- Член од
- 16 декември 2013
- Мислења
- 1.856
- Поени од реакции
- 1.203
Илјадници муслимани од Северен Ирак, коишто се соочиле со ѕверствата на ИДИЛ
ја преиспитуваат својата религиозна припадност
Сѐ поголем број на муслимани – Курди, кои претходно се соочиле со ѕверствата на ИДИЛ, се обраќаат кон Христа, соопштуваат мисионерите кои дејствуваат во Ирак.
„Луѓето сакаат да знаат за Христа, особено кога слушаат за чудата, исцеленијата, милосрдноста и љубовта“, раскажува раководителот на курдското регионално одделение од организацијата „Христијанска мисија за помош“ – зборови кои ги пренесува електронската верзија на весникот „Госпел хералд“.
Мисионерот признава дека неговата организација многу тешко се справува со напливот на бегалци, кои сакаат да знаат повеќе за Христијанството, особено после тоа што ИДИЛ го зафати поголемиот дел од регионот.
Според ОН, во северен Ирак каде што традиционално живеат Курдите, во моментов има околу 900 бегалци, а најмногу од нив доаѓаат од Сирија. Овие луѓе, во христијанските логори пред сѐ добиваат сместување, топла облека, греалки, храна, а дури потоа им се нуди Библијата.
Лидерот на христијанската организација истакна дека главната цел на неговата мисија е да им се понуди помош на оние коишто имаат потреба и на дело да им се покаже христијанската љубов.
Halloween забавите – враќање кон примитивниот паганизам?
Halloween прославата во централен Лондон се претвори во насилство кога полицијата се обиде да затвори нелегално организирана забава.
Беа уапсени голем број на учесници во забавата кои нападнаа на полицијата со шишиња, столови и молотови коктели. На интернет се појавија застрашувачки фотографии од пустошењето по лондонските улици, после таканаречената „Nightmare on Scum Street“ „ Halloween забава“, на која беше предвидено настап на бендови со електронска музика.
За време на слична Halloween забава во Симферопол, во ноќта помеѓу 30 и 31 октомври оваа година, во храмот посветен на чудотворната икона на Божјата Мајка „Державнаја“ беше извршен акт на вандализам.
Московските ноќни клубови, пак, и покрај случената трагедија со патничкиот авион и 224 - те жртви со руско потекло, заради што се прогласи и ден на жалост, не го откажаа празнувањето на Halloween. Од споменатите клубови дури изјавиле дека трагедијата нив ни најмалку не ги засега и тие ќе си одат според програмата. Во контекст на ова, Патријархот Московски и на цела Русија Кирил, во својата беседа на неделната богослужба изјави: „... Мене ме порази сознанието дека и ноќва во некои клубови и други места за забава бучно се славеше туѓиот и за нас малку познат ’празник‘, наречен Halloween. Да се помолиме за Господ да не ги казни оние што учествуваа во тоа, а исто така и да побараме љубовта и состраданието да се родат во срцата на нашите луѓе“.
Последните неколку години Halloween забавите се актуелни по скопските клубови. Од фотографиите што се вртат на интернет, станува јасно дека и скопските Halloween забави не отстапуваат многу од светските трендови.
Меѓутоа, имајќи го во предвид она што се случи годинава во Лондон, што треба да очекуваме кај нас во иднина? Зарем и нам ќе ни се случуваат дивеење и демолирање по улиците, напади врз полицијата, крајно дрско и нихилистичко однесување? Дали ова е тоа на што сакаме да ги научиме нашите деца? Сепак, „невините“ детски Halloween маски не се така наивни, и пораката што овој „празник“ ја пренесува не е ни најмалку позитивна, ниту е во духот на нашата славна традиција и менталитет. Зошто тогаш толку благонаклоно го усвојуваме ова деструктивно славење од паганистичкиот Запад? Наместо да се подготвуваме себеси и своето потомство за едно вистински достоинствено празнување во духот на својата автентична и морална христијанска традиција, ние многу лесно се поддаваме на овие туѓи по менталитет и разорни за душата западни пагански ритуали, што го промовираат сето она против кое нашите просветители толку силно се бореле низ историјата. Не е доцна и сега да кажеме „не“ на очигледната завера на Западот за враќање кон бесплодниот паганизам, кој на секаков начин се обидува да продре во нашето секојдневие, потиснувајќи го така она драгоцено духовно наследство, чии носители сме се удостоиле да бидеме, поради молитвите и подвигот на нашите славни предци.
http://www.bigorski.org.mk/index.php
ја преиспитуваат својата религиозна припадност
Сѐ поголем број на муслимани – Курди, кои претходно се соочиле со ѕверствата на ИДИЛ, се обраќаат кон Христа, соопштуваат мисионерите кои дејствуваат во Ирак.
„Луѓето сакаат да знаат за Христа, особено кога слушаат за чудата, исцеленијата, милосрдноста и љубовта“, раскажува раководителот на курдското регионално одделение од организацијата „Христијанска мисија за помош“ – зборови кои ги пренесува електронската верзија на весникот „Госпел хералд“.
Мисионерот признава дека неговата организација многу тешко се справува со напливот на бегалци, кои сакаат да знаат повеќе за Христијанството, особено после тоа што ИДИЛ го зафати поголемиот дел од регионот.
Според ОН, во северен Ирак каде што традиционално живеат Курдите, во моментов има околу 900 бегалци, а најмногу од нив доаѓаат од Сирија. Овие луѓе, во христијанските логори пред сѐ добиваат сместување, топла облека, греалки, храна, а дури потоа им се нуди Библијата.
Лидерот на христијанската организација истакна дека главната цел на неговата мисија е да им се понуди помош на оние коишто имаат потреба и на дело да им се покаже христијанската љубов.
Halloween забавите – враќање кон примитивниот паганизам?
Halloween прославата во централен Лондон се претвори во насилство кога полицијата се обиде да затвори нелегално организирана забава.
За време на слична Halloween забава во Симферопол, во ноќта помеѓу 30 и 31 октомври оваа година, во храмот посветен на чудотворната икона на Божјата Мајка „Державнаја“ беше извршен акт на вандализам.
Московските ноќни клубови, пак, и покрај случената трагедија со патничкиот авион и 224 - те жртви со руско потекло, заради што се прогласи и ден на жалост, не го откажаа празнувањето на Halloween. Од споменатите клубови дури изјавиле дека трагедијата нив ни најмалку не ги засега и тие ќе си одат според програмата. Во контекст на ова, Патријархот Московски и на цела Русија Кирил, во својата беседа на неделната богослужба изјави: „... Мене ме порази сознанието дека и ноќва во некои клубови и други места за забава бучно се славеше туѓиот и за нас малку познат ’празник‘, наречен Halloween. Да се помолиме за Господ да не ги казни оние што учествуваа во тоа, а исто така и да побараме љубовта и состраданието да се родат во срцата на нашите луѓе“.
Последните неколку години Halloween забавите се актуелни по скопските клубови. Од фотографиите што се вртат на интернет, станува јасно дека и скопските Halloween забави не отстапуваат многу од светските трендови.
Меѓутоа, имајќи го во предвид она што се случи годинава во Лондон, што треба да очекуваме кај нас во иднина? Зарем и нам ќе ни се случуваат дивеење и демолирање по улиците, напади врз полицијата, крајно дрско и нихилистичко однесување? Дали ова е тоа на што сакаме да ги научиме нашите деца? Сепак, „невините“ детски Halloween маски не се така наивни, и пораката што овој „празник“ ја пренесува не е ни најмалку позитивна, ниту е во духот на нашата славна традиција и менталитет. Зошто тогаш толку благонаклоно го усвојуваме ова деструктивно славење од паганистичкиот Запад? Наместо да се подготвуваме себеси и своето потомство за едно вистински достоинствено празнување во духот на својата автентична и морална христијанска традиција, ние многу лесно се поддаваме на овие туѓи по менталитет и разорни за душата западни пагански ритуали, што го промовираат сето она против кое нашите просветители толку силно се бореле низ историјата. Не е доцна и сега да кажеме „не“ на очигледната завера на Западот за враќање кон бесплодниот паганизам, кој на секаков начин се обидува да продре во нашето секојдневие, потиснувајќи го така она драгоцено духовно наследство, чии носители сме се удостоиле да бидеме, поради молитвите и подвигот на нашите славни предци.
http://www.bigorski.org.mk/index.php
