влада.Значи:
Македонија треба да ја искористи шансата да учествува во приватизацијата на пристаништето во Солун, но притоа не смее да ја запостави стратегиската определба за изградба на алтернативниот транспортен коридор во правец исток- запад. Ова е општата оценка на деловната и стручната јавност во земјава на најавите дека грчката влада в година ќе понуди на продажба пакет со 24 отсто од капиталот на компанијата што оперира со Солунското пристаниште. Со тоа, приватниот капитал во пристаништето би се зголемил на 49 отсто, а мнозинскиот пакет би останал во сопственост на грчката држава.
Нашите соговорници посочуваат дека треба добро да се измери дали нашето стопанство ќе има доволно корист ако платиме околу 24 милиони евра, колку што според сегашните берзански цени вреди пакетот акции. Со тоа, ќе обезбедиме место во одборот на директори на компанијата што управува со пристаништето, но нашиот претставник не би имал големо влијание во одлучувањето. Нашето учество во раководството на пристаништето може да резултира со пониски цени за македонските компании, но од друга страна, факт е дека ако штрајкуваат грчките цариници, железничари или пристанишни работници, тогаш е џабе и да си газда на целото пристаниште.
СОС од Солун
Заменик-генералниот директор на пристаништето, Емануел Михалидис, неодамна ги повика македонските компании да учествуваат во приватизацијата.
- Сметајте го Солунското пристаниште како свое зашто е најдобро решение за компаниите од „вашата земја“ - изјави Михалидис за време на нашата посета на Солун.
Според него, за да се продлабочат врските и соработката, властите во Скопје и во Атина мора да седнат на заедничка маса и да ги решат проблемите со железницата и царината кои го отежнуваат бизнисот. Тој за в година најави нови инвестиции во вредност од 250 милиони евра и попусти за карго-транспортот за македонските фирми.
Во македонската Влада велат дека досега не е разгледувана можноста државата да влезе во процесот на приватизација на Солунското пристаниште или да застане зад конзорциум од наши фирми кои би го купиле пакетот акции.
Македонските фирми, посебно извозниците и увозниците на габаритен товар, отсекогаш се најдобрите муштерии на Солунското пристаниште, кое поради близината и изградената транспортна инфраструктура е најдобрата варијанта за пристап до светските пазари. Солунското пристаниште е главна морска врата низ која поминуваат челикот, фероникелот, пченицата, цементот или коксот, кои се увезуваат или извезуваат од Македонија. До пред грчката криза во 2008 година, дури 70 отсто од превезениот товар бил од или за Македонија, а лани бил 43 отсто.
