Io Sono Interista
The original, one and only IoSono.
- Член од
- 21 декември 2007
- Мислења
- 28.619
- Поени од реакции
- 59.432
А кој од нас вика дека сме биле одлични сезонава?
Вие имате погрешна перцепција дека поради тие два бода разлика, Интер не е нешто посебно подобар од Милан. Да бидам искрен, скоро цела сезона и јас го мислев истото, кога ги гледав како се мачат на терен со никакви екипи. Но разликата помеѓу двете екипи не се тие два бода, туку последните 4 натпревари кои ги одигравме меѓусебе во кои стана повеќе од јасно, дури и за скептиците како мене кои не веруваа во овој Интер, дека разликата е прилично уверлива.
Друга работа е тоа што играчите ги маваше куроболие цела сезона, дека Шкринијар правеше договори со ПСЖ, Инзаги го играше Ханда пред Онана, Лукаку беше повреден и дека општо земено се беше срање долго време. Но силата на Интер се гледа секогаш кога играат мотивирано, како во дуелите со Барселона. Мислам дека конечно се разбудивме кога го видовме потенцијалниот пат до финалето во ЛШ, кога се знаеше дека после Бенфика доаѓа Милан или Наполи, од тогаш наваму Интер го игра тоа што треба да го игра затоа што сите знаат дека ова им е животна шанса.
Сега сите знаеме дека клупата ни е тенка и тоа е еден од факторите зошто оваа сезона беше лоша, но тие два бода разлика што ги зборувате не се мерило за квалитетот затоа што не може подолу од ова за нас, значи дното го допревме во Сериа А сезонава. За овие играчи и вакви какви што бевме сезонава е срамота што не собраа преку 80 бода.
Како и да е, ние да си го гледаме финалето а за вас ми е жал што читам деновиве, сериозно ова, не го мислам како провокација... Малдини избркан, тој лудиот ќе играл moneyball... и ние сме за жалење со кинезиве ама тешко вас со вашите.
