Верски вести II

[Björn]

Пакистан: Нападнато христијанското предградие на Карачи
Вторник, 04 Септември 2012



Во предградието Еса Негри, во периферијата на Карачи во Пакистан живеат околу 50 000 христијани кои постојано се малтретирани и искористувани од криминални банди и исламистички терористички групи.

Во престрелките за време на нападот на исламистичките екстремисти кој беше извршен на 29-ти август, во христијанското предградие Еса Нагри на периферијата на Карачи во Пакистан беше убиено младото момче со христијанска вероисповест, Фаисал Масих.
Ова беше потврдено од страна на Отец Марио Родригез, свештеник во Карачи и Директор на Здружението за понтификална мисија во Пакистан. Како што тој нагласил, во оваа густо населена област, живеат околу 50 000 христијани, во услови на голема сиромаштија и недостаток од основни услови.
Во предградието Еса Нагри има околу 15 цркви со различна вероисповест, како и невладини организации кои работат на проекти за образованието и општествената и економската поддршка во заедницата.
Невладината „Мисија и акција за општествени услуги“ која исто така работи во предградието, објави за последните напади против заедницата, која во поселдните месеци постојано трпи насилство и искористување.
По нападот што беше извршен на 29-ти август, толпа христијани излезе на мирен протест. Полицијата за да ги растури протестантите интервенираше и исфрли солзавец, а во немирите со посериозни повреди се здобија свештеникот Корнелиј и уште едне млад христијанин, Шахзад Риаз по што и двајцата завршија во болница.
Како што изјавија од споменатата невладина организација, полицијата наместо да ги уапси тие што го предизвикаа нападот, уапси мноштво христијански демонстранти. Тие велат дека во Еса Нагри христијаните се постојано вознемирувани од криминални банди и исламистички терористички групи од етничките Паштуни. Тие велат дека милитантите „вооружени до заби“ навлегле во областа за да го соберат „арачот“ (данок кој што според шеријатот немуслиманските малцинства треба да го плаќаат, во нивниот јазик „џизја“) и да изнудат пари од христијанските трговци.
Активистите на невладината организација повеќе пати објавуваа за тоа дека христијанското население постојано е ограбувано, малтретирано и искористувано, а сторителите се заштитени од полицијата.
Милитантите провалуваат во куќите, крадат и силуваат жени и деца за забава. Локалното население постојано е тероризирано, а жителите немоќни и без заштита од државата одлучија да формираат сопствена безбедносна милиција за да се одбранат.

 

[Björn]

Украдени вредни икони од црква во Дебар
Понеделник, 10 Септември 2012 18:32



Непознати сторители во текот на ноќта насилно влегле во црквата „Успение на Пресвета Богородица“ во Дебар од каде украдени се вредни икони, пари и други предмети.

-Од црквата укредени се најмалку десет вредни икони, плаштеница стара 200-300 години, над осум илјади денари пари, како и други предмети. Влезени се преку прозорец , откако ги искорнале железните шипки кои ги имавме поставено заради заштита, изјави Благоја Спироски, намесник на дебарската парохија.
За црквата која се наоѓа во стариот, горен дел на градот, се грижи Никола Андоновски, кој живее во нејзина близина. Кога дошол попладне да ја отвори ја забележал кражбата. Вчера попладне исто така бил во црквата, но се било на свое место.
За кражбата е известена дебарската полиција.
Црквата „Успение на Пресвета Богородица“ потекнува од единаесеттиот век.

 

[Muranyi]

Поради филм за Мухамед, убиен американски амбасадор
Филмот во кој се навредува пророкот Мухамед бил причина да се нападне конзулатот во Бенгази, при што со ракетни фрлачи биле убиени амбасадорот и уште тројца вработени во амбасадата во Либија
Амбасадорот на САД и уште тројца вработени во дипломатското претставништво во Либија се убиени во нападите во вторникот вечерта токму на годишнината од терористичките напади во Њујорк. Причина за нападите е филм од американска продукција, во кој се навредува пророкот Мухамед.

Претседателот Барак Обама вчера жестоко го осуди убиството на американскиот амбасадор во Либија и на уште тројца вработени во амбасадата, при што го нарече „срамен акт“ и нареди зголемена безбедност на американските дипломатски претставништва во светот.

- На мојата администрација ~ дадов инструкција да ги искористи сите расположливи средства за да ја зголеми безбедноста на нашите служебници во Либија и да ја зголеми безбедноста и во другите дипломатски претставништва во светот - се вели во соопштението на Обама по убиството на амбасадорот во напад со ракета врз неговото возило во близина на Бенгази.

Тешкиот инцидент се случил кога поголема група вооружени луѓе, најверојатно припадници на локалната милиција, ја нападнале зградата со гранати и со автоматско оружје, а потоа и ја запалиле. Обезбедувањето на објектот возвратило на огнот, но според изјавите на либиски претставници, напаѓачите биле помногубројни така што не успеала операцијата за евакуација на амбасадорот Џон Kристофер Стивенс. Американската државна секретарка Хилари Kлинтон го осуди нападот.

- Некои се обидуваат да го оправдаат овој ужасен акт со предизвикувачки материјал поставен на интернет. Но, нема оправдување за ваков напад - рече Kлинтон.

Филмот, кој ги предизвика протестите, е дело на 56-годишен американски државјанин со еврејско потекло, Сем Бациле. Во филмот пророкот Мухамед е претставен како неморална личност, која дозволува сексуална злоупотреба на деца. Антиисламистот Бациле во меѓувреме го напуштил својот дом и се крие на непозната локација. Во изјава за агенцијата „Асошиетед прес“ тој вели дека исламот е болест, а со неговиот филм сакал да испрати политички став.

На нападот во Либија му претходеа и протести во Египет од истата причина. Исламски демонстранти успеаја да влезат во американската амбасада во Kаиро каде што го симнаа и го запалија американското знаме, а на негово место поставија исламски симбол.

На ѕидот на амбасадата со спреј била испишана паролата: „Ако вашата слобода на говорот нема граници, тогаш прифатете ја нашата слобода на дејство“.

Голем број демонстранти и во текот на ноќта останале пред ѕидовите на амбасадата, но обезбедувањето на објектот во меѓувреме е драстично зголемено.

Инцидентите станаа тема и во американската предизборна кампања откако кандидатот на републиканците Мит Ромни го нападна претседателот Барак Обама дека наместо да го осуди инцидентот и да ги гони сторителите, тој изразил симпатии со напаѓачите. Од Белата куќа изразија шокираност поради тоа што Ромни се одлучил да ја злоупотреби трагедијата за политички напади, јави „Дојче веле“.

Либискиот лидер Мохамед Магариеф вчера им се извини на САД за нападот на конзулатот во Бенгази.

- Им се извинуваме на САД, на луѓето и на целиот свет за тоа што се случи -изјави претседателот на Националното собрание на прес-конференција.

Претходно висок либиски владин претставник ги обвини поддржувачите на починатиот лидер Моамер Гадафи дека го извршиле нападот. Заменик-министерот за внатрешни работи на прес-конференција изјави дека напаѓачите користеле ракетни фрлачи.

- Такви гранати користат остатоците на режимот на Гадафи - изјави тој.

Професор по арапска култура за „Раша тудеј“ изјави дека до вчера никој не знаел за филмот, но сега може да се очекува бран бурни реакции во арапскиот свет, при што истакна дека има многу исламистички екстремни организации кои може да предизвикаат сериозни инциденти.

 

[Wandering Star]

Офтопик:
А знае некој како е насловот на филмот?

 

[el_kewser]

priatele, beric dondarrion, koga veke tolku si lubitel, da postiras verski vesti , bi trebalo i ova verska vest da ja soopstis, , zarem nee taka, ili ne ti se dopaga toa da go soopstuvas, ili mozebi te interesira samo verski vesti od hristijanski aspekt,, ok imas pravo prodolzisi,
Џамија во Лимож оскрнавена со измет
Париз, 13 септември 2012 (МИА) - Непознати сторители ноќеска ја осквернавиле џамијата во францускиот град Лимож, пренесоа агенциите.

Вратите и надворешните ѕидови на џамијата во овој град во централна Франција, биле извалкани со измет.

Џамијата беше цел на вандалски напад и во јули, кога на нејзините врати беа исцртани нацистички симболи.

Во август, пак, две свински глави беа закачени на два столба пред друга џамија во градот Монтобан, во југозападна Франција.

Во соопштението на француското Министерство за внатрешни работи се посочува дека нападите врз религијата се напади врз Француската Република и се наведува дека полицијата ги бара извршителите на новиот вандалски напад.
--- надополнето: 13 септември 2012 во 22:49 ---

Украдени вредни икони од црква во Дебар
Понеделник, 10 Септември 2012 18:32



Непознати сторители во текот на ноќта насилно влегле во црквата „Успение на Пресвета Богородица“ во Дебар од каде украдени се вредни икони, пари и други предмети.

-Од црквата укредени се најмалку десет вредни икони, плаштеница стара 200-300 години, над осум илјади денари пари, како и други предмети. Влезени се преку прозорец , откако ги искорнале железните шипки кои ги имавме поставено заради заштита, изјави Благоја Спироски, намесник на дебарската парохија.
За црквата која се наоѓа во стариот, горен дел на градот, се грижи Никола Андоновски, кој живее во нејзина близина. Кога дошол попладне да ја отвори ја забележал кражбата. Вчера попладне исто така бил во црквата, но се било на свое место.
За кражбата е известена дебарската полиција.
Црквата „Успение на Пресвета Богородица“ потекнува од единаесеттиот век.

zalno navistina zosto go pravat toa , do koga ova ke trae, ne mie jasno, kradci ima i ke ima , aramiite ne biraat dali e crkva ili dzamija, niv gi interesira sto da ukradat, no ti izgleda samo koga se kradat crkvi ti odma izleguvas na verski vesti vo forumof i ja soopstuvas, eve ke te potsetam deka i dzamija e ukradena , i sto mislis koj e storitelot?
Ограбена џамија во гостиварско




Дванаесет илјади денари се украдени од „Јени Џамија“ во гостиварското село Врапчиште во текот на изминатава ноќ, поточно во период од 20:30-1:30, соопшти денес полицијата.

​

Крадците влегле низ незаклучената врата влегле во објектот, се упатиле на првиот кат каде што со употреба на погоден алат делувале на ментежето каде бил поставен катинар на вратата од работната просторија на џамијата.
Потоа вратата ја провалиле, влегле внатре и од два паричници ги одзеле парите, собирани од верниците. Со употреба на погоден алат, потоа се обиделе да го провалат металниот се, но не успеале и го напуштиле лице местото.
ПС-Гостивар презема мерки за пронаоѓање на сторителите.







samo da te potsetam,







Ограбена тетовската „Ринис“ џамија

Тетово, 5. мај 2012 (ИНПРЕС)

извор: Мвр фото: архива
Непознат сторител синоќа извршил тешка кражба во тетовската џамија „Ринис“ од каде одзел околу 70.000 денари.

Од страна на Полициската станица од Тетово се превземаат мерки за пронаоѓање на сторителот.

 

[el_kewser]

Украдени 20.000 евра од ресенска џамија

Текст: Макфакс
Црна Хроника | 16 септември 2012

​

Вкупно 20.000 евра во различни валути се украдени од џамијата Хаџи Мурат во Ресен , информираат од полицијата.
Кражбата се случила меѓу петокот и саботата, кога непознат сторител насилно влегол во верскиот објект, лоциран на улицата „Јосиф Јосифовски", го отворил сефот, ги одзел парите, по што побегнал.
Увид на местото на инцидентот изврши екипа на
ресенската полиција и во тек се мерки на откривање на сторителот.
--- надополнето: 16 септември 2012 во 15:08 ---

Дали за сквернавење црква се добиваат 72 девици или само за масовни убиства?

Скршени прозорци на црквата „Свети Никола“ во тетовското село Долна Лешница

04.09.2012 - 17:06 |

• Македонија

Три скршени прозорци на црквата „Свети Никола“ во тетовското село Долна Лешница биле пријавени од член на Црковниот одбор во Полициското одделение во Групчин, информира портпаролот на СВР Тетово, Марјан Јосифовски.

Случајот бил пријавен денеска претпладне по што полициски службеници излегле на увид на самото место. При тоа било утврдено дека засега непознати сторители со тврд предмет искршиле три прозорци, два поголеми и еден помал, причинувајќи материјална штета од околу 12 илјади денари.
- Местото и оштетените прозорци се фотодокументирани и земени се траги за вештачење. Се работи на откривање на сторителите, изјави Јосифовски.

koj se storiteluite? zosto mislis deka se pripadnici na islamot, koga ne se znaaat koi se storitelite,

 

[Björn]

a toa sto se slucuva vrs dzamiite , kako go opisuvas, eve zemi primer najnovata vest, ukradenata dzamija vo resen , tamu zivee dominantno hristijansko naselenie ,znaci li deka treba da gi obvinime hristijanite, koj i da bil dali musliman ili hristijnin nisto nee poveke od aramija, istoto i so crkvite kaj sto se ukradeni ikoni i drugi raboti , bilo da e musliman ili hristijanin , toj ke si bidi aramija, no pogresno e da se obvinuvaat drugite za storenoto delo, kako sto sakas ti toa da go prikazis,dali se razbirame priatele,

Едно е да влезе некој и да опљачка црква, а нешто сосема друго е да ја запали или да шкрта внатре "смрт за каури" или пак да ги собира крстовите од гробишта и да ги фрли во црквениот двор. Тоа го правеа Муслиманите во Лабуништа кои додека гореше црквата се обидоа да ги спречат пожарникарите да гасат и викаа "Смрт за Каури" додека овие гасеа.

Ај вака, јас ќе ги постувам сите случаи на сквернавени и опљачкани цркви во муслимански средини од оваа година, а ти истото на џамиите во каурски средини..
Све тоа со линкови од дневни медиуми.


Што мислиш колку ќе биде соодносот?

 

[Muranyi]

Г.г. Стефан: Науката и религијата не можат едно без друго

 

[Gurdjieff]

Датум: 16.09.2012, 18:34
БЛАГОСЛОВЕНА НОВАТА УЧЕБНА ГОДИНА
Г.г. Стефан ги искара атеистите

Секуларноста не значи и безбожност и до кога атеистите ќе сметаат дека имаат поголемо право од оние што се декларираат за поинакви од нив - праша поглаварот на МПЦ-ОА
Сите што се против денешната молитва го оспоруваат делото на нашите просветители светите Kирил и Методиј, првиот наш универзитет кој беше место за молитва, првата книга на македонски јазик која беше молитва, изјави вчера поглаварот на МПЦ-ОА архиепископот г.г. Стефан во обраќањето на молебенот по повод новата учебна година.

Во присуство на ректорот на Универзитетот „Свети Kирил и Методиј“ Велимир Стојковски и повеќе декани на факултети, тој упати порака до дел од интелектуалците кои во изминативе денови го критикуваа одржувањето на молебенот сметајќи го за упад на верата во образованието.

- До кога со секуларноста на нашата држава ќе се оспорува и тоа што не е за оспорување. Kонечно треба да разбереме дека секуларноста не значи и безбожност. До кога атеистите ќе сметаат дека имаат поголемо право од оние што се декларираат за поинакви од нив. Затоа што според сите анкети религиозните се помногубројни од нерелигиозните во РМ. Тогаш, во име на која наука, во име на која слобода на медиумите се прави таквиот напад. Секаде и секогаш треба да ги избираме зборовите што ги говориме и ги пишуваме и воопшто да внимаваме како се однесуваме кон своите и кон определбите на другите, и кон своите истомисленици и кон оние кои мислат поинаку. Особено треба да внимаваат оние чиј збор, место и функцијата имаат значење во една заедница, меѓу универзитетот и општеството - нагласи тој.

Тој додаде дека ниту религијата треба да се плаши од научните вистини, ниту науката треба да заборави дека поголемиот дел од научниците биле религиозни - Њутн, Ајнштајн, Тесла... Тие за с` што постигнале му благодариле на Бога.

- Христа го оспорувале и оние што гледале како Бог ги лекува мртвите и болните. Не треба да н` зачудуваат изјавите за неговото негирање и изјавите за противење. За чудење е ако нивното неверување не им пречи на тие што веруваат. Зошто нечие верување или молитва им пречи на тие што не веруваат. И треба да разберат, МПЦ никогаш немала активности на штета на својот народ. Времето и историјата се најдобар судија за тоа кој повеќе придонел за науката, културата и образованието и кој оставил потрајни вредности - тие што знаеле за Бога или тли што не знаеле - нагласи архиепископот.

Од друга страна, универзитетска професорка Билјана Ванковска која јавно реагираше против присуството на универзитетските професори на молебенот, вели дека е „позагрижена за тоа што ректорот ~ се заканува со дисциплинска постапка отколку што г.г. Стефан фрла анатеми за тие што не се согласуваат со бизарниот почеток на академската година“.

- Ако пораката ми е упатена мене, ќе кажам дека е на погрешна адреса - тој нека си го гледа своето стадо, а јас моите студенти. Мојот приговор не беше во контекст на македонштината, која е многу поширока категорија од тоа како ја сфаќа МПЦ, туку на нечувствителноста дека е Македонија мултиконфесионално општество, а поредокот ни е демократски и секуларен, без оглед дали тоа му се допаѓа на г.г. Стефан или не. Оваа порака од молебенот ги потврдува моите ставови: ова не беше добредојде ниту за студентите од други вероисповеди ниту за тие што не веруваат, а се злоупотреби за пресметка и обвиненија кои се во најмала рака смешни. Жално е што г.г. Стефан се вознемири од само еден критички јавно кажан став, а уште пожално што моите колеги одбраа да молчат - рече Ванковска.

Во утринската литургија митрополитот Агатангел, пак, порача дека црквата доживува најново искушение од страна на некои луѓе кои сакаат да го свртат вниманието кон нив оти се незадоволни од тоа што се случува во општеството.

- Ние треба да ги тргнеме железните завеси што н` држат во темнината за да почувствуваме колку е милостив и колку н` сака Господ. Црквата постојано се моли за своите непријатели. Преку почитување и исполнување на Божјите заповеди и начела ќе ја прочистиме нашата душа која на тој начин ќе стане бесмртна - порача тој.
Ректорот се крстеше, декан донесе шише со зејтин
На утринската литургија во црквата „Свети Јован Kрстител“ со ректорот Велимир Стојковски се појавија само неколку декани на факултети и околу триесетина студенти. Најмногу отсуствуваа универзитетските професори и од нив имаше само неколкумина иако поканата на ректорот беше испратена и до нив.

За време на литургијата ректорот неколку пати се прекрсти, а останатите декани поретко или воопшто не го правеа тоа. Деканот на Машинскиот факултет Атанас Kочов со себе донесе и шише зејтин и го остави во црквата. Kако што ни рече, тоа било во спомен на неговата неодамна почината мајка. Останатите декани дојдоа околу 11 часот кога беше закажан молебенот во просториите на Богословскиот факултет. На излегување од зградата деканите ги пречекаа неколку студенти од организацијата „Слободен индекс“ со транспаренти против овој чин.
Бранко ЃорЃевски
#​

 

[Björn]

Бугарија: Судење на 13 оџи и муфтии за исламски радикализам​

Среда, 19 Септември 2012 11:48​

Бугарија поднесе обвинение против 13 муфтии и оџи за ширење на радикален ислам, особено помеѓу локалните Турци, Роми и Помаци кои го зборуваат бугарскиот јазик. Полицијата на 124 страници тврди дека исламските свештеници меѓу 2008 и октомври 2010 повикувале на насилство во проповедите во џамиите, предавањата и помалите средби. Во Бугарија последниве 10 години се изградени 150 нови џамии, со финанскиска поддршка од Саудиска Арабија, Турција, Катар и други блискоисточни земји.

Тринаесет муслимански религиозни лица се појавија на суд вчера за да им се суди по обвиненија за проповедање радикален ислам.
Дванаесетте жени и еден маж, имами, муфтии и исламски учители се обвинети за основање локална гранка на екстремистичката муслиманска група Ал Вакаф-Ал Ислами, кон јужните делови на Смолијан, Благоевград и Пазарџик.
За оваа организација со седиште во Холандија постојат сомнежи дека е поврзана со Ал-Каеда.
Обвинителите велат дека тринаесетте Бугари проповедале радикален ислам врз основа на салафистичките учења за време на молитвите во џамиите, на предавањата и средби по кафулиња во периодот од март 2008 и октомври 2010 година.
Наводниот водич на групата, Мохамер Камбер, вели дека не е опасен радикалец и дека е против насилството. Бранителите велат дека не се виновни за делата.
Обвиненијата против нив се поради „ширење антидемократска идеологија со пропагирање на салафистичките проповеди коишто бараат да наметнат калифатска држава“. Бранителите мирно седеле на судењето, а многумина од нив имале долги бради, биле облечени во модерна облека, костими и вратоврски. Судењето ќе опфати 40 сведоци и експерти кои ќе сведочат на сослушувањата коишто ќе почнат од 28 септември. Пресудата се очекува да биде донесена по еден месец.
Случајов привлече протестанти од страна на Врховниот муслимански совет на Бугарија, најголемото муслиманско религиозно тело во Бугарија, коишто предупредуваат да се засили религиозната толеранција во Бугарија“. Муслиманските истражувачи и борци за човекови права се грижат дека судењето ќе ги засили тензиите помеѓу религиозните и етничките групи во Бугарија.
Во Бугарија има најголем процент на муслиманско население од сите земји во Европската Унија, дури 13%.
Красимир Канев, водич на бугарската гранка на Групата за човекови права од Хелсиншкиот комитет, случајот го нарече „апсурден“.
-Нема никаков доказ дека обвинетите проповедале антидемократска идеологија или, пак, дека поттикнувале насилство, вели Канев.

 

[Björn]

„Алах да ги уништи одвратните христијани и расипаните Евреи“​

Четврток, 20 Септември 2012 14:36​

Видето јасно покажува каква омраза шири оџата во џамијата во Либија кон христијаните и Евреите. Раширеноста на насилствата овие денови докажува дека не се работи за изолирани случаи на исламистички екстремизам, туку за раширена појава, милиони следбеници и радикализам во голем број на земји од Европа, преку Блискиот Исток до Автралија.

„Да им ја нападнеме економијата“. Ова е отворена омраза против Евреите и христијаните. Но никој не го забележува тоа, ниту, пак, постојат ограничувања за говорите што шират омраза од страна на имамите во џамиите. Но проблемот не е овој имам, туку филмовите за Мохамед и цртаните со коишто се исмејува.
Еден проповедник од Бенгази повикува на „детонирање на омразата“ и „прободување во главната артерија“.
Во продолжение следуваат извадоци од петочната служба во Бенгази, Либија, којашто се емитуваше на телевизијата Ал-Хура на 14 септември 2012 година.
Проповедникот: Исламска нацијо, толку бев преплавен со жалост што не можам да опишам со зборови. Како можев да ја замислам трагедијата што се случи? Бевме тивки кога ни ги колеа постарите. Бевме тивки кога ни ги касапеа децата. Бевме врзани кога ни ги обесчестуваа жените. Фалеше уште само да се потсмеваат со нашиот пророк. Не, илјадапати не.
О, исламска нацијо. Кој ќе му помогне на гласникот на Алах? Кој ќе му помогне на Мухамед, којшто жртвуваше се што имаше за да ни ја даде религијата?
О, како страдаше за нас! Колкупати го плукале поради наше добро! О, колкупати бил протеруван од неговата земја поради нас! Сепак, како може да не ги бојкотираме оние што го напаѓаат нашиот сакан пророк?
Навистина, муслимани, дојде време да заземеме цврст став и да ја ослободиме омразата спрема нив преку дела што нема да може да ги игнорираат. Да ги прободеме во главната артерија, во тајната што ја движи нивната моќ. Да ги погодиме во економијата. Пророкот Мухамед рече: „Со џихад борете се против политеистите, користете се со својата бес, со голи раце и со јазик“.
О, Алах, уништи ги одвратните христијани. О, Алах, уништи ги одвратните христијани и корумпираните евреи. О, Алах, уништи ги затоа што не можат да се мерат со тебе.

 

[Muranyi]

....

Алаху Екбер

 

[Björn]

Почна убивањето: Егзекутирани 3 момчиња христијани во Пакистан​

Среда, 19 Септември 2012 09:18​

Убиени се момчињата христијани Фаисал Мугхал (22), Насир Масих (24) и Рафи Масих (25), а во нападите е ранет 30-годишен христијански свештеник. Во Пакистан живеат околу околу 3 милиони христијани, односно 1,6 проценти од вкупно 180 милиони жители. Улиците во христијанските населби се празни затоа што христијаните се плашат од напади.

На 17 септември во Пакистан се погребаа двајца млади христијани коишто беа убиени од исламистички милитанти претходниот викенд, откако еден пастор беше убиен како последица на антихристијанското насилство во оваа муслиманска нација, пренесува претставникот на Одделот за човекови права за bosnewslife.com.
Насир Масих, 24, и Рафи Масих, 25, починаа во саботата, на 15 септември во Карачи, вели Фарук Саиф, водич на групата World Vision in Progress.
Тој вели дека четворица или петмина стрелци влегле во нивниот дом во населбата Еса Нагри, каде што ги убиле од непосредна близина.
Други четворица луѓе биле сериозни повредени од истрелите, „но благодарение на Господ, сега се во ред“, вели Саиф.
Групата на Саиф го истражува случајот, па велат дека тоа е дел од смртоносната кампања што има за цел да ги исели жителите од тој крај.
Убиен е пастор
На почетокот на претходната недела, „еден млад христијанин беше убиен, а еден пастор беше сериозно повреден“, откако милитантите отворија оган пред една музичка продавница во областа“.
Младиот христијанин е идентификуван како Фасијал Мугал, 22, а пасторот е 30-годишниот Корнелиус од евангелиската црква.
Двајца радикални милитанти од радикалната партија национална партија Авани беа уапсени поради нападот од 28 август .
Од партијата се уште нема коментари.



Полицијата се колеба
Во понеделникот, на 17 септември, не беше сосема јасно која група е зад насилствата коишто ги убија двајцата христијани. „Полицијата не соработува во истрагата. Овојпат не не слушаат“, се пожали Саиф.
Саиф рече дека убиствата иако изгледаат неповрзани, вели дека христијаните од Пакистан се загрижени дека контроверзијата околу антиисламскиот филм, којшто делумно беше поставен на Ју-тјуб, ќе доведат до поголемо насилство против нив.
Во понеделникот, 17 септември, забранет е пристап до местото на настанот, вели Саиф.
Во еден одделен настан, во главниот град Исламабад, стотици христијански семејства беа присилени да избегаат од областа затоа што минатата недела беа цел на муслимански насилници поради затворањето на девојчето од христијанска вера со пречки во развојот, вели Саиф.
Претседателот на САД, Барак Обама, нареди зголемување на безбедносните сили околу амбасадите на САД поради смртоносното насилство, кога беа убиени американскиот амбасадор во Либија и тројца други дипломати.
Христијаните се помалку од 5% од 180 милиони луѓе во Пакистан, од кои најголемиот дел се муслимани, според официјални статистики.

 

[IgorChete]

Ни шеријатот не е веќе тоа што беше!

http://www.vecernji.hr/vijesti/iran-djevojke-pretukle-vjerskog-vodu-jer-im-je-rekao-da-se-pokriju-clanak-455135

 

[Björn]

ОН: Во Иран затворени 300 луѓе само поради христијанството
Петок, 21 Септември 2012 15:02

Известувачите на ОН од 2010 година евидентирале повеќе од 300 апсења и затворски казни за луѓе кои преминале, го напуштиле исламот и станале христијани во Иран. Повеќе христијански свештеници и стотици верници се затворени врз основа на законот за „богохулство“ кој вели дека за напуштање на исламот следува смртна казна. Се поголем број на млади стануваат христијани и покрај прогонот од страна на исламистичката верска полиција.

Повеќе од 300 христијани се уапсени од средината на 2010 година во Иран, каде што црквите работат во страв, а муслиманите коишто се преобратуваат во христијанство се соочуваат со прогонство.
Ослободувањето на Јусуф Надаркани што се случи на почетокот на месецов, христијанскиот пастор којшто помина три години во затвор пред да му ја укинат смртната казна, беше пречекано со задоволство, но и длабока загриженост за тие што се уште се затворени.

Вахид Зарди
Истражителите во заедничка изјава ги повикаа властите во исламистичката република да ја „олеснат моменталната клима полна со страв во кој работат црквите, особено протестантско-евангелистичките верски објекти“.
Ахмед Шахид, работникот за човекови права во Иран, процени дека врз основа на неговите интервјуа и извештаи од активистичката група, „над 300 христијани се уапсени низ цела земја од јуни 2010 година“.
Од нив, 41 човек се осудени на казна од еден месец до повеќе од една година, честопати и без официјални обвиненија, вели Шахид, поранешен министер на Малдивите, којшто нема дозвола да влезе во Иран и покрај постојаното аплицирање за влез.
-Христијаните се во затвор затоа што си ја практикувале својата религија, вели тој, додавајќи дека според Уставот на Иран и меѓународниот договор ратификуван од иранската полиција, секој има право да ја практикува својата вера.

Мердад Сајади и Фороу Даштијани
-Црквите поднесуваат извештаи дека се под притисок и дека верниците честопати се присилувани да си ја сменат верата, вели тој.
Надаркани, роден во муслиманско семејство, се преобрати во христијанство на 19-годишна возраст и се приклучи кон протестантската црква во северниот град Рашт.
Тој беше осуден во октомври 2009 година, поради обвиненија за напуштање на верата и беше прогласен за виновен. Беше осуден на смрт поради истите обвиненија во септември 2012 година, по судењето за кое Шахид вели дека не биле почитувани сите правила.
Овој месец властите му ја намалија казната поради „евангелизирање на муслимани“ на три години, коишто тој веќе ги имаше отслужено.
Според Обединетите нации, обвиненијата не биле кривички дела според законот во Иран.
-Останува прашањето зошто тој помина три години во затвор затоа што си ја практикувал својата религија, право што е загарантирано според Уставот на Иран и Интернационалниот договор за цивилни и политички права, вели Шахид.

Фаршид Фати
Судскиот гласноговорник Голам-Хусеин Мошени-Еџеи, цитиран од Студентската новинска агенција на Иран, за Надаркани рече: „Неговото ослободување не е поради притисок на странските медиуми. Моментално тој е слободен, а немам понатамошни информации“.
Портпаролот на Министерството за надворешни работи на Иран, Рамин Мехманпарашат, цитиран од полуофицијалната новинска агенција Фарс, во вторникот рече: „Апсењето на луѓето е правна работа. Ако човеков е ослободен, тоа значи дека правните работи дозволиле да биде ослободен“.
Хајнер Билефелд, специјалниот посредувач за слобода на религијата на ОН, рече дека правото на христијаните за практикување на религијата е заштитено според иранскиот закон и мора да се гарантира и во пракса.
-Правото на преобратување во овој контекст е дел од слобода во изборот на религија и вера, рече тој.
Тој повика за заштита на останатите религиозни малцинства како бахите, јарсаните, дервишите и други вери или религии коишто не се признаени според Уставот на Иран.