Читав одамна една книга - “Генерал Маркос“ од Душан Кљајиќ, во која е опишан патот на Маркос Вафијадес, и каде можеби е опишана генезата на денешниве случувања.
Маркос Вафијадес е генерал во ДАГ за време на граѓанската војна до 1948 година. Во тој период, комунистите ја освојуваат речиси цела Грција, и неизбежно било да стане социјалистичка република.Патем, да напоменам дека за време на комунистите, Македонците имале свои школи на мајчин јазик.
Арно ама, нели Грција е чедо(подобро опишано - копиле) на Англија, се случува средба во 1948 на високо ниво во Москва, меѓу Англија и Русија и се црта картата на влијание, однос Запад - Русија, и тоа : Грција - Запад 90%- Русија 10%, Бугарија - Запад 10%- Русија 90%, Романија - Запад 10%- Русија 90%, Унгарија - Запад 20%- Русија 80%, Југославија - Запад 50%- Русија 50%.
Англичаните се истоваруваат во Грција, Никос Захаријадис-ген.сек. на КПГ по директива на Сталин се повлекува , ја извлекува ДАГ во Русија , и ете ја пропаста на Егејска Македонија. А во грција постои мала партија - комунистичка на Алека Папарига, ама никако не им даваат да пркнат над договорениот процент.
Но, каде лежи зајакот? Југославија не ли беше арна и со Запад и со Русија, па живеевме супер. Ама се створи долг од многу милијарди долари кои не само што не ги враќавме , туку и се задолжувавме повеќе. Има една теорија на заговор, дека не можејќи да си го вратат долгот, западните финансиери подбуцнале распаѓање-уништување на Југославија, казнувајќи го народот. Но не само тоа, се претпоставува дека преку продажба на оружје , “хуманитарна помош“ и слични активности-црн пазар, испрани се пари кои го покрија долгот, и плус потоа со кредити повторно ги здолжија новите држави.
Ова е груба варијанта. Е сега нешто слично од поново време...
Грција, заради проблемот што си го има со нашето име, не наоѓајки разбирање од запад, се сврте кон Русија. Од тогаш го доби надимакот -тројански коњ на ЕУ.
Задолженоста е огромна, уште повеќе се задолжуваат, и покрај тоа не се послушни кон тие што им даваат пари. И, на некого му дошло преку глава од ваквото однесување, па решил малку да ги приземји, да сватат дека се никој и ништо ако ги остават сами на себе, контролирана деструкција, за да се свртат кон себе , а не да ја поткопуваат западната политика- за Балканот, Кипар, Турција, и.т.н.
Се гледа дека точно им ја знаат Ахиловата пета, и дека им покажуваат дека дека ако не се вразуми, црно ќе ја најде. Затоа и во западните медиуми многу не се испотресоа за случувањата- во нивни двор (ЕУ) се случува...а како за Африка да известуваат...
Можеби и ова е само некоја терија на заговор, ама некои работи веќе се видени....
