постот ми вели дека се пронајде со мувата на капата (без навреда), но ако си вработен во вип не го оправдува фактот дека се тиња од компанија. моментално се такви, какви би биле во иднина не знам и искрено кажано не би сакал да знам.
не работам во темобајл и не сакам никого да направам будала на здрав памет. едноставно (како и многу други корисници) моето корисничко искуство како претплатник на вип го темелам врз квалитетот кој го добивам, а тој е никаков.
што се однесува до t-mobile уште одамна прекинав било каков обврзувачки договор со нив, но тоа не го порекнува фактот дека од основањето до сега се најдобри во однос на мрежата.
за прекинот не сум знаел дека го имале, но колку такви прекини имаат во споредба со вип?
дали и на тимобајл треба да звониш 10 пати и другиот да биди недостапен додека не ти се посреќи да ти се отвори линија?
дали секој ден и на тимобајл стигаат пораки со пропуштени повици? итн итн итн...
ајде до негде од страна на обичен корисни можеби ќе ти смета, можеби нема... но рачунај да имаш приватен бизнис, да звисиш денес од еден куп на повици, да си во движење... ите како ќе ти менува дали има или нема мрежа и со кој квалитет е.
ONE имаше добра мрежа и услуги, години бев кај нив и не планирав никогаш да се менувам, откако се споија со вип не можам да издвојам ама баш ниту една позитивна работа. тоа е.
Мислам дека ти се пронајде со мувата на капата, бидејќи јас ниту работам во Вип, ниту сум постојан корисник на Вип.
Баш обратно, имам работено за приватна фирма ангажирана од страна на Ериксон, кој инаку е ангажиран од страна на Македонски Телеком за проширување и одржување на неговата оптичка телекомуникациска мрежа низ Македонија, а планот им е` одржувањето и на бакарната телекомуникациска мрежа во блиска иднина да го префрлат целосно на Ериксон. И слободно можам да ти кажам дека Македонски Телеком имаат одлична маркетинг служба, но не можам истото да го кажам и за нивната техничка служба. Верувај ми, не сакаш да видиш што се наоѓа под површината.
Но како и да е, до денешен ден го користам истиот припејд број од тогашен Мобимак од 2002 година, а вториот припејд број од Вип што го користам ми го дадоа моите кога Вип за прв пат почна да ги нуди тие неговите роденденски понуди, со разликата што јас не потпишав постпејд договор, туку го задржав бројот во припејд. Воопшто не барав втор мобилен телефон бидејќи до денешен ден сум максимално задоволен со припејд мобилниот телефон од Македонски Телеком, но бидејќи моите се префрлија на Вип, го користам вториот мобилен телефон исклучиво за комуникација со нив.
Кога сме кај телевизијата и Интернетот, бев меѓу првите во мојата населба кои почнаа да користат кабелска телевизија кога кабелска телевизија Зора ги пушти коаксијалните кабли во 2002 година, а подоцна во 2005 година бев и меѓу првите во мојата населба кои почнаа да користат кабелски Интернет од Мол преку кабелска телевизија Зора.
Подоцна се префрлив на безжичниот WADSL Интернет од тогашен Он Нет, па се вратив на кабелскиот Интернет од Кејблтел кој тогаш ја купи кабелска телевизија Зора, за во 2009 година да се префрлам на тогашен Ти-Хоум прво со Call & Surf пакет, а година дена подоцна со 3 Max Comfort Plus пакет, така што никогаш не ја исклучив кабелската телевизија од Кејблтел, бидејќи имам повеќе од 2 телевизора, а MaxTV не може преку бакарен приклучок да се користи на повеќе од 2 телевизора, а мојата населба и мојата станбена зграда ги поврзаа со оптичката телекомуникациска мрежа на Македонски Телеком дури пред година дена - кон крајот на 2016 година. Во меѓувреме Кејблтел се ребрендираше во Близо и веќе во 2012 година почнаа да нудат пакети поевтини за 50% во споредба со истите пакети со истите услуги во тогашен Ти-Хоум, поради што во февруари 2012 се префрлив на Близо и до денешен ден сум со нив, односно со Вип, но само бидејќи - засега - сеуште се најевтини.
Така да, верувај ми, воопшто не планирам да ги бранам Вип, туку од аспект како нивен сегашен корисник и како поранешен корисник на Македонски Телеком, а истовремено и како некој кој е запознаен со инфраструктурата на телекомуникациската мрежа на Македонски Телеком и нивната техничка служба, слободно можам да ти кажам дека да - Македонски Телеком нуди најквалитетна услуга, но не се исплати за тие пари во споредба со цените на услугите на Вип.
Сега повторно Македонски Телеком нуди некакви промотивни понуди, но тоа е така бидејќи планираат сосема нови пакети од јануари 2018 па понатаму, не знам кога точно. Несомнено и Вип се подготвуваат за ребрендирање во А1 Телеком, особено сега кога Телеком Австрија стана целосен сопственик на оне.Вип откако ги откупија останатите 45% кои беа во сопственост на Телеком Словенија, што значи дека и тие во блиска иднина ќе почнат да нудат нови пакети.
Во меѓувреме, Телекабел ја проширува својата оптичка телекомуникациска мрежа низ Македонија, исто како и Неотел, кој таму каде што неговата оптичка телекомуникациска мрежа не е достапна, ги нуди своите услуги преку оптичката телекомуникациска мрежа на Македонски Телеком, а во некои места преку оптичките телекомуникациски мрежи на други локални кабелски оператори, што говори дека конкуренцијата расте и 2018 ќе биде интересна година за нови понуди.
како што реков тв одамна немам уклучено, еве и додека пишам вечерва тука телевизорот во соба е исклучен. 
