По која логика некој мисли дека ќе има Албанец премиер?
На сите ни е јасно дека ДУИ претрпеа тежок удар, изгубија доста голем дел од гласачкото тело. Ова им е само сламка за спас. Самите Албански партии не ја поддржаа и нема да ја поддржат оваа иницијатива. Алијанса и Беса почнаа да влечат огромен број на гласачи. Дури имаше и остри реакции и од двете по големи Албански партии дека Дуи со овој потег само сака да си ги задржи фотељите. Јас барем колку што сум информиран (може грешам)
- Партијата која што има најголем број на гласови прави влада - Нејзиниот кандидат е премиер.
Зашто некој мисли дека ДУИ ќе може да собере повеќе гласови од дпне или сдс?
Проста математика - Во Македонија моментално нека има 30% албанци (над 18 години збориме тука). Од тие 30 %, у најдобар случај 25% да гласаат за Дуи - Остануваат 75%. Не може 25% од гласачкото тело да бира Премиер. Алијанса, Беса, ПДШ - сите тие се Албански партии, секоја од нив може да напраи влада - Коалиција со Партијата која што ќе добие највеќе гласови на изборите.
Во Ниту еден случај Дпне и Сдс нема да се согласат на оваа идеа на Дуи дури и ако дуи ги „уцени“ дека нема да коалицира со нив. Зашто? Па кој е будала да ја отстапи таа функција на „помалиот“ коалиционен партнер?
Дека ќе има во блиска иднина Албанец за премиер/претседател тоа на сите ни е јасно. Пред некое време гледав статистика, некаде 50-50 беа Македонците и Албанците со првачиња/новороденчиња (не ме држете за збор). За 12 тина години, кога албанците ќе добијат доста по голем број на гласачко тело - проста математика, наталитетот им е доста поголем од тој кај Македонците, Албанска политичка партија ќе може слободно на избори да си освои мнозинство на гласови и она да бара Македонска партија за да формира влада. Според некоја моја, лаичка проценка тоа би било за 12-18 години. Значи за 12-18 години ќе може тотално легитимно, без никакви малверзации и прљави игри, албанска партија ќе може да си победи на избори.
Самите бројки не се во корист на Дуи. Сега прв пат Албанецот има солиден избор на сериозни, свежи, нови, партии со не толку корумпирани, извалкани политичари за којшто може да гласат.
Од друга страна, нашите 2 најголеми политички партии
сдс и дпне се исто така во многу незавидна позиција. Тоа остава простор на другите, по „мали“ партии без разлика која нација,вера,идеологија ја имаат како основа да добијат на значење - да повлечат повеќе гласови, пратенички места и слично.
Според мене овие избори ќе бидат нај заебаните избори во последните 20 години. Излезеноста ќе биде доста намалена. Ништо чудно, значи ништо чудно, само како опција со минимални шанси, сепак да го ставиме на маса:
Доколку Дуи, освои поголем број на гласови од останатите албански партии а помалку од Македонските пол. партии и на маса за коалиција ги „уценува“ да има Албанец премиер - дпне и сдс да направат за прв пат нивна коалиција. Со тоа што ќе имаат Апсолутно мнозинство. Пак ќе кажам, проблемот е со тоа што нико не би сакал да се откаже од таа позиција - Премиер. Иако на маса се може да се договори нели.
Сеа за кампањава што ја кажуваат, ова по 1 вработен од секоја фамилија ми е малце Б.Ц момент. У 2002 може запали, ама и доста фамилии бевме изгорени од тоа. Останавме со стварно по 1 вработен во фамилија.
Албански да се учи задолжително ? Вработување и у приватен сектор ? Тие работи не можеш да ги оствариш.
Како ти ќе му диктираш на приватниот сектор и ќе го контролираш дали вработува Албанци, Македонци,Роми итн? Тоа е чиста глупост. Ако гледаме така тогаш треба во секоја фирма да има САМО 30% албанци,15% други националности и 55% Македонци. (од ракав истресени процентите за ова). Дали тоа значи дека од Македонски пошти ќе ги избркаат Албанците доколку се над 30%? Прво дали тоа ќе биде фер за тој човек што си ја работи работата да биде избркан од работа само заради тоа што е Албанец? Ако не ги бркаат, тогаш дали ќе биде фер Албанците да имаат над 30% во Македонски Пошти?
Во училиштата јас кога бев 5то одделение прв пат ставија Албански јазик, 2 часа во неделата. Јас од албански јазик научив само да пцујам, бројам до 5 и комуницирам дур играм фудбал (ме крие и слично, неколку зборчиња), а се тоа ми беше научено пошто растев со Албанци, турци, бошњаци итн. Ништо у школо. Предметот само 1 година мислам дека се предаваше. Тотален Феил им беше. Не викам дека не е добро јазик како јазик (кој било) да се знае,доколку ти имаш желба да го научиш, но нема зашто некој тебе да те обврзува и да те тера да го знаеш.
Дали тоа некој размислил како ќе изреагираат тие други 70%? Дали тие 70% ќе сакаат да учат албански јазик ? Ќе сакаат во приватните сектори да МОРА законски да имаат одреден процент на Албанци. Тука не зборам само за Македонците, тука се и Ромите, Власите, Србите, Бошњаците, Македонските Муслимани (торбешите),Турците итн. Тоа е тотално неизводливо.
Не може малцинството да диригира што да прави мнозинството. Тука не зборам за нација, вера, раса, туку зборам за % на добиени гласови - поддршка од народот. Сепак на демократски избор - НАРОДОТ БИРА партија која што ќе прави влада. ВО тој НАРОД спаѓаат сите државјани, не само Македонците и Албанците. Како што кажав, Албанците имаат повеќе сериозни политички партии сега, не е само 1. не е само ДУИ па она со поголем % од освоени гласови од Албанскиот Блок да земе и да биде гласот и лицето на сите Албанци. Исто како што и дпне или сдс не може да биде гласот и лицето на сите Македонци.
За вработувањето...
Од вакво вработување по партиска книшка и рамковен договор (небитно за која националност се работи) 90% од квалитетниот кадар ќе си отиде. И албанци и македонци. И Албанецот нема да биде вработен само заради тоа што е Албанец, исто ко што и Македонецот не е вработен само заради тоа што е Македонец. Јасно ни е на сите дека во вакво сценарио ќе изгубиме сите ние којшто сме необоени. Без разлика на вера, раса, нација и религија. Мислам дека на сите ни е доста од ваков систем. „Нема“ Албанец што влегол државно а да не е бутнат од партија, „нема“ македонец што влегол државно а да не е бутнат од партија. Крај на муабетот. У превод се ќе си остане ко што си беше и до сеа, + - некој процент што и нема да биде толку приметлив.
За крај
Од моја гледна точка, Дуи згрешија баш сега што го предложија ова со Албанец премиер. Не е погоден момент. Барем според мене. Бидејки и без тоа, Дуи имаат огромно гласачко тело, и без тоа можеа лагано да си добијат коалиција со дпне или сдс. Вака некако ми изгледа дека преголем залак сакаат да земат, сепак, рано е за Премиер да се мисли... Само во политиката ништо не се знае, ние можеме само да кажеме сопствени мислења и по некоја анализа да си направиме. А и што друго да се праи у слободно време де
Извинете за ултра долгиот пост.
Останете ми со здравје