Во јули 1959 година, тогашната Источна Германија ја објави брошурата "Операција Тевтонски меч". Очигледната намера беше да се компромитира тогашниот генерал на НАТО за Европа - Ханс Шпајдел со потегнување на прашањето за атентатот пред 20-тина години. Во брошурата се дадени документи од Третиор Рајх за наводната улога на Шпајдел во атентатот на Кралот Александар Караѓорѓевиќ и Луи Барту.
Западот категорично ги отфрли обвинувањата.
Прашањето за историчарите е: дали докуменмтите во брошурата се автентични?
Од документите има писмо од Геринг до Шпајдел со барање за извршување на планот за атентат; одговор на Шпајдел дека го извшил планот, како и писмо од германскиот разузнувач во Франција Ханс Ерих Хаак до Шпајдел со податоците за францускиот врв.
Интересно...
Мислам дека сум ја прочитал оваа "врска" некаде и порано, само не ми текнува каде.
Ми се чини дека Источна Германија експресно произведе и филм според содржината на книгата со исто име "Операција Тевтонски Меч"
Би било добро да се пронајде книгата и да се видат "документите" и нивната веродостојност. Дали се факсимили, или само текст, итн.
Не знам дали е преведена и издадена на Англиски, оригиналниот наслов ми се чини е вака:
"Unternehmen Teutonenschwert, Die grosse Karriere eines kleinen Spions"
или на руски:
"Операција Тевтонскиј меч, большаја карьеры мелкого шпиона"
Како и да е, ми се чини дека некаква "врска" сепак постоела. Сега дали тоа било токму преку овој германски генерал или не и кои биле деталите не знам.
Дека атентатот е добро осмислен и спреман подолго време е повеќе од јасно.
Исто така е јасно дека идејата за него не е на ВМРО, а по се изгледа не е ни оригинално на хрватските усташи, туку е направен за нечии други потреби = Италијанско-Германски, а можеби и нечии други, и дека усташите и тогашното ВМРО беа само "оперативците на терен".
Исто така е повеќе од јасно и потврдено од повеќе места дека шоферот Владо требало само да се вмеша ако нешто загусти т.е. ако хрватските убијци не успеат, се спречени или убиени пред да го извршат делото, арно ама испаднало тие да се повлечат т.е. воопшто да не се ни обидат да го извршат атентатот по што на сцена настапува Владо.
"Германската Врска" може да оди и по линија на тоа што Ванче по наредба на неговите налогодавачи од бугарскиот двор и влада кога го распушти и разоружа ВМРО (делот што беше под негова контрола) пребега прво во Истамбул, Турција = местото што заедно со португалскиот Лисабон во Втората Светска Војна, заради неутралноста на Турција и Португалија беше едно од главните каде оперираа и се состануваа за секакви потреби скоро сите агенти и повисоки претставници на тајните служби на сите поголеми играчи во тоа време.
Во својата автобиографска книга Душко Попов (што се смета за човекот по чиј живот е создаден ликот на Џемс Бонд) го објаснува тоа од околу. Како на пример патешествијата на Вилхелм Канарис (главата на германскиот Абвер) во Истамбул, итн... Така да ништо не е исклучено.