Запознаен ли е некој со капацитетот на нашиот здравствен систем за тестирање на заболени од корона вирус? Колку потенцијално заразени можат да се тестираат дневно, зошто може за брзо да бидат преплавени со луѓе кои имаат симптоми на инфицирани со корона? Ако останат многу недетектирани случаи, може да се случи доста луѓе кои спаѓаат во ризични категории, а на кои ќе им биде потребна итна нега, да не знаат дека се болни додека не биде прекасно. Знаеме дека нашите болници и персонал немал капацитет да се справат со сериозни епидемии, ама барем да се спречи луѓе да одат курбан, колку што е можно повеќе.
Во меѓувреме прв смртен случај и во Германија и уште нови 1800 заболени и 100ина мртви во Италија.
Турците некаква инфантилна политика и пропаганда тераат, па нивниот министер за здравство изјавил дека немаат заболени, бидејќи биле поподготвени од европските држави.
Којзнае што им се случува внатре во државата.
Иначе, знам дека е офтопик, али е индиректно поврзано и со глобалнава епидемија, берзите насекаде низ светов имаа нов црн понеделник. Нема берзански индекс кој не беше во слободен пад денес, од Југоисточна Азија, Европа, Латинска Америка, до САД. Американската берза го прекина и тргувањето неколку саати, ради огромниот пад на S&P 500, Dow Jones, и Nasdaq, повеќе од 7%. Истото се случува и со Nikkei, FTSE 100 и останатите. Огромен sell-off и паника на сите страни, инвеститорите бараат сигурен пласман, а таков нема. Во моменталниот глобален финансиски систем ни државните хартии од вредност не се сигурен пласман. Централните банки ја испукаа скоро цела муниција пост кризата од 2008, сега имаат многу малку инструменти на располагање.
Покрај корона вирусот, причината беше и нафтената ценовна војна која ја почна С. Арабија во текот на викендот. Цената на нафтата потона за еден ден, акциите на најголемите нафтени компании доживеаја катастрофа денес, некои имаа пад на цената од 50%. Ова ќе значи многу тешки денови за некои emerging markets како Иран, С. Арабија, ОАЕ, Колумбија, Русија и земји како Либија и Ирак.
Ме интересира дали има некој од одговорните кои се подготвуваат и работат на вонредни мерки, како одговор на овие огромни екстерни шокови, со оглед на тоа колку ни е изложена економијата на надворешно-трговска размена. Или ќе биде како со директоркава на клиника, а до тогаш „немајте гајле се е под контрола".
www.youtube.com
