АГЕНЦИЈА ЗА МЛАДИ И СПОРТ - ВАТЕРПОЛИСТИТЕ БЕА ПРИМЕНИ ВО АМС
Подготовки со финансиска помош од АМС
Успешно минатите квалификации во Данска и пласманот на нашата ватерполо селекција на "Б" ЕП закажан за 8 јули во Манчестер во спортската јавност беше примено со воодушевување. Кон честитките се приклучи и Агенцијата за млади и спорт, како највисока државна институција од областа на спортот во Македонија, која вчера организираше средба во таа насока, по што следеше соопштение за јавноста.
"Агенцијата за млади и спорт, а сигурно и сите вљубеници во спортот од Македонија, е задоволна од продолжувањето на успешните резултати на екипните спортови во Македонија, во новата година.
По тој повод сака да го поздрави, но и поддржи најновиот голем успех на македонската сениорска ватерполо репрезентација, која во Данска ги мина квалификациите за пласман во завршницата на "Б" европското првенство во Манчестер, на 8 јули.
Имено, денеска, во просториите на Агенцијата беше примена репрезентацијата и покрај честитките за несомнено еден од најголемите успеси во ватерполото во Македонија, беше ветена и финансиска помош во однос на подготовките и реализацијата на настапот на "Б" европското првенство во Манчестер. Потенцирана беше и храбрата игра на нашите репрезентативци кои посебно со победата во последниот меч кога покрај домаќинот Данска како противници ги имале и судиите, го покажаа новиот менталитет на спортистите од Македонија, кои од сега натаму веќе нема да се надеваат на нерешени резултати и тесни порази туку решително и ценејќи си го својот квалитет пред с$ ќе атакуваат секогаш на победа, без посебен респект кон ниеден противник.
Агенцијата со овој потег продолжува да го поддржува развојот на сите спортови во Македонија не фаворизирајќи ниеден посебно, а особено се радува на меѓународните успеси кои покрај подобрување на спортскиот рејтинг на спортовите и Македонија воопшто, вршат и несомнена афирмација на државата, која с$ повеќе наидува на респект од другите земји од светот", се вели во известувањето од АМС.
