ВОДИЧ НИЗ ГАЛАКСИЈАТА - ФИЛМСКИ КАТАЛОГ ЗА СОВРЕМЕНИ ТАПЧОВЦИ 2.0

[ob1]

01. WHIPLASH - Damien Chazelle (2014)


Страст. Тензија. Гнев. Љубов. Пот. Крв. Жртва. Непокор. Емоција. Џез. Екстаза.

Whiplash е филмиште!

02. DIRTY DANCING - Emile Ardolino (1987)


Нема кој не ја знае легендарната I've Had The Time of My Life. Е па темата е од филмов, со култната танц-сцена од крајот на Патрик Свејзи и Џенифер Греј. Се работи за љубовна драма, за двајца млади кои се светови оддалечени еден од друг, а поминуваат заедно едно лето во Кетскилс ресортот. Филм кој од почеток до крај е преполн со клишеа, во кој секој следен момент можете да го предвидите, кој однапред знаете како ќе заврши... А сепак, откако ќе го гледате, ќе сфатите дека сте имале time of your life!

03. SATURDAY NIGHT FEVER - John Badham (1977)


Еден култен филм од седумдесетите кој ги одбележа тинејџерските денови на милиони луѓе ширум светот, дури и децении потоа. Еден од двата филма кои го направија Џон Траволта култна тинејџ-икона ширум светот. Се работи за 19 годишниот Тони Манеро кој живее за саботните вечери во локалното диско каде е крал на клубот, благодарејќи на неговите елегантни танцови способности. Но надвор од диското сликата на неговиот живот не е така розева: Тони постојано се кара со неговиот татко и не може да се носи со угледот кој во неговото семејство го има брат му кој е свештеник. Не наоѓа задоволство ни во работата во малечка продавничка за бои. Работите се менуваат кога ја запознава Стефани Мангано во диското и тренира со неа за танцов натпревар во диското - нешто што ќе го смени животот на Тони од корен.

04. THE LEGEND OF 1900 - Giuseppe Tornatore (1998)


Приказна за Новеченто, преталентиран музичар и пијанист кој како мало бебе е оставен на брод, таму расне и живее целиот свој живот и никогаш се нема симнато на копно.
Оние што се запознаени со Џузепе Торнаторе ќе знаат што да очекуваат, а оние што допрва се запознаваат ќе почувствуваат едно магично и емотивно патување низ океанот во придружба на Тим Рот како Новеченто и неговата музика компонирана од маестро Енио Мориконе.
Посебно магична е оваа комбинација Торнаторе-Мориконе кои имаат соработувано на дури 13 филмови на италијанецот. Нема промашај.

05. FLASHDANCE - Adrian Lyne (1983)


Првиот филм во историјата кој имал вртоглав успех благодарејќи на MTV. Музичките продуценти на филмот и пејачите работеле многу брзо за по излегувањето на филмот да направат видеа за некои од песните во него, како „What a Feeling“ и „Maniac“ и да ги прикажат на MTV. Благодарејќи на тоа, заработката на филмот пораснала на 200 милиони долари, пред се од младата публика, иако во него немало ѕвезди, излегол во време надвор од празниците за лето и зима, и бил со ознака R. Подоцна филмот дури заработува и 4 номинации за Оскар и Оскар за најдобра филмска песна за „What a Feeling“. Ова е филм кој е неодминлив во овој поджанр кој се појави благодарејќи на Saturday Night Fever, а беше неизоставен дел од поп културата од седумдесетите па се до крајот на 20 век.

06. 8 MILE - Curtis Hanson (2002)


Многу рапери се појавија после филмов а Еминем уште толку си ја зацементира позицијата на најдобар рапер на сите времиња. Филм за еден талентиран рапер кој живее у камп приколка и едноставно кажано, го допира дното во секојдневниот живот. Ама, има талент за музика и тоа ќе го движи и мотивира никогаш да не се откаже од својот сон. Ова донекаде е и автобиографски филм каде Еминем се игра сам себе. Има Оскар за најдобра музика за песната пардон траката (извинете рапери) Lose Yourself која стана планетарен хит после филмов. Покрај Еминем, тука се и Ким Бесинџер и за жал прерано починатата и преубава Британи Марфи. Не мора да бидеш рапер за да го гледаш филмов.

07. TOMA - Dragan Bjelogrlić, Zoran Lisinac (2021)


Драган Бјелогрлиќ е подеднакво добар режисер каков што е и актер. Биографски филм за еден од најпопуларните боеми на Балканот, за многумина најдобриот фолк пејач Тома Здравковиќ.
Емотивна, носталгична приказна за животот на Тома почнувајќи од раното детство и почетоците во музиката, неговиот подем но и неговиот пад. Посебно ќе ја доживеете песната Љиљана кога ќе се запознаете со нејзината приказна и како е настаната. Ова е филм за сите љубители на господинот Тома.
Останатите, не верувам дека нешто посебно би ве заинтригирал ама ако ништо друго има една песна што е доста популарна по кафаниве, песната е од филмот да знаете.

08. SCHOOL OF ROCK - Richard Linklater (2003)


Откако ќе го избркаат од рок бендот во кој настапува, Дјуи Фин станува замена на наставник по музичко во приватно основно училиште, каде ќе се обиде да го претвори неговиот клас во рок бенд. Ако го читате ова, а уште повеќе ако го гледате трејлерот, ќе помислите дека ова е веројатно нај-чизи обид за филм некогаш направен, но ако тоа ви е изговор за да не го гледате, ќе згрешите многу!

09. THE MAMBO KINGS - Arne Glimcher (1992)


„The Mambo Kings“ (1992) е воодушевувачка драма која го следи животот на двајца кубански музичари кои се обидуваат да ја направат својата музика популарна во Америка за време на 1950-тите. Филмот се одликува со впечатливи музички перформанси и извонредни изведби, што го прави вистинско уживање за љубителите на музиката. Приказната исто така ја истражува емоционалната страна на имигрантскиот живот и предизвиците со кои се соочуваат ликовите. Со комбинација од страстна музика и длабоки лични приказни, „The Mambo Kings“ нуди богат и возбудлив увид во ерата и културата на тоа време. Овој филм е задолжителен за сите кои уживаат во добрата музика и човечките приказни.

10. THE DOORS - Oliver Stone (1991)


Филм за ликот и делото на еден од највлијателните и најпопуларните музичари во светот, основачот и фронтмен на Дорс, Џим Морисон. Мистер Моџо.
Во режија на Оливер Стоун го следиме неговиот живот од основањето на бендот до стекнувањето на светска слава, неговиот однос со девојка му, дрога, алкохол, рокенрол, Париз.
Вал Килмер неодоливо потсетува на Морисон, покрај него преубавата Мег Рајан и Кајл МекЛахлан како Реј Манзарек се главните актери.

 

[Џонтра Волта]

01. DJANGO UNCHAINED - Quentin Tarantino (2012)


Квентин Тарантино го освежи вестерн жанрот со ова ремек дело наречено Џанго Разузданиот.
Станува збор за еден роб Џанго, кој бива спасен од Доктор Шулц, ловец на глави и со негова помош тргнува да ја бара и ослободи жена му, која е држена во заробеништво од страна на еден злобен и многу опасен сопственик на плантажи. За стилот на Тарантино не треба да говориме многу, филм со крвишта, тепачки, пукања, одличен саундтрак, прејака глума. Собрана е супер актерска екипа каде Кристоф Волц двои со својата глума за која има добиено Оскар за најдобра машка споредна улога. Оскар има и Тарантино за оригинално сценарио. Леонардо ДиКаприо, Џејми Фокс, Кери Вашингтон и секако Самуел Л.Џексон, плус камео појавување на Франко Неро. Би рекол, оригиналниот Џанго.

02. THE HATEFUL EIGHT - Quentin Tarantino (2015)


Некој на форумов имаше пишано дека само Тарантино може да сними 3 часовен филм сместен во една барака, со 10тина актери, и тоа да е максимално возбудливо и јако. И така е.
Во едно запуштено место негде низ планините во Вајоминг надоаѓа снежна олуја која ќе остави 8 сомнителни карактери блокирани во една барака/меана како сакате. Сега ќе си речеш, па што има тука интересно. Епа има.
Енио Мориконе го добива својот прв Оскар за музика. А сите добро знаеме што значи името на Маестрото поврзано со филм. Ремек дело.
Курт Расел, Џенифер Џејсон Леј, Тим Рот, Мајкл Мадсен, Демиан Бишир, Валтон Гогинс и Брус Дерн се Омразените Осуммина. Ама тука има набројано 7 актери. Па и Самуел Л.Џексон бе, каде без пуленот на Квентин.

03. A FISTFUL OF DOLLARS - Sergio Leone (1964)


Ова е првиот филм од Долар трилогијата на мајсторот на својот занает, Серџо Леоне. Не дека се поврзани со останатите два (другиот го има после овој, а третиот и најпознатиот односно најдобриот го има у првиот Каталог), освен што Клинт Иствуд е главен актер и ги носи истите алишта у сите три филмови.
Слободно може да се каже дека од тука почнува блескавата кариера на господинот Иствуд. Серџо Леоне во соработка со неговиот школски другар Мориконе се ненадминливо епско дуо што се однесува на вестерн филмовите. Феноменален саундтрак има филмов покрај другото. А другото е класика вестерн. Еден Странец доаѓа во едно градче на границата меѓу Мексико и САД, и во обид да спечали пари ќе се вплетка односно ќе ги створи сплетките помеѓу 2 семејства кои на некој начин се во војна за контрола на градчето. Ќе се тепаат и ќе се пукаат, нормално.

04. FOR A FEW DOLLARS MORE - Sergio Leone (1965)


За некој долар повеќе ќе се судрат можеби и најјаките каубојци што се појавиле на филм (со должно почитување за Џон Вејн), Клинт Иствуд и Ли Ван Клиф. Тие двајца се ловци на глави кои тргнуваат во потрага по озлогласениот криминалец и ограбувач на банки, Ел Индио. Хаос во најава.
И овој филм има феноменален саундтрак истотака. Ќе се тепаат и ќе се пукаат, ако до сега не ви стана јасно што ќе гледате.

05. RIO BRAVO - Howard Hawks (1959)


Шерифот, заменикот, неранимајкото, моќникот, затвореникот, пијаницата, девојката, сточарот, револверџијата.
Сите вестерн архетипи се присутни во овој класик.

Од едната страна е локалниот моќник со армијата револвераши, од другата страна се шерифот со своите двајца едвај кадарни помошници и правдата, а сите останати меѓу нив. Одлични ликови и дијалози, акција, хумор и романса.

Ова е одговорот на Хауард Хокс на „Точно на пладне“ за тоа како треба да изгледа вистински каубојски филм. Филмот од којшто, покрај многуте други, црпат инспирација Карпентер, Скорсезе и Тарантино.
Во улогите се Џон Вејн, Дин Мартин, Енџи Дикинскон и незаобиколливиот – Волтер Бренан.

Тие што ќе го бендисаат, можат да продолжат со римејкот „Ел Дорадо“ и ре-римејкот „Рио Лобо“

06. SHANE - George Stevens (1953)


Шејн е мистериозен странец кој само сака да си ја гледа својата работа. Талкајќи низ преријата наидува на група вредни фармери, тероризирани од бандата на еден силеџија. Помогнат од најмените револвераши, небирајќи средства, сака да им ги преземе фармите. Шејн воден од идеалот за правдина, се вклучува во туѓата борба и за кратко време ги врамнотежува силите.

Типичен вестерн (и самурајски, криминален …) заплет, но овој пат не е сè така црно и бело.

Со Алан Лед како Шејн, Џек Паланс и Ван Хефлин, во режија на Џорџ Стивенс.

07. MY DARLING CLEMENTINE - John Ford (1946)


Уште еден филм на Џон Форд, овој пат за легендарната пресметка кај ОК коралот.

Вајат Ерп, по убиството на неговиот помлад брат и кражбата на стадото, со цел да го открие убиецот и да го приведе кон правдата, ја презема позицијата на шериф во Тумбстоун. Град каде владее беззаконие и во кој никој не се нафаќа да биде шериф и да воведе ред. Во оваа задача ќе му помогне Док Холидеј, еден лик со темно минато и не баш светла иднина. Да се закомплицираат работите повеќе, во градот доаѓа и Клементина, поранешна девојка на Док, во која Вајат се вљубува.

Одличен рецепт за драма со елементи на романса и секако акција. Базиран на вистински настани и ликови.

08. THE MAN WHO SHOT LIBERTY VALANCE - John Ford (1962)


„Ова е запад, господине. Кога легендата ќе стане факт, се печати легендата.“ Тоа се зборовите што новинарот ќе му ги каже на главниот јунак, кога тој ќе ја раскаже својата приказна. А која е приказна, кои се фактите и која е легендата? Одговорот ќе го даде еден од најпознатите наслови на Џон Форд, во кој прв пат на платното се среќаваат Џон Вејн и Џејмс Стјуард, потпомогнати од Вера Мајлс, Ли Марвин и Ли Ван Клиф.

Филм за соперништвото и пријателството, храброста и кукавичлукот и за тоа како настануваат легендите. Барем оние на дивиот запад.

09. RED RIVER - Howard Hawks (1948)


Ова е вистински каубојски филм. За гонењето на огромно стадо на говеда и сите згоди и незгоди што произлегуваат од него. Залутани крави, поплави, болести, непријателски расположени индијанци, бандити кои демнат, стампеда и по некoја романса.

Сепак во суштината на филмот е односот помеѓу таткото и синот, прашања за лојалноста, амбицијата и своеглавоста, и до каде може да оди генерациското недоразбирање.

Џон Вејн, Монтгомери Клифт и секако Волтер Бренан во овој филм на Хауард Хокс.

10. TOMBSTONE - George P. Cosmatos (1993)


Ова е вистинска приказна. Станува збор за познатиот шериф Вајат Ерп кој доаѓа во Томбстоун да се пензионира и да си живее мирно до крајот на животот, заедно со своите браќа и сопругата. Во Томбстоун ќе наиде на неговиот стар добар пријател, легендарниот Док Холидеј кој боледува од туберкулоза и што би се рекло, си го отпеал своето. Нивниот мир ќе го наруши една банда која доаѓа во градот да прави проблеми. Пукотницата за која се вели дека е најјаката пукотница во историјата на Стариот Запад го добила името во 1957ма година кога е снимен Gunfight at the O.K. Corral.
Курт Расел е Вајат Ерп, Вал Килмер е Док Холидеј. Филмот има култен статус и се работи за еден од најдобрите вестерн филмови некогаш снимени. Интрото е врв.

 

[grande-juve]

01. DOUBLE INDEMNITY - Billy Wilder (1944)


Еден од најдобрите ноар филмови на сите времиња, меѓу првите 150 најдобри филмови на IMDB TOP 250 листата! Филм кој откако ќе го гледате, ќе ја преиспитате одлуката за осигурување на вашиот живот (особено ако сте во брак) . Режиран од одличниот Били Вајлдер, кој е исто така и ко-сценарист, „Double Indemnity“ е филм за еден агент за осигурување во Лос Анџелес, кој ќе дозволи неговата итра жена да го заведе во шема на осигурителни измами и убиство што ќе го заскокотка сомнежот кај негов колега, агент за истраги со осигурувањата.

Не е се така како што изгледа!

02. SUNSET BOULEVARD - Billy Wilder (1950)


Уште еден филм на Били Вајлдер, еден од најдобрите мајстори на жанрот. Ова е приказна за Холивуд, за сценарист кој ќе се впушти во опасна врска со поранешна филмска ѕвезда која е на залезот на својата кариера, но преку него - одлучна да направи триумфално враќање во светот на филмот. На IMDB TOP 250 е уште подобро рангиран од Double Indemnity, и во времето кога авторот го пишува ова, е меѓу најдобрите 100 филма на сите времиња на таа листа. Имал дури 11 номинации за Оскар и освоил 3 Оскари. Ова е филм кој сигурно ќе го задржи вашето внимание и кој секој филмофил мора да го гледа.

03. LAURA - Otto Preminger (1944)


Полициски детектив се заљубува во жена чие убиство го истражува. Ако оваа реченица не е доволна да ве заскокотка да ја гледате оваа мистерија / ноар, тогаш се надевам податокот дека филмот е на листата на Роџер Еберт: „Најголеми филмови на сите времиња“. Вклучен е и на листата „1001 филм кој мора да ги гледаш пред да умреш“ на Стивен Шнајдер. Ова е еден од првите филмови кој го крши таканаречениот „четврт ѕид“ - на почетокот од филмот камерата снима кадар на кој може да се видат елементи на сетот, покажувајќи дека е ова всушност филмски сет - нешто што можеби не е WOW во денешно време, но во 1944 било и тоа како иновативно. Во секој случај, Laura е филм кој не смее да го испушти ниту еден љубител на филмската уметност.

04. THE THIRD MAN - Carol Reed (1949)


Еден од филмовите со најмногу „атмосфера“ некогаш направен, преку прекрасната музика, кинематографија и Виена ноќе. Сценариото е брилијантно, особено еден дијалог на Орсон Велс за „cuckoo clock“, а кинематографијата воодушевува: чудни агли, светло од позадина, сенки на празните улици... Филмот го следи патувањето на романописецот Холи Мартинс во поствоена Виена каде се наоѓа заплеткан во мистеријата за убиството на негов стар пријател - Хари Лајм. Бил номиниран за 3 Оскари, а освоил Оскар за најдобра кинематографија. Исто како и претходните, и овој филм во моментот на пишувањето на овој текст е на листата ТОП 250 најдобри филмови на сите времиња според IMDB.

05. ACE IN THE HOLE - Billy Wilder (1951)


Уште еден одличен филм на Били Вајлдер на нашата листа, со Кирк Даглас во главната улога. Ова е моќен филм за возилото за манипулација со нацијата - печатот (читај: медиумите)! Циничниот, неетичен и бескрупулозен новинар Чарлс Татум (Даглас), доаѓа во мал весник во Ново Мексико каде ја бара својата шанса, после бројните бркања од работа од многу попознати весници заради проблем со алкохол, лажење и дури и афера со жената на еден од неговите газди. Но кога во малиот локален весник со месеци нема вест доволно голема за да го издигне Татум назад кон големите весници, тој креира циркус во претходно напуштеното место. Циркус од кој секој профитира, освен жртвата... Ова е навистина неверојатен филм за моќта на медиумите, за искривувањето на вистината и за тоа како тие можат да си играат со човечките животи. Буквално целиот филм може да се преслика од денешна перспектива и да се види дека не само што ништо не е сменето, туку и полошо е - со телевизијата и интернетот. Како и да е, ова е филм кој ќе ви ги отвори очите и кој мора да го гледате.

06. REBECCA - Alfred Hitchcock (1940)


Филм на Алфред Хичкок со неверојатниот Лоренс Оливие во главната улога, како моќен аристократ кој запознава и се вљубува во прекрасната помошничка на една госпоѓа во Монте Карло. Кога двајцата стапуваат во брак, госпоѓата де Винтер мора да се бори не само за прифаќањето од страна на послугата, за љубовта на својот сопруг, туку и со сенката на Ребека - првата жена на Макс (Оливие) која загинала една година пред тоа во инцидент на брод. Ребека е мртва, не постои, но е сеприсутна - целиот филм е за Ребека и таа демне од секое ќоше. Ова е еден неверојатен американски готик во кој нема ништо надприродно, не е хорор, но сепак ќе ви ја заледи крвта и ќе ве остави без здив. Неверојатен филм!

07. THE BIG SLEEP - Howard Hawks (1946)


Според првиот роман на Рејмонд Чендлер, воедно и првиот со легендарниот приватен детектив Филип Марлоу. Во режија на Хауард Хокс со Хемфри Богарт и Лорен Бејкол. Детективот е ангажиран од генерал во пензија на еден навидум лесен случај за расчистување на долгови од неговата ќерка.

Но, уште не излезен од куќата на генералот, случајот почнува да го замрсува другата ќерка која укажува дека тоа не е вистинскиот мотив на неговиот ангажман. Оттука детективот се заплеткува во една мрежа на уцени, интриги и убиства, во која никој не ја говори вистината, ниту е тоа за што се претставува.

Еден од најрепрезентативните примери на жанрот, „Големиот сон“ е филм со изградени ликови и полн со пресврти во кој до самиот крај нема да знаете што се случува и кој е на која страна.

08. THE NIGHT OF THE HUNTER - Charles Laughton (1955)


Нетипичен ноар, најмногу се карактеризира како таков заради експресионистичката фотографија и тензичната атмосфера и затоа што не може да се смести на друго место. Роберт Мичам во една од своите најпознати улоги на сериски убиец кој се претставува како свештеник за да извлече информации за местото каде е скриен пленот од кражба на банка. А информацијата ја имаат две мали деца. Трилер со примеси на хорор и хумористични елементи, ова е филм чиишто сцени уште долго ќе ги паметите.

09. THE POSTMAN ALWAYS RINGS TWICE - Tay Garnett (1946)


Вообичаен заплет во ноарот. Фатална жена (Лана Тарнет) се сплеткува со случаен минувач и го тера да го убијат нејзиниот сопруг за да можат да бидат заедно.

Дали љубовта е вистинскиот мотив или тоа е користољубието? Дали жената го мести љубовникот или e обратно? Дали органите на правдата ќе наседнат на играта или ќе ја проѕрат?

И дали е правда ако некој се извлече за сторено дело, а одговара за нешто што не го направил?

Можните одговори се во филмот, но поштарот не е.

10. GILDA - Charles Vidor (1946)


40-тите и 50-тите продуцирале многу перформанси со неверојатно убави актерки, но Рита Хејворд во „Gilda“ е дефинитивно еден од најпровокативните. Филмот е добар, длабок, со силни машки улоги, но она што е најнезаборавно е Рита Хејворд. Додека го гледаш филмов таа ќе влезе под твојата кожа исто онака како што им прави и на машките ликови во филмот. Ова е еден од оние филмови кои одлично би функционирале во поглед на приказна, сценарио, дијалог, но се тоа е тотално небитно - штом ја има Рита Хејворд која засенува се. Без разлика дали сте машко или женско, гледајте го филмов, ви ветувам дека никогаш нема да го ја заборавите... Рита!

11. KEY LARGO - John Huston (1948)


Уште еден, последен филм со Хемфри Богарт и Лорен Бекол. Овојпат и Едвард Робинсон.

Богарт како воен ветеран доаѓа во посета на семејството на неговиот загинат соборец во хотел на островот Ларго. Зима е и се спрема невреме. Затоа во хотелот има само неколку, навидум случајни гости. Уште неколку што навидум случајно бараат засолниште. Започнува бурата, островот е отсечен, но тоа надвор не е ништо со случувањата внатре во хотелот.

Еден од најпознатите ноари на Џон Хјустон.

12. THE MALTESE FALCON - John Huston (1941)


Приватниот детектив Сем Спејд прифаќа случај кој вклучува тројца ексцентрични криминалци, една прекрасна лажга и нивната потрага по една бесценета статуетка, каде влоговите се зголемуваат откако неговиот партнер е убиен. Филм номиниран за 3 Оскари меѓу кои и за најдобар филм. Режиран од Џон Хјустон, со Хемфри Богарт во главната улога. Денес постојат 3 статуетки „малтешки фалкон“ кои се користеле како реквизити за филмот и вредат по околу еден милион долари секоја, што ги прави најскапите филмски реквизити во историјата на филмот. Секоја од нив денес вреди три пати повеќе отколку што требале пари за да се направи филмот.

13. TOUCH OF EVIL - Orson Welles (1958)


Филм на Орсон Велс со Чарлтон Хестон и Орсон Велс во главните улоги. Ова е последниот режиран филм од Велс, кој воопшто не ни требало да го режира. Но Чарлтон Хестон ја прифатил главната улога само зашто мислел дека Велс ќе биде режисерот, па за да остане во игра, продуцентите му дале на Велс и да режира. Од многумина се смета за последниот вистински ноар некогаш направен, па затоа погледнете како изгледа филмот со кој згаснува еден жанр.

14. NOTORIOUS - Alfred Hitchcock (1946)


Уште еден одличен ноар на Алфред Хичкок со Кери Грант и Ингрид Бергман во главните улоги. Мрачен, суров, со прекрасна кинематографија и длабоко еротичен, ова е еден од најдобрите филмови на Хичкок. Тој е неверојатно сензуална и софистицирана приказна од времето во Холивуд кога цензурата била на сила. По осудувањето на нејзиниот татко Германец за предавство, Алисија Хуберман се врти кон алкохолот и мажите. И пристапува владин агент кој бара од неа да шпионира група нацисти, пријатели на нејзиниот татко кои оперираат надвор од Рио де Жанеиро. Меѓу неа и агентот се раѓа романса, но таа станува премногу зафатена со работата која ја добива... Сер Алфред Хичкок тврдел дека за време на снимањето на филмот, бил 3 месеци под надзор на FBI заради спомнувањето на ураниумот во него. За време на продукцијата на филмот не се знаело многу за ураниумот заради безбедност. Но по фрлањето на атомската бомба над Хирошима подоцна истата 1945, и излегувањето на информациите за Менхетн проектот, сите сомнежи кон Хичкок од страна на FBI биле отфрлени.

15. SHADOW OF A DOUBT - Alfred Hitchcock (1943)


И уште еден филм на Хичкок на нашата листа. Една тинејџерка, пресреќна по доаѓањето на нејзиниот многу сакан вујко во нејзиниот дом во мирн град во Калифорнија, полека почнува да се сомнева дека тој е убиецот на вдовиците кои насекаде го бараат властите. Ова е првиот филм на Хичкок сместен во Америка, и иако е најчесто занемарен во однос на неговите подоцнежни ремек-дела, ова е брилијантен филм, трилер со силни ликови, приказна за невиноста и мрачниот криминал кој господарел кон средината на 20 век во Америка. Вистинско ремек дело кое не смее да се пропушти.

 

[Варвара]

01. MALENA - Giuseppe Tornatore (2000)
Italy


Во поднасловот на филмов стои: интимен портрет за епската приказна за храброста која ја откриваме, невиноста на која и се предаваме, и спомените за кои ќе се грижиме... засекогаш! Малиот дванаесетгодишен Ренато живее во мало италијанско гратче во кое во еден ден ќе му се случат три работи кои ќе му го променат животот засекогаш: ќе добие велосипед, ќе започне војна и во гратчето ќе дојде Малена, една сензуална жена која полека почнува да го губи младешкиот сјај, но од очите на Ренато ќе се пресели во неговото срце... Филмов во некои држави, меѓу кои и во САД и Велика Британија бил на големо цензуриран. Во тие верзии траел по 92 минути, иако италијанската uncut верзија е 108 минути, што е кратење на цели 16% од филмот. Актерот кој го глуми Ренато (Џузепе Сулфаро), пред да го снима филмот, никогаш немал видено гола жена во животот. Моника Белучи му била првата. Ако не сакате да гледате било што, а меѓу другото сакате и вие да ја видите Моника Белучи гола, ова е совршениот филм за вас!

02. VICTORIA - Sebastian Schipper (2015)
Germany


Викторија е шпанка скоро населена во Берлин, која една вечер е во потрага по добра забава. Ќе наиде на група локални дечки со кои ќе продолжи да талка низ ноќта. Запознавајќи ги, сосема незабележливо ја понесува вртлогот на германското подземје, а невината забава преминува во трка за живот.

Она по што се двои овој филм е што е снимен во еден единствен кадар. Маестрално изведено.

03. CONTRATIEMPO / THE INVISIBLE GUEST - Oriol Paulo (2016)
Spain


The Invisible Guest или Contratiempo е шпански филм на Ориол Пауло кој кога се појави не воодушеви сите на форумот, иако е продукција на Netflix, што ретко поминува со позитивни критики. Еве дури и години потоа е на високото трето место на нашата листа на европски филмови кои морате да ги гледате. Ве советувам да го гледате без воопшто да читате нешто, затоа јас тука ќе запрам со пишување, за да не ви го расипам уживањето, зашто единственото негативно нешто кое ми текнува за филмов е што така е направен за да никој кој еднаш го гледал да не може да ужива во него исто како првиот пат.

04. ПОДЗЕМЉЕ / UNDERGROUND - Emir Kusturica (1995)
Serbia


Во 1996, членови на Југословенскиот борд на Академијата за филмска уметност и наука го прогласила филмов за трет најдобар српски филм во историјата, иако на почетокот критиката се обидувала да го оцрни како пропаганда за обединување на Југославија. Приказната го следи животот на производители на оружје во Белград за време на Втората светска војна и преминува во навистина надреални и фантастични ситуации. Оружјето се произведува во подземјето на Белград каде живеат и работат производителите на оружје, но еден препродавач на црниот маркет ќе ги излаже дека WWII уште не е завршена и работниците со децении потоа ќе продолжат да произведуваат оружје кое подоцна ќе се користи и во братоубиствените војни во Југославија. Филмот е полн со симболика, скриени значења, повеќеслоен, алегоричен, дури може да се каже дека самиот филм е своевидна парабола за Југославија, за војната, за братството и единството. И да, ја има таа југоносталгична нишка, но таа не е воопшто пресудна на крајот од филмот за да сфатите дека ова мало ремек дело, според мене најдоброто што Кустурица некогаш го направил, е еден од најдобрите европски, па и воопшто светски филмови кои некогаш сте ги гледале.

05. LE TROU - Jacques Becker (1960)
France


Филм за кој повеќето од нас дознавме преку FILM CLUB-от во кој беше предложен, и еве го тука, меѓу најдобрите европски! Ова е неверојатен филм! Филм за едно бегство од затвор кое е неверојатно и мислите дека може да се случи само на филм... се додека не дознаете дека истото навистина се случило. А она што е уште поневеројатно е што еден од актерите во филмот е човекот на кого навистина му се случило, односно тој кој избегал од затвор! Навистина прејак филм кој мора да го гледа се кој љубител на седмата уметност!

06. LADRI DI BICICLETTE / BICYCLE THIEVES - Vittorio De Sica (1948)
Italy


Во поствоена економски ослабена Италија еден сиромав човек едвај успева да најде работа со лепење на постери. Но за истата потребен му е велосипед, а истиот ќе му биде украден. Антонио заедно со неговиот мал син излегуваат на улиците на Рим за да го најдат велосипедот. Ова е прекрасна, трогателна приказна за суровоста на животот и неправдата. Филм кој длабоко ќе ве трогне, ќе ве остави без зборови и можеби ќе ве натера да пуштите солза. Реалистичноста во истиот е засилена од фактот што Де Сика не барал професионални актери за улогите, туку сите улоги се доделени на тотални аматери. Филмот е скоро на сите листи на најбави филмови на сите времиња, меѓу првите 250 најдобри филмови на IMDB е и добитник на почесен Оскар за најдобар странски филм во 1950. Мора да го погледнете!

07. CLOSE - Lukas Dhont (2022)
Belgium


Ако овој филм не успее да измами емоција кај било кого, тогаш веројатно тој има срце-камен. Навистина искрена, топла но и болна драма за детските чувства и за справувањето со загубата. Приказот на тагата e навистина реален, глумата прекрасна, режијата топ, кинематографија - преубава... Кога јас го гледав, многу ми се допаднаа метафорите во филмот кои ги има во изобилство. Не знам што друго да речам, прекрасен филм. Една лекција за едно големо преживување и исцелување што секој го имал порано или подоцна на овој или оној начин. Мора да се погледне!

08. DRUK / ANOTHER ROUND - Thomas Vinterberg (2020)
Denmark


Постои теорија дека човекот е роден со пола промил алкохол во организмот помалце, дека малку алкохол го отвора умот кон надворешниот свет, проблемите изгледаат помали, стресот помал, а креативноста се зголемува. Сите знаеме дека после една чаша вино разговорот се вжештува, можностите се отвораат... Четворица веќе стари и уморни професори во средно училиште во Данска решаваат да експериментираат малку: да видат како таа мала количина алкохол ќе влијае врз нивните животи, па така, одлучуваат да пробаат да бидат постојано пијани - да одат пијани на работа, да возат пијани, да имаат секс пијани... Резултатот? Гледајте го филмот, и ќе го дознаете!

09. ΚΥΝΟΔΟΝΤΑΣ / DOGTOOTH - Yorgos Lanthimos (2009)
Greece


Пред некои десетина години, можеби и повеќе, се појави вистинската приказна за Јозеф Фрицл, монструм од Австрија кој 24 години ја држел ќерката заклучена во подрум, секојдневно ја силувал и му родила многу деца... Не сакам да ве плашам, ама филмов е со слична приказна - манипулативен татко одлучува да ги држи затворени на неговиот имот своите 3 деца продавајќи им пропаганда дека можат да умрат ако излезат надвор. Тројцата растат низ години полни со погрешно информирање и страв, целосно отсечени од светот во изолираната семејна вила. Велат - незнаењето е благослов, а слободата ништо друго освен само збор. Но дали е навистина така? Што ќе се случи ако коцките малку се измешаат и ако плановите не испаднат баш по планот... Dogtooth на Лантимос ќе ви го одговори тоа прашање.

10. KRÓTKI FILM O MILOSCI / A SHORT FILM ABOUT LOVE - Krzysztof Kieślowski (1988)
Poland


Една од епизодите на познатиот Декалог на Кишловски која премина во целовечерен филм. Филм за тоа како се појавува љубовта, дали може да се заљубиме во некого без да го познаваме, дали е тоа љубов кон личноста или кон замислата за неа. Дали е тоа опсесија или љубов и ако е, дали таквата љубов може да биде возвратена.

Краток но сеопфатен филм што треба да го гледаат сите се заљубени, биле заљубени или ќе се заљубат.

 

[moongoses]

11. ЧЕЛОВЕК С КИНОАППАРАТОМ / MAN WITH A MOVIE CAMERA - Dziga Vertov (1929)
USSR


„Човекот со филмска камера“ е едно од најзначајните дела на светската кинематографија. Користејќи дотогаш невидени филмски техники кои и денеска се вчудовидувачки, без главни актери и класичен заплет, ова е филм за градот и неговите жители со приказна креирана од камерата и монтажата.

Ремек-дело кое цел век успешно одолева на тестот на времето и е свежо како и на денот на премиерата.

Неизоставен наслов од секоја антологија и историја на филм, сосема заслужено и во нашиот каталог.

12. TROIS COULEURS: BLEU / THREE COLOURS: BLUE - Krzysztof Kieślowski (1993)
Poland


„Да зборувам на сите човечки јазици, па дури и на ангелски, штом љубов немам, ќе бидам бакар, што ѕвони, или кимвал, што ѕвечи. Да имам пророчки дар и да ги знам сите тајни, да го имам сето знаење, а и така силна вера, што и планини да преместувам, – ако љубов немам, ништо не сум.“

-1 Коринтјаните 13, 1-2​

Кишловски е магионичар во филмскиот занает, некој кој успеал две реченици од Библијата да ги земе, и од нив да направи филм, прв од трилогија која е наречена по боите на француското знаме, одговара на темите на француското мото: „слобода, еднаквост, братство“, но притоа да создаде безвременски филм за загубата, за семејството, за тагата, за суровоста на животот, за откривањето, пронаоѓањето на себеси, за слободата и воопшто чувството на ослободеност, за љубовта, за религијата, за верата и откажувањето... И за уште многу нешта! Овој филм е неизцрпен извор на толкувања, интерпретации, на согледувања и критички осврти. А се е толку едноставно прикажано, со едноставна приказна, без многу зборови и преку една силна боја: сината!

A must see!

13. I, DANIEL BLAKE - Ken Loach (2016)
UK


Даниел Блејк е вреден и достоинствен средовечен човек, самец, кој поради срцеви проблеми е прогласен за неспособен за работа. Тогаш отпочнува неговата голгота со апсурдите на системот, кој заради здравствената состојба не му дозволува да работи а од друга страна го тера активно да бара работа за да може да прима помош за невработени.

Потресна, искрена и реална драма за модерното време и луѓето што не можат да се снајдат во неговите лавиринти.

14. АНДРЕј РУБЛЁВ / ANDREI RUBLEV - Andrei Tarkovsky (1966)
USSR


Филм за животот, времињата и работата на рускиот иконограф од 15 век, св. Андреј Рубљев. Тарковски сакал да направи уметност која ќе ги смени животите на луѓето и која ќе биде пренесувана низ генерации. Неговиот филм е полн со една неверојатна чистина и спиритуална длабочина кои ретко кој филм може да ги достигне на таков начин. Филмов бил жртва на многу советски цензури, кратења, и за жал целосната верзија од 205 минути никој не можел да ја погледне дури 25 години по снимањето. А што е уште потажно, по овој филм, Тарковски веќе никогаш не добил советски пари и поддршка за да сними друг. Но ова епско дело ќе остане во аналите и како своевидна историја на Русија, на борбите за моќ, улогата на црквата и религијата и посветеноста на Рубљев кон неговата цел.

15. SPOORLOOS / THE VANISHING - George Sluizer (1988)
Netherlands


Холандски трилер 1988 за еден пар кој за време на еден одмор застанува на станица каде девојката исчезнува. Момчето цели 3 години посветува за да ја пронајде, кога одеднаш после 3 години, добива писмо од човек кој тврди дека ја киднапирал... Застрашувачки, неверојатен трилер. Ако сакате скоро 2 часа напнатост, мистерија, ако сакате виде да бидете детектив и да откривате што навистина се случило, а и воопшто ако ги сакате трилерите, ова е вистинскиот филм за вас!

16. ORDET - Carl Theodor Dreyer (1955)
Denmark


Ordet или Збор е култен дански филм од еден од основоположниците на данската и воопшто скандинавската кинематографија, Карл Теодор Драјер. Ова е филм за чудото. Што воопшто е чудото? Фантастичен настан создаден од некое натприродно битие? Халуцинација на личност со силна вера? Или нешто необјасниво? Филмов цело време расправа за тоа, но одговорот на прашањето го дава исклучиво гледачот, а секаков одговор е можен. Дури и најзакоравениот атеист може да пронајде чудо во ова ремек дело на Драјер. Филмот е бавен и бара силно сосредочување. И иако така изгледа, да не ве лаже ни насловот, ни постерот, ни било што ако прочитате за него - ова не е религиски филм. Ова е едноставно чудо од филм кој секој кој себеси се нарекува филмоман, мора да го изгледа!

17. FESTEN / THE CELEBRATION - Thomas Vinterberg (1998)
Denmark


Уште еден филм на Томас Винтерберг на нашата листа, и уште еден од Данска. Синопсис: Хелге слави години, целото семејство е собрано на семејната прослава и сите имаат по некоја убава работа, убаво сеќавање да споделат со останатите. Или не? Филмов е дел од Догме движењето на кое како иницијатори се јавуваат самиот Винтерберг и Ларс фон Триер, па така е сосема природен - нема додадени вештачки осветлувања, снимен комплетно на дневна светлина, нема никаква додадена музика, камерата секаде е hand-held... Во секој случај е едно неповторливо искуство кое ќе ве остави поздинати и ќе ве натера, ако ова ви е прв филм на Винтерберг, да ги гледате сите останати. Ќе уживате, без сомнение!

18. UMBERTO D. - Vittorio De Sica (1952)
Italy


Уште еден филм на Виторио де Сика на нашата листа. Исто како и претходниот, во филмот глумат исклучиво непрофесионалци. Ова е еден од последните филмови на италијанскиот нео-реализам и истовремено веројатно најдобриот филм во движењето. Тој е отсечок од животот на осамениот сиромашен пензионер Умберто. Низ филмот, гледаме како Умберто се бори да најде пари за кирија за неговата газдарица, го сака своето куче, и се справува со осаменоста и отуѓеноста и разочараноста во поствоеното доба. Тој е филм на карактери кој се надевам ќе ви се допадне!

19. НЕЛјуБОВЬ / LOVELESS - Andrey Zvyagintsev (2017)
Russia


Пар од Русија кој е сред развод и иако имаат нови партнери, се уште живеат под ист покрив, го претвора нивниот дом во воена зона во која не се бираат зборови и тон. Но и двајцата забораваат дека во нивниот дом живее и синот Аљоша, нивното единствено 12 годишно дете кое баш среде таквата ситуација - исчезнува. Сопружниците вината ја префрлаат од еден на друг. Филм на Звјагинцев кој ги освои симпатиите и на гледачите и на критиката ширум светот. Филмот е алегорија за руското општество и државата која се чини на план на човечноста е во колапс. ОД денешна перспектива, филмов како да сугерираше дека такво нешто како војната во Украина е неминовно, зашто во Русија луѓето се одчовечени, без емпатија, без грижа за другиот, егоцентрични, лицемерни и, најважно од се - БЕЗ ЉУБОВ!

20. BREAKING THE WAVES - Lars von Trier (1996)
Denmark


И повторно филм од Данска на нашата листа. Филм на Ларс фон Триер за една несекојдневна љубовна приказна која прераснува во нешто невидено, нешто бескрупулозно и во крајни граници - монструозно. Ова е филм за едно гледање! Иако ќе уживате во него, не верувам дека би посакале да го гледате повторно. Затоа сместете се во фотелјите, земете пуканки или чипс, и запловете во вашето прво и последно патување во него!

 

[Darklady]

01. IN THE MOOD FOR LOVE - Wong Kar-wai (2000)
Hong Kong


Кога режисерот Алехандро Гонзалес Ињариту и неговата сопруга го гледале филмот на Вонг Кар-Ваи во Кан во 2000, биле толку многу без зборови што ја напуштиле салата и оделе околу 10 минути без да изустат збор, ни тој, ни таа. Се нашле во близина на морето, каде неговата сопруга го гушнала и почнала неконтолирано да плаче. На оваа анегдота Ињариту се сеќава 20 години подоцна и вели - „тоа е моментот кога јас сфатив зошто сакам да бидам режисер“.

Се надевам дека вам ќе ви се допадне барем трошка од тоа.

02. A SEPARATION - Asghar Farhadi (2011)
Iran


„A Separation“, современа емотивна иранска семејна драма на сега веќе добро познатиот режисер Асгар Фархади. Мајсторски ги истражува културните, верските и социјалните дилеми во едно обично семејство соочено со секојдневни проблеми. Заради низа недоразбирања, на тест се бракот, семејните врски и моралните принципи. Филигрански изработени ликови, исправени пред универзално препознатливи предизвици.

Добитник на оскар за најдобар странски филм.

03. CHILDREN OF HEAVEN - Majid Majidi (1997)
Iran


Уште една семејна иранска драма. Овојпат приказна за Али и неговата сестричка, две деца од сиромашно семејство. Драмата започнува кога братчето ќе ги изгуби чевличките на сестричето и ќе мораат да ги делат неговите стари патики. Со детска искреност и фантазија, пожртвуваност и несебичност, на еден ведар и помалку хумористичен начин ги следиме авантурите на дечињата што произлегуваат од оваа ситуација и од сесрце навиваме за новите чевлички, кои се многу блиску а се толку недостижни.

04. CENTRAL DO BRASIL / CENTRAL STATION - Walter Salles (1998)
Brasil


Неверојатно моќен филм за една случајна средба на жена полна со цинизам и едно момче кое штотуку ја загубило својата мајка. Филмот е за неговата потрага по таткото кого никогаш не го запознал и нејзината потрага по себеси. Длабоко инспиративна и трогателна приказна која никого нема да остави рамнодушен. Филм номиниран за 2 Оскари, но во годината кога за најдобар странски се номинирани и италијанскиот The Life is Beautiful и иранскиот Children of Heaven (од погоре), па ја имал таа „несреќа“ да остане без Оскар. Филм кој мора да го гледате!

05. AMORES PERROS - Alejandro González Iñárritu (2000)
Mexico


Ова е дебитантскиот филм на Ињариту и воедно едно од неговите најдобри остварувања. Филмот е составен од 3 испреплетени приказни за темната страна на животот во современиот Мексико Сити, секоја од нив пофасцинантна и посвежа од претходната. Сите три приказни се мрачни, вознемирувачки но и полни со хуманост. Некои го опишуваат како трибјут на само-деструктивната природа на човештвото, други како филм за животните избори и нивните разрешници, но како и да е, ова е филм кој секој љубител на филмската уметност мора да го изгледа.

06. YOUR NAME. - Makoto Shinkai (2016)
Japan


Едно од најубавите аниме филмови некогаш направени! Иако сите го ставаат Мијазаки на пиедесталот на аниме-креаторите, сепак Шинкаи тука создава дело кое не само што е вредно да се спомене, туку успева да парира и на најубавите анимеа на Мијазаки. Your Name. е меѓу првите 100 најдобри филмови на сите времиња во IMDB топ 250 листата. Некои од критичарите одат до таму што сметаат дека овој филм е најубавата љубовна приказна некогаш напишана! И не би сакал да пишувам ништо друго за филмот, зашто не би сакал да ви го расипам впечатокот. Гледајте го, ви ветувам дека ќе уживате!

07. RELATOS SALVAJES / WILD TALES - Damián Szifron (2014)
Argentina


08. GHOST IN THE SHELL - Mamoru Oshii (1995)
Japan


09. CHUNGKING EXPRESS - Wong Kar-wai (1994)
Hong Kong


10. DISTRICT 9 - Neill Blomkamp (2009)
New Zealand

 

[Џонтра Волта]

11. Y TU MAMÁ TAMBIÉN - Alfonso Cuarón (2001)
Mexico


12. PRINCESS MONONOKE - Hayao Miyazaki (1997)
Japan


13. RASHOMON - Akira Kurosawa (1950)
Japan


„Рашомон“ е филмот преку кој светот го запозна јапонскиот режисер Акиро Куросава и ја отвори вратата на јапонската кинематографија. Базиран на расказ, ова е филм што дотогаш на невиден начин го преиспитува субјективното доживување на вистината и реалноста.

Една поговорка вели, секоја приказна има три верзии, по една на двете спротивставени страни и вистината. Рашомон ја подигнува на повисоко ниво. Гледаме четири различни перспективи за еден настан, различни субјективни толкувања на истото доживување, а останува да виси прашањето која е вистината.

Со впечатлива композиција и светло, филмот остава неизбришлив траг во светското кино и е инспирација за многу нови автори.

Оттука потекнува и изразот „рашомонијада“, кој се користи кога има многу различни верзии на еден настан а не се знае вистината, актуелен за многу денешни случувања.

Рашомонијада може да се нарече и изборот на филмови во овој каталог.

14. KIŞ UYKUSU / WINTER SLEEP - Nuri Bilge Ceylan (2014)
Turkiye


15. THE SALESMAN - Asghar Farhadi (2016)
Iran


16. RRR - S. S. Rajamouli (2022)
India


17. ROMA - Alfonso Cuarón (2018)
Mexico


18. TOKYO STORY - Yasujirō Ozu (1953)
Japan


Ако Куросава ја отвора вратата на јапонското кино кон светот, Озу е еден од првите што минува низ неа. Токиската приказна е многу едноставна приказна за конфликтот меѓу традицијата и современоста во јапонското семејство, но лесно препознатлива и во други делови во светот.

Филмот ги следи постарите родители кои патуваат во Токио во посета на своите деца и внуци. Иако добредојдени, наидуваат на студено гостопримство од нивните деца, кои зафатени со кариерите и урбаниот живот не им обрнуваат заслужено и очекувано внимание.

Без конфликти, полн со родителско разбирање и длабоко емотивен, ова е филм за вечниот раздор меѓу генерациите, како и за влијанието на модерното време врз традицијата и семејните вредности.

19. DIARIOS DI MOTOCICLETA - Walter Salles (2004)
Argentina / Chile


20. CAPERNAUM - Nadine Labaki (2018)
Lebanon

 

[Zlatikevichius]

01. МИРНО ЛЕТО - Димитрие Османли (1961)


Освен што е прв на нашата листа (значи ептен задолжителна лектира!), „Мирно лето“ е прв по уште две нешта: тоа е првата македонска комедија и првиот македонски филм режиран од режисер - Македонец, Димитрие Османли. Филмот започнал да се снима во септември 1960 година на локации претрежно во Охрид а премиерата ја имал во следната 1961 година кога бил еден од најгледаните филмови во кино салите ширум Македонија. Има податок кој вели дека филмот за првите четири дена од неговото прикажување го виделе над 17 000 гледачи. Инаку филмот својата премиера ја доживеал на 18 мај 1961 година во скопското кино Култура.

Доколку сакате да уживате во летото на едни Скопјаништа во Охрид, да се насмеете до солзи, но и да бидете сведоци на најчистиот (ко солза) македонски јазик кој некогаш сте го слушнале, ова е филмот за вас!

02. ТЕТОВИРАЊЕ - Столе Попов (1991)


„Признај пизда ти материна, признај!“

Веројатно најкултниот од сите наши филмови! Репликата од погоре и ден денес е актуелна во секојдневниот говор. Ова е филм кој ретко кој не го гледал, но ако вие сте еден од тие, тогаш е задолжително да му седнете, веднаш! За овој филм, Столе Попов бил награден со наградата „Златна мимоза“ на Филмскиот фестивал во Херцег Нови во 1991 година, во категоријата за најдобра режија. Неофицијално, Тетовирање е и првиот македонски филм понуден за номинација за престижната филмска награда Оскар, но не бил прифатен од Академијата. Дејството на филмот се одвива во летото 1989 година и го следи животот на работникот Илија (го игра Мето Јовановски), кој по низа апсурдни настани, иако потполно невин, завршува во затвор, обвинет за убиство...

03. ВИКЕНД НА МРТОВЦИ - Коле Ангеловски (1988)


По „Мирно лето“, Македонија чекала цели 27 години за да ја погледне својата втора комедија. И тоа каква урнебесна комедија! Комедија која е поставувана многу пати низ театрите низ Македонија, а на филмското платно ја има пренесено маестро Коле Ангеловски, со култните актери: Владимир Дади Ангеловски, Ѓорѓи Јолевски, Димче Мешковски, Гоце Тодоровски, Благоја Чоревски, Тодорка Кондова-Зафировска, Младен Крстевски, Снежана Михајловиќ, Јовица Михајловски, Ташко Начиќ, Игор Џамбазов, Бата Живојиновиќ, Јелисавета Сабљиќ, Александра Петковиќ и Катерина Коцевска. Ова е воедно и последниот филм снимен од студиото „Вардар филм“ во СФРЈ. Екранизација на пиеса од Миле Попоски. Филмот има култен статус децении по својата премиера, а меѓу другото и репликата на Јелисавета Саблиќ:

„Сите ќе умрете, некој после некој сега! Никој не живее вечно.“
„Знам, сега ми кажа директорот!“

04. ЦРНО СЕМЕ - Кирил Ценевски (1971)


Снимен по сценариото на Ташко Георгиевски засновано врз неговиот истоимен роман, а во режија на Кирил Ценевски, овој историски филм говори за Граѓанската војна во Грција, 1946 година, каде припадници на кралската грчка војска, во чиј состав влегуваат и Македонците од Егејска Македонија, под обвинение дека се комунисти и непријатели на кралска Грција, се казнуваат со упатување во логор на пуст остров. Поради своите убедувања и етничкото потекло, некои од нив ги совладуваат сите тешкотии, задржувајќи го своето човечко достоинство. Други, пак, не успеваат во тоа, и наместо очекуваниот спас, доживуваат целосен морален пад.

Овој филм е посебно важен за актерот Дарко Дамевски, бидејќи за својата главна улога во овој филм, ја има добиено „Златната арена“ за најдобра машка улога на Филмскиот фестивал во Пула (1971). Исто така, филмот освоил и „Златна арена“ за режија, како и наградата „Златен венец“ за најдобро дебитанско остварување. Исто така, денес има култен статус во државава. Особено важен е и за Македонија зашто е првиот македонски филм кој е избран да ја претставува Југославија на Оскарите.

05. БАЛ-КАН-КАН - Дарко Митревски (2005)


Бал-кан-кан за време на неговото кино прикажување во Македонија е гледан од преку 500 000 луѓе, со што уште се смета за најгледаниот филм во историјата на Македонија. Тој е македонско - италијанска копродукција во режија на Дарко Митревски за животот на македонски бегалец кој патува низ Балканот за да ја пронајде својата тешта која е завиткана во тепих. Филм кој ќе ве насмее до солзи, и е веќе трета комедија на листава, иако во Македонија жанрот филмска комедија е екстремно редок, но очигледно комедиите се она во што сме најдобри.

06. МЕДЕНА ЗЕМЈА / HONEYLAND - Љубомир Стефанов, Тамара Котевска (2019)


По „Пред дождот“ на Милчо Манчевски во 1994 (го имавме во стариот Каталог), Honeyland е вториот македонски филм номиниран за Оскар за најдобар странски филм, и првиот македонски филм номиниран за Оскар во било која друга категорија (најдобар документарец). Остана запаметен и во историјата на свеската кинематографија како првиот документарен филм во историјата на Оскарите кој е номиниран за Оскар за најдобар странски филм. Ова е филмот кој не направи сите горди, и кој покажа дека и без многу средства, без не знам какви гламурозни приказни, ефекти, студија и продукции во позадина, и со само една едноставна приказна за една жена која собира планински мед од дивите пчели, но притоа остава пола за нив, го остави цел свет без здив, а им ја покажа Македонија на светската филмска мапа. Според мене - еден од нашите најдобри филмови кој мора секој Македонсец да го гледа!

07. СРЕЌНА НОВА '49 - Столе Попов (1986)


Ова се смета за едно од најуспешните македонски филмски остварувања и е единствениот македонски филм, покрај „Црно семе“ на Кирил Ценевски, што е избран да биде Југословенски кандидат за Оскар. Филмот е добитник е на низа награди и признанија, како: „Големата златна арена за најдобар филм“ на Фестивалот на југословенскиот игран филм во Пула (1986), како и Првата награда од публиката на Меѓународниот филмски фестивал во Порто Алегре (1991).

Основната тема во филмот е донесувањето на Резолуцијата на Информбирото и нејзиното неприфаќање во македонската општествена средина. Дејството се одвива во кругот на едно семејство чии членови, наоѓајќи се во вакви историски околности, започнуваат да се прибираат околу еден круг на злото при што доаѓа до уништување на најдлабоките човечки чувства, односно до себеоткажување, до напуштање на сѐ она што дотогаш го красело нивниот лик.

08. ГОЛЕМАТА ВОДА - Иво Трајков (2004)


„Гаќите на другарката Оливера се светиња“

Снимен според неверојатниот истоимен роман на Живко Чинго, „Големата вода“ е потресна приказна за животот на децата во едно комунистичко сиропиталиште кое повеќе личи на затвор. Режијата е на Иво Трајков, а филмот ја освоил главната награда на филмскиот фестивал во Валенсија. Беше и наш кандидат за Оскар, но за жал не заработи номинација. Според мене, ова е еден од најкомплетните и најсериозните наши остварувања. Не потфрла буквално на ни еден план. Од првата сцена со водата и со неверојатната музика на Кирил Џајковски, па се до крајната сцена каде Мето Јовановски се сеќава на неговите денови во сиропиталиштето, ова е една магична приказна која ќе ви ги скрши срцата, ќе ве натажи, замисли, освои! И можеби звучи неверојатно, но кога ќе дознаете дека една од двете главни машки улоги ја глуми девојче - ќе останете тотално запрепастени!

Проклет да бидам - ова мора да го гледате!

09. ЗБОГУМ НА ДВАЕСЕТТИОТ ВЕК! - Дарко Митревски, Александар Поповски (1998)


„Климе, што сакаш да ти донесе Дедо Мраз за Нова година?“
„Море марш у пичку матер.“

Филмот е добитник на наградата „Méliès d'Argent“ за најдобар европски филм од областа на фантастиката на Меѓународниот Филмски Фестивал „Expo Cine“ одржан во Хелсинки во 1999 година . Беше и македонски избор за номинација за Оскар за најдобар странски филм, но не успеа да влезе во потесниот круг на избрани.
„Збогум на 20 век“ е експериментален, жанровски комбиниран филм, проткаен со разни библиско-митолошки теми и мотиви од народното творештво, како и со разни цитати и парафрази од целокупната светска филмска историја наназад. Самите автори тврдат дека се работи за оформување, раѓање на еден релативно спечифичен и нов жанр, што тие го нарекуваат ethno-groovy.
Структурно и временски, филмот е поделен на три дела, рамковно врзани во една поголема, релативно релаксирана и наизглед не сосема јасно поврзано целина. Трите приказни се исполнети со огромна доза на насилство и чувство на емоционален очај.

10. МИС СТОН - Živorad ‘Žika’ Mitrović (1958)


„Ај да ми бидеш живо и здраво детуле. Да пораснеш големо. На лице бело и црвено како тетовско јаболко, на снага – вита ела пиринска. Грло бисер да ти рони. Гласот да ти биде како на славејче…“

Филмот е снимен во далечната 1958 година и во македонската кинематографија е запишан како четврт македонски игран филм. Освен тоа тоа е и првиот македонски игран филм снимен во колор техника и прв југословенски филм снимен во колор и псевдорелјефна техника со оптички систем „тоталскоп“. Тоа е и првиот македонски таканаречен костимиран филм, а нацртите за костимите ги изработи искусниот театарски костимограф Милица Бабиќ-Јовановиќ, додека сценографијата која е мошне битен елемент во филмот како и костимографијата,е дело на сликарот Василије Поповиќ- Цицо.

Појавата на филмот „Мис Стон“ воедно означи и нов жанровски пробив во тогаш младата македонска кинематографија. Македонскиот дел од актерската екипа е предводена од Петре Прличко, а тука се и Илија Милчин, Илија Џувалековски, Димитар Ќостаров, Драги Костовски, Дарко Дамевски, Никола Автоски, Тодор Николовски, Ацо Стефаноски, Панче Васовски-Камшик, Ристо Стефаноски, Стојка Цекова, Вукан Диневски...

 

[moongoses]

11. СОЛУНСКИТЕ АТЕНТАТОРИ - Živorad ‘Žika’ Mitrović (1961)


Во почетокот на 20 век Македонија и натаму се наоѓа во ропска положба под власта на Отоманското Царство. Како одговор на теророт на кој е изложен македонскиот народ, се пројавуваат низа различни начини на реакција, како што се организираните чети комити, подготовката за востание, а меѓу другото и акциите на гемиџиите во Солун.

Сакајќи да го привлечат вниманието на светската јавност врз Македонија, гемиџиите, група македонски анархо-социјалисти, синови на богати трговци кои се под влијание на руската нихилистичка литература и идеите на женевските анархисти, решаваат да извршат во април 1903 година низа напади на објекти во Солун, во кои е инвестиран странски капитал. Целта на овие напади се францускиот брод Гвадалкивир, Отоманската банка, Електричната централа, Поштата...

Филмот е снимен по сценариото на Јован Бошковски, а во режија на Живорад Жика Митровиќ.

12. GIPSY MAGIC - Столе Попов (1997)


Мелодрама од 1997 година на режисерот Столе Попов, по сценарио на Владимир Блажевски. Филмот претставува обид да се прикаже вистинската положба на Ромите, кај кои материјалната беда стои веднаш наспроти психолошката слобода којашто треба да го претставува нивното вистинско богатство. Филмот е добитник на гран при за најдобар филм „Antigon D'Or“ на филмскиот фестивал во Монпелје, Франција, како и на специјалната награда од жири на филмскиот фестивал во Измир, Турција . Истовремено, филмот беше и македонската понуда за номинација за Оскар за најдобар странски филм, но не успеа да влезе меѓу петте номинирани. Музиката од филмот, компонирана и изведена од култниот македонски музичар Влатко Стефановски, доби високи признанија и популарност по издавањето на филмот. И ден денес Gipsy Song на Стефановски е една од нашите најкултни филмски песни.

13. КОЛНАТИ СМЕ, ИРИНА / ТАТКО - Коле Ангеловски (1973)


Ако не најдобриот, ова е дефинитивно најхрабриот македонски игран филм! Снимен во време на СФРЈ каде за многу помалку страшни дела и помалку храбри теми се одело на Голи Оток, „Колнати сме, Ирина“ е (чудно но вистинито), режисерското деби за Коле Ангеловски кого сите го знаеме по комедиите.
Се работи за психолошка драма за која сценариото го напиша самиот Коле Ангеловски, а главните илоги ги толкуваат: Велимир –Бата Живојиновиќ, Неда Арнериќ , Мето Јовановски, Ненад Милосављевиќ, Мите грозданов, Шишман Ангеловски, Томе Моловски, Симе Илиев...
Филмот добил неколку награди: во 1973 на фестивалот на југословенскиот игран филм, Пула, Златна арена за копмпозиторот Томислав Зографски 1973 ФЈИФ, Пула, Диплома за тонска обработка и монтажа на Глигор Паковски 1973 ФЈИФ, Пула, Наградата “Кокан Ракоњац” за најпоетичен филм на режисер дебитант. Филм за една необична, забранета љубов која води кон семејна трагедија. Гледајте го, ќе ви остане врежан во сеќавањето уште долго.

14. ФРОСИНА - Vojislav Nanović (1952)


14 на нашата листа е првиот наш филм! Снимен е според сценарио на Владо Малески, а во режија на Воислав Нановиќ. Премиерата била одржана на 28 јуни 1952 година во скопското кино „Култура“. Главната улога, ликот на мајката, го толкува Мери Бошкова, а во другите улоги играат Ацо Јовановски, Љупка Џундева , Илија Џувалековски, Петре Прличко, Киро Винокиќ, Стојка Цекова, Борис Бегинов, Лидија Дебарлиева, Кирил Ќортошев , Петар Вељановски, Томо Видов ,Тодор Николовски, Перица Цветковски како малиот Климе.
Филмот е снимен во црно-бела техника, со времетраење од 79 минути, со стандардна техника на 35 милиметри. Жанрот е социјална драма, која ја обработува темата на печалбарскиот живот, војната и трагичниот живот на една мајка. Од филмски аспект нема којзнае каква вредност, но за нас во Македонија е бесценет и секој Македонец мора да го гледа.

15. ПАНКОТ НЕ Е МРТОВ - Владимир Блажевски (2011)


Еден од релативно поновите наши филмови за кои многу се зборуваше. Главните улоги во филмот ги толкуваат : Јорданчо Чевревски, Флора Достовска , Кирил Поп Христов , Виктор Лазаревски, Јовица Михајловски, Тони Михајловски, Емир Реџепи, Јордан Симонов, Камка Тоциновски, Владимир Тулиев, Ратка Радмановиќ, Димитар Зози, Абдурахман Рахман... Мирса (го игра Симонов) е остарен панкер кој се бори за секојдневниот живот во Скопје. Во раните 1990-ти се распаднала неговата рок-група, која тогаш имала култен статус. Еден ден, Мирса добива понуда, заедно со неговата стара група, да свири на една прослава во Дебар. Тој се согласува и тргнува во потрага по останатите членови на групата, а во тоа му помага неговата поранешна девојка. Филм со многу пцовки, сленг, но и филм кој ќе ве насмее и расположи.

16. ИСПРАВИ СЕ, ДЕЛФИНА - Александар Ѓурчинов (1977)


Во 1970-тите, македонската кинематографија доживеа голем раст од прекрасни филмови. Еден од тие филмови, каде во 1977 година доживеа своја премиера бил филмот „Исправи се, Делфина“ од познатиот режисер Александар Ѓурчинов. Филмот е инспириран од вистински настан — препливувањето на каналот Ламанш од страна на македонската маратонска пливачка Атина Бојаџи. Самата Бојаџи која со прекар „Охридскиот Делфин“ (оттука и името на главната улога) беше еден од соработниците на филмот а и се појавува во една сцена од него — при излегувањето од водата од Ламанш. Уште еден од култните наши филмови, ќе остане запаметен по уште една извонредна изведба на Неда Арнериќ и меѓу другото и по прекрасните „Каде песно моја“ и „Делфина“ на Славе Димитров.

17. ИЛУЗИЈА / MIRAGE - Светозар Ристовски (2004)


Македонско - австриска копродукција од 2004 година со Мустафа Надаревиќ, Владо Јовановски, Никола Ѓуричко, Дејан Аќимовиќ и Марко Ковачевиќ во главните улоги. Филмот е режиран од Светозар Ристовски кој е и автор на сценариото во соработка со Грејс Леа Троје. Дејствието на филмот се одвива во Велес и е приказна за едно талентирано, но злоупотребувано момче кое е предадено од своите илузорни надежи за подобра иднина и, по склоп околности, претворено во криминалец. Филмот дава една мрачна претстава на пост-југословенска Македонија, портретирајќи ја како место подложно на насилство и корупција.

Илузија е дебитантскиот филм на Ристовски. По неговата премиера во Канада и САД, добро е прифатен од тамошните критичари кои го фалат неговиот бескомпромисен реализам и изведбата на Марко Ковачевиќ во главната улога. Споредуван со Ивановото детство на Андреј Тарковски, филмот добива награда за Најдобар филм на Меѓународниот Филмски Фестивал „Anchorage“ во 2005 година, а номиниран е и за Гран при на Меѓународниот Филмски Фестивал во Токио една година претходно.

18. РЕПУБЛИКАТА ВО ПЛАМЕН - Љубиша Георгиевски (1969)


На 2 август 1903 година, на светиот ден Илинден, во Македонија се крена востание. Тоа беше одговор на повеќевековното ропство и теророт на кој беше изложен македонскиот народ. Илинденското востание кулминираше во создавањето на Крушевската република која опстојуваше десет дена и беше единствена република на Балканот во тоа време. За да се објаснат целта и намерите на востанието, Никола Карев, претседател на Крушевската република го пишува Манифестот на Крушевската република, кој според прогресивноста на идеите изнесени во него е далеку пред времето на настанувањето. Веднаш по започнувањето на востанието кое претендираше да се прошири низ поголемиот дел од Македонија, стана јасно дека тоа е кренато без целосни подготовки... Бројна турска војска го напаѓа Крушево. Востаниците го напуштаат градот. Останува само четата на Питу Гули. Тој е решен да даде пример како се сака својот народ и како се гине за неговата слобода. Нивната херојска смрт на Мечкин Камен ја заслужи и почитта на непријателот. „Иако краткотрајна, по своите идеи Крушевската република беше величествена. Македонија го имаше својот прв Илинден, проследен со крвави години на тешки страдања.

„Републиката во пламен“ е екранизација на сите случувања поврзани со Илинденското востание и Крушевската република. Еден од стожерите во македонската кинематографија и веројатно еден од нашите најзначајни филмови.

19. ДЕНОВИ НА ИСКУШЕНИЕ - Бранко Гапо (1965)


Првиот долгометражен игран филм на Бранко Гапо од 1965 година. Филмот е снимен според драмското дело „Црнила“ на Коле Чашуле чиј основен мотив е политичкото убиство, атентатот, над Ѓорче Петров, извршен од врховистите во Софија во 1921 година. Драмата, всушност, ја отсликува заднината на овој злосторнички чин, подготовките за него и неговите убијци а нејзината сценаристичка адаптација на Димитар Солев и Гане Тодоровски главно ја следи истата драматуршка структура. Екранизацијата на оваа драма доаѓа по забележителниот успех што таа го постигнала на театарските сцени во Македонија. Во 1966 на филмот му беше доделена 13 Ноемвриска награда за камерата во филмот за Киро Билбиловски.

Единствениот македонски ноар! Мора да го погледнете!

20. ИСЦЕЛИТЕЛ / SECRET INGREDIENT - Ѓорче Ставрески (2017)


Уште еден од ретките понови македонски филмови за кои многу се зборуваше. „Исцелител“ или „Тајната состојка“ е филм за Веле (Благој Веселинов) кој не може да си дозволи да ги купи скапите лекови за неговиот татко кој е болен од рак. Очаен, краде марихуана од некои криминалци, прави торта со неа и му ја дава на татко му, надевајќи се дека така ќе му ја намали болката. Здравјето на неговиот татко магично се подобрува, но Веле е соочен со илјадници други барања од соседите кои го сакаат магичниот рецепт, и од криминалците кои ја сакаат дрогата назад.

 

[Zlatikevichius]

Драги тапчовци,

По повеќе од година и осум месеци, тимот кој работеше на Новиот филмски каталог за современи тапчовци, успеа да го комплетира истиот. Останаа уште некои завршни ситници, но истите се повеќе од естетска природа, па затоа чест ми е да го затворам и ова поглавје на форумот.

Особена благодарност до дел од тимот кој беше тука од самиот почеток, до самиот крај (некој помалку, некој повеќе): @The Cooler King , @moongoses , @Џонтра Волта , @Комита Ултрас и @wot , малце подоцна се приклучија и @Darklady , @џимеј и @Варвара .

Благодарност и до оние кои беа со нас во одреден период и помогнаа во изборот на филмовите и пишување на рецензиите: @Gazpapir , @Io Sono Interista , @Dumbledore , @Corvus , @ob1 .

И за крај, благодарност до неколку членови кои помогнаа само за некои категории: @Ендорфиниус , @grande-juve , @Shawn Spencer и @Anon .

Се надевам дека не заборавив некој, за што однапред се извинувам.

За крај, уште едно special thanks за членовите кои ги напишаа рецензиите за филмовите (по број на рецензии):

Спојлер: Zlatikevichius - 109

In the Heat of the Night
Manhunter
Chinatown
Les Diaboliques
Leon: The Professional
Eyes Wide Shut
The Game
Sin City
Oldboy
Arrival
Tenet
Mad Max: Fury Road
A Quiet Place
Dawn
Ghostbusters
Harry Potter
Stand by Me
Bridge to Terabithia
The Hunger Games
Avatar
Paranormal Activity (2007)
Get Out (2017)
The Innocents (1961)/The Others(2001)
A Room With a View
The Color Purple
Goodbye Christopher Robin (2017)
The Diving Bell and the Butterfly (2007)
Warrior
Love Actually
Midnight in Paris
Eternal Sunshine of the Spotless Mind
Kate & Leopold (2001)
Never Let Me Go (2010)
Dead Poets Society (1989)
Trainspotting
Paterson
The English Patient (1996)
The Pursuit of Happyness (2006)
The Truman Show
Don't Look Up (2001)
Scary Movie (2000)
Hotel Rwanda (2004)
Tangerines (2013)
1917
The Hurt Locker
The Last Emperor (1987)
Watchmen (2009)
The Lion King (1994)
Ratatouille (2007)
Snow White and the Seven Dwarfs (1937)
My Neighbor Totoro (1988)
Spirited Away (2001)
Klaus (2019)
Cinderella (1950)
Bambi (1942)
Beauty and the Beast (1991)
Hercules (1997)
Inside Out (2015)
Aladdin (1992)
Dumbo (1941)
Pocahontas (1995)
Whiplash (2014)
Dirty Dancing (1987)
Saturday Night Fever (1977)
Flashdance (1983)
School of Rock (1993)
Double Indemnity (1944)
Sunset Boulevard (1950)
Laura (1944)
The Third Man (1949)
Ace in the Hole (1951)
Rebecca (1940)
Gilda (1946)
The Maltese Falcon (1941)
Touch of Evil (1958)
Notorious (1946)
Shadow of a Doubt (1943)
Malena (2000)
Contratiempo (2016)
Underground (1995)
Le Trou (1960)
Bicycle Thieves (1950)
Close (2022)
Another Round (2020)
Dogtooth (2009)
Three Colours: Blue (1993)
Andrei Rublev (1966)
The Vanishing (1988)
Ordet (1955)
Festen (1998)
Umberto D (1952)
Loveless (2017)
Breaking the Waves (1996)

Спојлер: moongoses - 56

Le Samurai
Dirty Harry
Dial M for Murder
Close Encounters
Minority Report
Waterworld
Excalibur
The Goonies
Thelma & Louise
The Birds
The Remains of the Day
Dersu Uzala
The World’s Fastest Indian
Escape to Victory
A League of their Own
Notting Hill (1999)
Bridget Jones’s Diary
Ikiru
Kramer vs. Kramer
On the Waterfront
My Cousin Vinny
The Blues Brothers
The Nice Guys
Hot Shots!
Police Academy
Casualties of War
Лепа села, лепо горе
Bitka na Neretvi
Stalag17
The Ten Commandments
300
Bullitt
Lethal Weapon
Sicario
Blade (1998)
Superman (1978)
Finding Nemo (2003)
Frozen (2013)
Despicable Me (2010)
Rio Bravo (1959)
Shane (1953)
The Man Who Shot Liberty Valance (1962)
My Darling Clementine (1946)
Red River (1948)
The Big Sleep (1946)
The Night of the Hunter (1955)
The Postman Always Rings Twice (1946)
Key Largo (1948)
Victoria (2015)
A Short Film About Love (1988)
Man With A Movie Camera (1929)
I, Daniel Blake (2016)
A Separation (2011)
Children of Heaven (1997)
Rashomon (1950)
Tokyo Story (1953)

Спојлер: Комита Ултрас - 53

Les Miserables
The Wolf of Wall Street
Taxi Driver
No Country for Old Men
Shutter Island
The Martian
Edge of Tomorrow
K-Pax
Ex Machina
The Book of Eli
The Fall
Home Alone
Into the Wild
It
Saw
Dangerous Liaisons
Atonement
The Handmaiden
A Beautiful Mind (2001)
Walk the Line (2005)
Catch Me If You Can (2002)
Amadeus
12 Years a Slave
Rush
I, Tonya 2017
Moneyball 2011
The Blind Side 2009
500 Days of Summer
10 Things I Hate About You (1999)
Silver linings playbook (2012)
Crazy, Stupid, Love. (2011)
How to Lose a Guy in 10 Days
The Revenant
The Social Network
The Green Mile
The Hunt
The Curious Case of Benjamin Button
The Hangover
The Intouchables
Little Miss Sunshine
Oceans Eleven
Bad Boys
Empire of the Sun
The Thin Red Line
Dunkrk
The Imitation Game (2014)
Spartacus
The Last Emperor (1987)
Apocalypto (2006)
John Wick
Training Day
Logan
The Dark Knight

Спојлер: Џонтра Волта - 36

Fargo
Prisoners
Joker
Rope
The Prestige
Inception
Old Yeller
Apollo 13 (1995)
Shutter (2004)
There Will Be Blood
Gangs of New York
Control
The Fighter (2010)
Before Trilogy
In the Name of the Father (1993)
Changeling (2008)
Awakenings (1990)
Lock, Stock & 2 Smoking Barrels (1998)
Snatch (2000)
The Gentlemen (2019)
Four Lions (2010)
Kad Porastem Bicu Kengur (2004)
American Sniper (2014)
Lone Survivor (2013)
The Boy in the Stripped Pijamas (2008)
Kill Bill
The Fugitive
The Doors
Toma
8 Mile
The Legend of 1900
Django Unchained (2012)
The Hateful Eight (2015)
A Fistful of Dollars (1964)
For a Few Dollars More (1965)
Tombstone (1993)

Спојлер: The Cooler King - 32

Angel Heart
High and Low
The Girl with the Dragon Tattoo
Zodiac
The Fifth Element
The Hitchhiker’s Guide to the Galaxy (2005)
Blade Runner 2049
The Princess Bride
Who Framed Roger Rabbit
Lawrence of Arabia
Jaws (1975)
Doctor Zhivago (1965)
Pride & Prejudice (2005)
The Name of the Rose
The Man Who Would Be King
Ford v Ferrari (2019)
Chariots of Fire (1981)
About Time (2013)
Four Weddings and a Funeral
The Elephant Man (1980)
The Seventh Seal
The Big Lebowski (1998)
The Sting
Catch-22 (1970)
Paths of Glory (1957)
The Battle of Algiers (1966)
Come and See (1985)
Ran (1985)
Hero (2002)
JFK (1991)
Munich (2005)
Mission: Impossible (1996)

Спојлер: Darklady - 22

Traffic
American Psycho
Solaris
The Day After Tomorrow
Willy Wonka
Hachiko: A Dog’s Story (2009)
Stardust
Jacob`s Ladder
Wuthering Heights
Bohemian Rhapsody (2018)
The King's Speech
42 (2013)
When Harry meet Sally (1989)
My Big Fat Greek Wedding
Serendipity (2001)
All About Eve (1950)
American Beauty (1999)
21 Jump Street (2012)
Network
The Bridge on the River Kwai (1967)
First blood (1982)
Die Hard (1988)

Спојлер: Варвара - 14

Dog Day Afternoon
M
The Adams Family
Mrs. Doubtfire
The Count of Monte Cristo
Perfume: The Story of a Murderer
Little Women (2019)
My Left Foot (1989)
Annie Hall (1977)
It Happened One Night
Who's Afraid of Virginia Woolf? (1966)
Incendies (2010)
Dr. Strangelove or: How I Learned to Stop Worrying and Love the Bomb (1964)
Grave of the Fireflies

Спојлер: wot - 13

The Departed
Blue Velvet
Interstellar
Stalker
jumanji
Tomb Raider
The Conjuring
Serpico
Her
Melancholia
Persona
La La Land
Dancer in the Dark

Спојлер: Dumbledore - 11

Casino
Mississippi Burning
Gone Girl
Predator
Jurassic Park
Clockwork orange
Train to Busan
Hobbit
Casper
My Girl
Misery (1990)

Спојлер: Gazpapir - 6

The Untouchables
Memories of Murder
Paradise
Brazil
Snowpiercer
Fear and Loathing in Las Vegas

Спојлер: Ендорфиниус - 5

The Dark Knight Rises (2012)
Avengers: Endgame (2019)
Spider-Man: Across the Spider-Verse (2023)
Captain America: The Winter Soldier (2014)
Guardians of the Galaxy (2014)

Спојлер: Io Sono Interista - 4

Independence Day
Gravity
Cloud Atlas
Office Space

Спојлер: Corvus - 2

Insomnia
Sleepy Hollow

Спојлер: џимеј - 2

The Conversation
Idiocracy

ChatGPT напиша 16 рецензии , а една беше преземена од форумот, од член @Lanna .

За крај, за поголема прегледност, тука ја имате целата листа на филмови: https://letterboxd.com/zlatikevichius/list/20/

Не ги заборавајте нашите други листи и каталози (меѓу кои и првиот, недовршен каталог за тапчовци - ping @Io Sono Interista ) кои ќе ги најдете тука: https://forum.kajgana.com/threads/ФИЛМСКИ-КАТАЛОЗИ.115335/

И секако, доколку имате било каков коментар за листава, тука е темата за коментари: https://forum.kajgana.com/threads/Тема-за-коментари-за-ФИЛМСКИОТ-КАТАЛОГ-ЗА-СОВРЕМЕНИ-ТАПЧОВЦИ-2-0.115360/

До следното вакво дружење!