Ова е точно, но не е проблемот дали ќе ги гледаме или не македонските „канали“... Проблемот е за сите останати странски канали.
Јас македонските ги гледам ад-хок, многу ретко, но со законското решение што не е изводливо во пракса и го нема во светов, ќе останеме без филмските, документарните и спортските канали.
А и еве во мојот случај, антена неам со години и години, така што, не сум во можност да глеам терестријално македонски канали...
Па ни јас немам антена, а и не ни планирам да купувам.
Повеќе од очигледно е каде води ваквиот апартхејдски закон - буквално апартхејдски, бидејќи го дискриминира мнозинството, во овој случај странските ТВ канали, во корист на малцинството, во овој случај македонските ТВ канали. Целта на ваквиот апартхејдски закон е да им се даде вештачко дишење на македонските телевизии кои со години - уште од 2009 година кога започнаа со турските и индиските идиотизми - немаат ама баш ништо од креативност, оригиналност и иновативност да понудат, а како последица на ова нивната гледаност бележи постојан пад, а парите од политичките партии не можат до бескрај да ги хранат неспособните - но пред се` партиски - уредници, новинари и нивните газди.
МРТВа е бунар без дно во кој се фрлаат пари за тамошните партиски паразити да можат да си ги полнат џебовите на сметка на народот, секоја им чест на ретките исклучоци кои останале таму, а кои се вистински креативци и уметници, речиси изумрени се како диносаурусите.
Но паметно постапуваат телевизиските оператори со тоа што ги откачуваат и македонските ТВ канали за да им стават до знаење дека нема да ризикуваат да останат без своите корисници, чие што јадро го сочинуваат гледачи на странски ТВ канали, а не на македонските ТВ канали.
Во која држава би барале од телевизиските оператори да докажат дека, еве да речеме ЕуроСпорт, легално емитува тенис, Бундес Лига, снукер, скијачки скокови и други спортови ?
Или па да докажат дека MTV, VH1 и на нив сличните легално емитуваат музика ?
Ако Уставниот Суд не ја замрзне примената на ваквиот апартхејдски закон во најблиска иднина - по можност пред да стапи на сила телевизискиот мрак што го најавуваат телевизиските оператори - плавите жолтици буквално си пукаа во едното здраво колено кое им остана, другото колено им фати гангрена уште на 1 јуни 2017 и им пцовисува од тогаш.
Едно е политички игнорантен народ кој молчи кога му менуваат име и историја, ама друго е народ залепен за малите екрани кој открива дека и оние малку задоволства кои му останале во домот ќе ги нема поради политичките и профитерските игранки на истите партиски паразити кои му го загорчуваат животот надвор од домот.
Ако се случи тој мрак кај тв операторите па откако ќе дојде до решение и повторно ги вклучат тв каналите најдобро е да ни ги понудат сите канали отклучени без додатни плаќања барем онолку колку и ќе трае тој мрак.
Телевизиските оператори имаат најавено дека доколку воопшто се случи таквиот телевизиски мрак, нема да наплаќаат за деновите додека траел истиот тој телевизиски мрак.
