Ако се земе цело првенство во обзир - Италија презаслужено во финале. Ако се земе само полуфиналето - незаслужено во финале. После голот на Мората и израмнувањето очигледна беше желбата на Шпанците за втор гол и победа, додека Италија само чекаше пенали. За разлика од претходните мечеви каде играа и добро и убаво ова беше типична "жабарска" победа какви што сме гледале многу низ годините. Сепак и тоа е дел од фудбалот па нема што друго да се каже, сепак респект за се' ова што го прават. Ретко кој очекуваше дека ќе имаат ваков камбек по катастрофата во квалификациите за СП.
Шпанија сите ја потценија па и ова полуфинале е голем успех. На повеќето им беше прв турнир. Мило ми е за Лучо, заврши одлична работа. Ако продолжат вака и соберат малку искуство дел од овие играчи можат да стигнат до трофеј во блиска иднина.
За вечер посакувам Англија да победи. За мене финале треба да биде дерби, меч на две екипи кои најмногу покажале. Без намера да ги омаловажувам Данците ама победи против Велс и Чешка за мене не се показател дека некој има квалитет за полуфинале или финале. Да не беа во полесниот дел од костурот никогаш немаше да стигнат тука.
